ISAIA 28:1 - AMÜSÜH HÜM CL Bible (BSI)

¹ Ayokhe, Ephraim amüshangrü kükheangkhi kuthran, tüsho ha müretah akheahakham yiuhabahkhi sangbün, küpü amüdanglo dükhün ku kheak la, sherü yukhunü zhidoa la!

ISAIA 28:1 Iomraidhean Croise

2 KIULONG THSÜRÜ 15:29

Israel kiulongthsüpuh Peka nimungbo ching, Asiria kiulongthsüpuh Tiglath-pileser atu tüsho Ijon, Abel-beth-naaka, Janoa, Kedesh, Hazor, Gilead, tüsho Galilee, Naphtali lomi alala yan; tüsho apinü mihtsürübo rama lubah Asiria ching yü.

2 KIUTHSÜYUKHEAN 28:6

Remalia tsührü Pekanü nimung khülang chingnü Juda ching athrungrü bonungrü 120,000 laksah, tümütüsho arünü Atungpuh arü jipürü Thrünpuh bahyuk.

MÜCHITMUDU 23:29

Shepü mulong tukthsü la? Shepü mulong rozhak la? Shepü rukachihkhi la? Shepü atsangkhibo la? Shepü mübo la? Shepü mükmürümkhi la?

ISAIA 28:7

Harü she yukhunü amülim kamdo tüsho phapkenü ayingyingshihkhi lah; amükeamrü tüsho wukihrü phapkenü amülim kamchoh, arü yukhunü yingyingabahdo, arü phapkenü yingyingshihchoh; arünü michih ching lakmihchoh, arünü mahkhapkhi ching jing mükhechoh.

ISAIA 5:11

Nüsa sherü amüshangbe müshamde yapsu mükikde asürücho, shepü yukhunü amüshangpü thsüde are khiungde lachonü are.

ISAIA 5:22

Nüsa shepü phapke yungkhi ching athrungrü la tüsho yukhu rhupü ching mulong torü lanü are,

ISAIA 8:4

tümüde khungarünü “Abuh” yungsho “Aba” de ajipü mümükheahyide Damaska lakhit tüsho Samaria ching yankhikhi kukrukbo Asiria kiulongthsüpuhnü lude atsobah.

ISAIA 9:11

Jumonü Atungpuhnü arü azhihrübo bemusu, tüsho arü riribo rhumusu,

ISAIA 9:8

Atungpuhnü Jakob azhihde thiyu khülang yüshih, tüsho ju Israel kheak yükih;

ISAIA 9:9

tüsho mihtsürü alalanü ju mükheahbah– Ephraim tüsho Samaria ching larü–tüshe kükheangde tüsho mulong zhipzhipde arünü thachoh:

HOSEA 4:11

Müzammüram, yukhu, tüsho yukhu asonü anikhitkhi lude tsodo.

HOSEA 5:5

Israel lülüshishikhinü arü azhihkhi huhchoh; api mülimkhi ching Ephraim jing mükhechoh; arü lung Juda she jing mükhechoh.

HOSEA 5:9

Ephraim ju thsümüchi nimung ching azhik khülang labah; Israel trük bolung ching tümü tsükjide lanü inü khipkhitchoh.

HOSEA 6:10

Israel yamkhün ching inü mihtrebe khülang ngüdo; Ephraim yüliyürakhi ju ching lah, Israel müneana lah.

HOSEA 7:5

Isa kiulongthsüpuh thünio nimung atorübo ju yukhunü müshanga tukthsüshih; apinü luhmünerü lung khah shurün.

LEVI 26:19

Inü nüsa kükheangkhi wu thsümünimjihbah; inü nüsa kumung lakhi thüning yinchi nangde akamshihbah tüsho nüsa bukkhüp lakhi alo ju müwayinchi nangde akamshihbah.

AMOS 2:12

Tüshe nüsanü Nazirit ki yukhu yungshih, tüsho wukihrübo ki thiyukhüm jihde tha, “ Nüsanü dümüchit.”

AMOS 2:8

arünü kingaün sadam aban ki thiyuchihchimde alukhi khimmih kheak zuhyuka yapchoh; tüsho arünü azhekhi shonü yukhu thuloa arü thrünpuh yam ching yungchoh.

AMOS 4:1

Ha yu aniang, nüsa Samaria müzüng kheak lakhi Bashan moshi dretobo, sherünü zhochihrü junocho, sherünü müthsümülarü zünakcho, sherünü niubuhrü ki thacho, “Tümükhüh ayungpü lubah arang!”

AMOS 6:1

Sherü zuzu thsüde Zion ching la, tüsho sherü Samaria müzüng kheak kuramde la, akhuh trükshih ching mungkhung mihtsürübo, sherü kheak Israel yamkhünnü arung luchonü ayokhe!

AMOS 6:4

Sherü thsotorü yapkiu kheak yapcho, tüsho dükhümbinkiubo kheak zuh-a bincho, tüsho mihnu bolungnü namfimihnunu tüsho moshi bolungnü moshi nunu tsühchonü ayokhe;

AMOS 6:6

shepünü phurusük chingnü yukhu yungcho, tüsho atsüdak müdangkenü nihbuh mujucho, tüshe Josep thsümünimkhi dünkheak mulong mutukthsü!

AMOS 6:8

Atungpuh Thrünpuhnü aküdah thsüde thiyuchihchim, Atungpuh Wuto Thrünpuhnü thachoh: Inü Jakob kükheangkhi mükheahne tüsho api chipibo thraneanlah; tüsho inü kiuto tüsho ju ching lakhi lüpdükhi jihabahbah.