ISAIA 27:13 - AMÜSÜH HÜM CL Bible (BSI)

¹³ Tüsho ju nimung Asiria tüsho Ijip ching larü Israelrü ramtsorü alala jilopü hulipungpung mütbah. Arünü arübah tüsho Jirusalem ching amüsüh wung kheak Atungpuh kingaünbah.

ISAIA 27:13 Iomraidhean Croise

2 KIULONG THSÜRÜ 17:6

Hoshea kam tukupü ching Asiria kiulongthsüpuhnü Samaria yankhit; apinü Israelrü bebah Asiria ching yü. Apinü arübo Hala, Gozan ching lakhi Habor ayung, tüsho Midia kiutobo ching binshih.

1 KIUTHSÜYUKHEAN 15:24

Shebania, Joshaphat, Nethanel, Amasai, Zekaria, Benaia, tüsho Eliezer, amükeamrübonü Thrünpuh sangdan müngüh hulipungpungbo müt. Obed-edom tüsho Jehia ane she sangdan ripit aheangrü thsü.

MUNGSHIKHÜN 47:5

Thrünpuh a ahode, Atungpuh a hulipungpung khungde yükihdo.

MUNGSHIKHÜN 81:3

Khinu aso kim ching, khinu münichoki, isa arüngako anioji nimung hulipungpung mütang.

MUNGSHIKHÜN 89:15

Mihtsürü sherünü asühachih düsheak mükheahlanü müngühmühi! O Atungpuh , arünü nü bekhi ayin ching tsahchoh.

ISAIA 11:11

Ju nimung Asiria, Ijip, Pathros, Ethiopia, Elam, Shinar, Hamath, tüsho keto kekunglo chingnü aninga larü khümkhitpü mahne kipü Atungpuhnü akhah chungbah.

ISAIA 11:12

Apinü trükshihbo thsungkheak amütsan riphin khülang shuhkihbah, tüsho müzüta lakhi Israel tüsho hiumüzüta lakhi Juda alomi mühit phüyi chingnü bemukhungbah.

ISAIA 11:16

junangde Asiria chingnü limto khülang api mihtsürü aningkhi thsungkheak, Israelrü Ijip lomi chingnü atuchoki lakhi nangde alabah.

ISAIA 18:3

Nüsa alomiküp ching larü alala, nüsa sherü alomi kheak lacho, küyimki amütsan riphin khülang awungbo kheak shuhkihbanü, kheahang! Küyimki hulipungpung mütbanü, aniang!

ISAIA 19:21

Atungpuhnü anihbuh Ijiprü ki mükheahshihbah; tüsho ju nimung Ijiprünü Atungpuh mükheahbah, tüsho shuhmülanga jihde taka kingaünbah, tüsho arünü Atungpuh ki thiyuchihchimbah tüsho jurü rhimobah.

ISAIA 19:22

Atungpuhnü Ijip shikbah tüsho athsüngubah; arünü Atungpuh kilim rholobah tüsho apinü arünü mushukhibo anibah tüsho arü thsüngujihbah.

ISAIA 2:11

Mük müzhingrü mihtsürü thokheambah, tüsho kükheangküyangrü aban aninibe kamshihbah; tüsho ju nimung ching Atungpuh lang ashuhkihbah.

ISAIA 2:2

Arübe nimung ching Atungpuh yam wung ju awungbo lung achangbe thsüa labah tüsho awungbo kumung shuhkihbah; trükshih alalanü ju kheak shobah,

ISAIA 2:3

mihtsürü ahihdo arübah tüsho athabah. “Arang, isanü Atungpuh wung lim, Jakob Thrünpuh yam ching wutuanü; junangde apinü api limrobo isa ki thsangyubah tüsho isanü api jingshubo ching tsahbah.” Tümüde Zion chingnü yakzan, tüsho Jirusalem chingnü Atungpuh yu wukhiukbah.

ISAIA 25:6

Ha wung kheak Wuto Atungpuhnü mihtsürü alala thsungkheak ala-tsühyungpü thünio, ashuh-yukhu, alütlüt-shih, düshihde achangkhi yukhu-thünio khülang thsakhambah.

ISAIA 43:6

Inü dukulim thabah, “Tsoshang,” tüsho düjinglim, “Dütholo; I tsührübo limshu chingnü tüsho I tsührübebo alomi akheam chingnü bedarang–

ISAIA 49:7

Atungpuhnü ha thachoh, Israel Rhokhitrü tüsho api Amüsüh Khülang, sükde jingmükhea lakhi kilim trükshihbonü athraneankhi, yakzanshuhrü yo azhorü, “ Kiulongthsürübonü angübah tüsho wusurübah, yakzanshuhrübonü angübah tüsho arünü amükhümbah, tümütüsho Atungpuh hode shepü athülün la, Israel Amüsüh Thrünpuh shepünü nü mokhitkhea.”

ISAIA 56:8

Atungpuh Thrünpuhnü ha thachoh, shepünü yankhita lakhi Israelrü bemukhungcho, inü bemukhunga larü lung püpürü bedarübah.

ISAIA 66:18

Tümüde inü arü rhimobo tüsho arü lümkhi mükheahlah, tüsho trükshih le thiyutha alala bemukhungpü I arüchoh; tüsho arünü arübah I müretahkhi ngübah,

ISAIA 66:23

Khinu aso tüsho amunimung aban, mihtsürü alalanü I miki kingaünpü arübah, Atungpuhnü thachoh.

JEREMIA 31:6

Tümüde judüki nimung khülang aheangrünü Ephraim lomi wung ching jikhi labah: “Arang, isanü Atungpuh isa Thrünpuh kilim Zion ching wutuanü.”

JEREMIA 43:7

Tüsho arübo Ijip lomi ching yüzah, tümüde arünü Atungpuh yu mani. Tüsho arübo Tapanhes ching arü.

JEREMIA 44:28

Tüsho nukshang chingnü atsokhitrü akhekhi nükde Ijip lomi chingnü Juda lomi lim alodarübah; tüsho aningkhi Juda Ijip lomi ching lapü arürübonü I yu a shi arü yu zhipbanü amükheahbah!

EZEKIEL 20:34

Inü wuto khah, achungkhitkhi khah, tüsho bukakhiukde nüsa müzütshihpung mihtsürü chingnü bekhitbah tüsho lomibo chingnü bemukhungbah;

EZEKIEL 20:41

Inü nüsa trükshihbo chingnü bekhitchoki tüsho nüsa hiumüzütpung lomi chingnü bemukhungchoki rhümthüneabe nangde nüsa leangkhibah, tüsho trükshih miki nüsa bolung I amüsüh huhbah.

EZEKIEL 39:25

Jumonü Atungpuh Thrünpuhnü ha thachoh: Kheakü inü Jakob kuhi jihlobah, tüsho Israel yamkhün athrünkhi kheak mihmüthsüm labah; tüsho inü I mung amüsüh kümdobah.

DANIEL 11:45

Apinü keto le akheah atsü amüsüh müzüng dükeak nihbuh kiulongthsü khimyambo thsübah. Tütüshe api rungrü she mülade, api ashebah.

HOSEA 11:11

Arübo wuhnubo nangde ajande Ijip chingnü, tüsho müthrithrümpü nangde Asiria chingnü arübah; tüsho inü arübo arü yam lim yüloshihbah, Atungpuhnü thachoh.

HOSEA 8:13

Arünü I kilim laksah-a kingaünkhi jihchoh tüsho arünü shih tsühchoh, tüshe Atungpuhnü jurü müleangkhi. Kheakü apinü arü amülim-rhimo lümkhitbah tüsho arü thsümüchibah; arü Ijip lim yülobah.

HOSEA 9:3

Arübo Atungpuh lomi ching aninga müla; tüshe Ephraim a Ijip lim alode ayübah, tüsho Asiria ching arünü mümüsühkhi tsühyungpü tsühbah.

LEVI 25:9

Tüsho nüsanü khinu thüne nimung thürü nipü ching Jubilee hulipungpung achangnü müta khiungke lim yüshang; neak dünthsükhipü nimung ching nüsanü hulipungpung müta nüsa lomi alala ching yüshang.

MIKA 7:14

Nü tsonü nü mihtsürü, nü yo namfimihnu boto neakang, küpü murung khülang ching alo atsü phulung la; arübo awün nimungbo nangde Bashan tüsho Gilead ching yimtsühshang.

ZEKARIA 14:16

Judüki rhangdung larü trükshih alala Jirusalem azhihde arürünü kam aban Wuto Atungpuh , kiulongthsüpuh kingaünpü, tüsho arüngkhimyam thünio mungpü wutubah.

ZEKARIA 8:7

Wuto Atungpuhnü ha thachoh: Inü I mihtsürübo aniakhiuklim tüsho aniyüzahlim lomibo chingnü akhümkhitbah;

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

MATHI 24:31

Apinü api yunirübo hulipungpung düsheak atonü mütde ayüshihbah, tüsho arünü api yo amokhitrübo alomi akheamnü khülim khiungde thrip phüyi chingnü abemukhungbah.

LUKNÜ ATHRÜTKHI THIYUSHEAK-ATSÜ HUHTANYU 4:18

“Atungpuh Me I kheak lah tümütüsho zhochihrü ki thiyusheak atsü thsangyuthsangrapü apinü I mujude-müsühkhit. Apinü I aramrübo dükhepü zhiyukpü tüsho müktukrü ngüshihpü, junoa larü zuzu kamshihpü,

ROMRÜ KILIM PAULNÜ ATHRÜTKHI KIHÜM HUHTANYU 10:18

Tüshe inü keokhi: Arünü muso de? Jua am, “Arü düsheak alomi alala ching, tüsho arü yubo alomiküp akheambo ching yüdo.”

1 TESALONIKA 4:16

Tümütüsho Atungpuh ju thiyukhüm jihkhi zhide, yunirü-atobuh düsheak thsüde, tüsho Thrünpuh yo hulipungpung mütde yinmi chingnü akibah. Tüsho Khrista ching shea larü akhuhde asürübah;

IBRI 12:22

Tüshe nüsa Zion Müzüng, yinmi Jirusalem arhang Thrünpuh kiuto ching, tüsho mükhebinkhi yunirü mukhungpung arüa lah,

AMIKHEAKAKHIUKKHI 10:7

tüshe athünepü yunirünü hulipungpung müt nimung apinü anihbuh wukihrübo ki zhiyukkhi Thrünpuh aramyu dünjibah.

AMIKHEAKAKHIUKKHI 8:2

Judüki yunirü thüne Thrünpuh miki zhipde inü ngü, tüsho arü kilim hulipungpung thüne jih.

AMIKHEAKAKHIUKKHI 8:6

Kheakü hulipungpung thüne zhimbah alakhi yunirü thünenü amütsü thsakhama lakheah.

AMIKHEAKAKHIUKKHI 9:14

hulipungpung shuhkhi athurukpü yunirü ki tha, “Euphra ayung ato ching rhüka lakhi yunirü phüyi dükheang.”