ISAIA 27:12 - AMÜSÜH HÜM CL Bible (BSI)

¹² Ju nimung Atungpuhnü Euphra ke bukpung kheaknü Ijip Ayung khiungde anitbah, tüsho nüsa khülang khülangnü bemukhungbah, O Israel mihtsürü.

ISAIA 27:12 Iomraidhean Croise

THRÜNTAN 15:18

Ju nimung Atungpuhnü Abram kheak tangzüng khülang thsü tüsho tha, “Nü tsühsoniusobo kilim inü ha lo jihchoh, Ijip ayung chingnü Euphra ayung ato–

1 KIULONG THSÜRÜ 8:65

Junangde Solomonnü api lung Lebo-hamath kheaknü Ijip ayung khiungde boto ato tüsho Israel alala bebah Atungpuh isa Thrünpuh miki nimung thüne thünio mung.

NEHEMIA 1:9

Tüshe nüsanü I kilim alode arübah inü athakhi rhimosho nüsa lomi akheam khiungde müzützüt she kükheak I mung zoshihpü inü mokhitdünü ju kheak belode arübah.’

MUNGSHIKHÜN 68:22

Atungpuh nü tha, “Inü arübo Bashan chingnü belode arübah, inü arübo keto asükbo chingnü belode arübah,

MUNGSHIKHÜN 72:8

Apinü keto chingnü keto khiungde, tüsho Ayung chingnü alomi akheam khiungde yakzan shuhbah.

ISAIA 17:6

Ju ching yimlu aninga labah, oliv sangdung anitchoki nangde–sangaso mahne yungsho mahsam amuyu khah ching, phüyi yungsho phüngü sangasodung khahbo kheak kihbah, Atungpuh Israel Thrünpuh nü thachoh.

ISAIA 49:5

Tüsho kheakü Atungpuhnü thachoh, shepünü api yamlarü thsüpü nuyam ching I lashihkhea, api kilim Jakob belodarüpü, tüsho Israel api ki mukhungpü, tümüde Atungpuh miki I müretahkhi lah, tüsho I Thrünpuh ju I sühmüh kamdo–

ISAIA 56:8

Atungpuh Thrünpuhnü ha thachoh, shepünü yankhita lakhi Israelrü bemukhungcho, inü bemukhunga larü lung püpürü bedarübah.

JEREMIA 3:14

Rholoang, O akin mülakhi tsührü, Atungpuhnü thachoh, tümüde I nü putungrü lah; inü nüsa, khülang kiuto chingnü tüsho mahne yamkhün chingnü bea lubah, tüsho inü nüsa Zion lim bedarübah.

JEREMIA 44:28

Tüsho nukshang chingnü atsokhitrü akhekhi nükde Ijip lomi chingnü Juda lomi lim alodarübah; tüsho aningkhi Juda Ijip lomi ching lapü arürübonü I yu a shi arü yu zhipbanü amükheahbah!

EZEKIEL 20:34

Inü wuto khah, achungkhitkhi khah, tüsho bukakhiukde nüsa müzütshihpung mihtsürü chingnü bekhitbah tüsho lomibo chingnü bemukhungbah;

EZEKIEL 20:41

Inü nüsa trükshihbo chingnü bekhitchoki tüsho nüsa hiumüzütpung lomi chingnü bemukhungchoki rhümthüneabe nangde nüsa leangkhibah, tüsho trükshih miki nüsa bolung I amüsüh huhbah.

EZEKIEL 39:25

Jumonü Atungpuh Thrünpuhnü ha thachoh: Kheakü inü Jakob kuhi jihlobah, tüsho Israel yamkhün athrünkhi kheak mihmüthsüm labah; tüsho inü I mung amüsüh kümdobah.

EZEKIEL 47:19

Düjinglim thrip Tamar chingnü Meribath-kadesh kebo khiungbah, ju chingnü Ijip ayung yeande Ato Keto khiungbah. Ha düjinglim thrip labah.

AMOS 9:9

Tümüde kheahang, inü thiyukhüm jihbah tüsho khürünü ayikeangnü ayikhi nangde trükshih alala bolung müthülünkhi yihkhita bahpü inü Israel yamkhün ayibah.

ZEKARIA 8:7

Wuto Atungpuhnü ha thachoh: Inü I mihtsürübo aniakhiuklim tüsho aniyüzahlim lomibo chingnü akhümkhitbah;

LUKNÜ ATHRÜTKHI THIYUSHEAK-ATSÜ HUHTANYU 15:4

“Nüsa bolung namfimihnu 100 labah 1 dükheaksho, mütüm ching 99 zojihbah amüngüyi khiungde adükheakkhi yimde müyükhi mihtsürü shepü la?

JOHAN 10:16

Namfimihnubo püpü ha yam ching mülakhi she inü bede arübah, tüsho arünü I düsheak anibah; tüsho arübo namfimihnu boto khülang tüsho namfimihnu neakrü khülang labah.

JOHAN 6:37

I Buhnü I jihkhi alala I kilim arübah, tüsho shepü I kilim arüchonü inü küyimkishe müyankhit.

JIHUSUA 15:4

Ju chingnü Azmon lim yü, tüsho Ijip ayung chingnü akheam lim keto ching arülah. Ha Judarü düjinglim aredung yean lakheah.