ISAIA 27:10 - AMÜSÜH HÜM CL Bible (BSI)

¹⁰ Tümüde chipi ayünkhi kiuto zhikrangkhündo lah, sunglo nangde lapung bahkhitdo tüsho bahyukdo; moshi nunubonü ju ching apheanchoh, arünü ju ching yapchoh tüsho akhahbo ajangsahchoh.

ISAIA 27:10 Iomraidhean Croise

ISAIA 17:2

Anihbe kiutobo lünnü bahyuka labah; arübo mihnu boto yimtsühpung labah, küpü zuhyuka yapba, tüsho shenü she arü mütreshih.

ISAIA 17:9

Ju nimung sühmüh lakhi arü kiutobo Hiv tüsho Amorrü lapung Israel tsührü hode abahkhitkhi nangde alabah, tüsho ju ching zhikrangkhündo alabah.

ISAIA 24:10

Kumünikhi kiuto thsümünima lungdo, thüyam abande rihdoa lah, junangde shenü müyüzahkhuk.

ISAIA 25:2

Tümüde nünü kiuto amujung kamshihdo, chipi ayünkhi kiuto thsümünimdo; khiungkerü yo kiulongthsürü yambo lakhi kiuto kheaküa müla, ha küyimkishe müthsülo.

ISAIA 32:19

Aru akibah murung ju shahde kheamkheam she tüsho kiuto shahde kingkheamkheam she,

ISAIA 35:1

Sunglo tüsho akung lo asühbah, loshelo asühachihbah tüsho apungbah; mumükin sangbün nangde,

ISAIA 49:21

Judüki nü mulong ching nünü athabah, “Shenü I kilim harü zübejihkhea? I mitripde tüsho bünkeangberü, ramtso ching tsoshih-a lakheah– jumonü shenü harü mütrükhea? I a I langzü tsütsü lang alakheah dale harü küchingnü arükhea?”

ISAIA 64:10

Nü amüsüh kiutobo sunglo kamdo, Zion ju sunglo kamdo, Jirusalem zhikrangkhündo lah.

ISAIA 7:21

Ju nimung khürünü moshi nunu khülang tüsho namfimihnu mahne arhangnü akambah,

ISAIA 7:25

tüsho thuwuh müzheannü awochakkhi wungbo alala ching khingphu tüsho ayangrungbo trekhinü nünü ju ching müyü; tüshe jurübo moshi tüsho namfimihnu mungpung kambah.

JEREMIA 25:37

tüsho mungtsü lomibo thsümünimdo, tümütüsho Atungpuh buk müshakde akhiukkhinü ah.

JEREMIA 26:18

“Juda kiulongthsüpuh Hezekia nimungbo ching müchitbuh Moreshethrü Mikanü Juda mihtsürü alala ki tha: ‘ Wuto Atungpuhnü ha thachoh, Zion ju thulu nangde wochakbah; Jirusalem athsümünim mujung kambah, tüsho thüyam wung ju murung kambah.’

JEREMIA 26:6

inü ha yam Shilo nangde akamshihbah, tüsho alomi trükshih alala bolung ha kiuto muthrumünean kamshihbah.

JEREMIA 52:27

Tüsho Babilon kiulongthsüpuhnü Hamath lomi Ribla ching arübo kingsahabah. Jumonü Judarü ju nihbuh lomi chingnü ramtso ching yükheah.

TÜZHOKHI 1:4

Zion limrobo tüzhochoh tümüde thünio ching shenü marü; anihbe chipiripit alala zhika lah, anihbe amükeamrübo ashechoh; anünürübonü mulong rozhakchoh tüsho anihbe thsünü akhüh ching lah.

TÜZHOKHI 5:18

Zion müzüng zhikrangkhündo alakhinü shirungbonü ju kheak apheanchoh.

EZEKIEL 36:4

jumonü, O Israel müzüngbo, Atungpuh T H RÜ NPU H yu soang: Atungpuh Thrünpuhnü aninga lakhi mühirü trükshih alala ki yankhia lukhi tüsho keangrümüne kukruk khülang kamkhi Israel müzüngbo, awungbo, ayungbo, jindükhün, azhik tüsho abahkhi le abahkhitkhi kiutobo ki ha thachoh;

MIKA 3:12

Jumonü nüsa dünkheaknü thulu nangde Zion wochakbah; Jirusalem ju athsümünim mujung kambah, tüsho arüngyam wung ju murung kambah.