ISAIA 26:5 - AMÜSÜH HÜM CL Bible (BSI)

⁵ Tümüde apinü achang kheak larübo thokheamdo; adüküng kiuto apinü keamkhishih. Apinü alo kheak yapshih, asungthulung ching bahdo.

ISAIA 26:5 Iomraidhean Croise

MUNGSHIKHÜN 79:8

O, isa azhihde adüso neakbo dülümkhitjih; nü amüthsüm isa shorupü chithsade arüshang, tümüde isa khide abobe kamshihdo.

ISAIA 13:11

Amütsü-rhimo dünkheak inü alomiküp thsümüchibah, tüsho amülim dünkheak mihbukmuyuk thsümüchibah; inü kükheangküyangrü bukakhiukkhi akheam thsüshihbah, tüsho mihmukhiuh kükheangkhi keamkhishihbah.

ISAIA 14:13

Nünü nü mulong ching tha, Inü yinmi ching yükihbah; inü I kiulongthsü-binkiu ju Thrünpuh chiningbo kumung shuhkihbah; inü mukhungmüdan wung Zaphon mujuk kheak binbah;

ISAIA 2:12

Tümüde kükheangküyangrü tüsho changde-alümrü, ashuhkihkhi tüsho achangkhi alala azhihde Wuto Atungpuh nimung khülang lah;

ISAIA 24:10

Kumünikhi kiuto thsümünima lungdo, thüyam abande rihdoa lah, junangde shenü müyüzahkhuk.

ISAIA 25:2

Tümüde nünü kiuto amujung kamshihdo, chipi ayünkhi kiuto thsümünimdo; khiungkerü yo kiulongthsürü yambo lakhi kiuto kheaküa müla, ha küyimkishe müthsülo.

ISAIA 32:19

Aru akibah murung ju shahde kheamkheam she tüsho kiuto shahde kingkheamkheam she,

ISAIA 47:1

Akiang tüsho asungthulung ching binang, atsangkhit tsührübe Babilon! Kiulongthsü-binkiu kheak yungde alo kheak binang, tsührübe Kaldea! Tümüde nü kheaküa athünak tüsho aliuhliuh de müji.

JEREMIA 51:37

tüsho Babilon ju athsümünim mujung, shirungbo yam, mihtrebe kukruk tüsho ish thsübe, mihtsürü mülade akambah.

JEREMIA 51:64

tüsho thaang, ‘ Hanangde inü anihbe kheak thsümütsü handarükhi dünkheak Babilon keamyukbah, masürülo.’ ” Ha khiungde Jeremia yubo lah.

TÜZHOKHI 2:2

Atungpuhnü mihmüthsüm mülade Jakob lapungbo alala muyuabah; api bukakhiukkhi ching apinü Juda tsührübe chipibo lukkheamjih; apinü kiulongthsü tüsho yakzanshuhrübo wüntre mülakhi ching alo lim thokhi.

EZEKIEL 26:11

Api khora biuobonü nü kiudunglimrobo jungbah. Apinü nü mihtsürübo nukshang kheak yihkihbah, tüsho nü yo amüküp dungjingbo alo kheak keambah.

EZEKIEL 28:17

Nü jak tsümo nünü kükheang; nü mungthu hode nü lümlung thsümünim. Inü nü alo ching bah; inü nü kiulongthsürübo miki nü kheak arü mükbo mürüngshihpü lahkhita zojih.

AMIKHEAKAKHIUKKHI 18:2

Tüsho apinü düsheak atonü ji, “Lungdo, ato Babilon lungdo! Ha arimri lapung kamdo, amünean me, tüsho athraneanbe wuhnu mungpung kamdo;