ISAIA 26:4 - AMÜSÜH HÜM CL Bible (BSI)

⁴ Lünnü Atungpuh kheak kinang, tümüde Atungpuh T H RÜ NPU H ju akheam mülakhi Lung ah.

ISAIA 26:4 Iomraidhean Croise

2 KIUTHSÜYUKHEAN 20:20

Arünü yapsu mükikde asürü tüsho Tekoa sunglo ching wukhiuk; tüsho arü wukhiukchoki, Jehoshaphatnü zhip tüsho tha, “I ki aniang, O Juda tüsho Jirusalem ching larübo! Atungpuh nüsa Thrünpuh kheak kinang tüsho nüsa dübiuopung labah, api yo wukihrübo kheak kinang tüsho nüsanü akuk ngübah.”

2 KIUTHSÜYUKHEAN 32:8

Api lung bekhi ju shih yo bonungrü ah; isa lung bekhi a Atungpuh isa Thrünpuh, isa rungpü tüsho isa thsung thsüde keochihjihpü lah.” Juda kiulongthsüpuh Hezekianü athakhi yubo hode mihtsürübo mulong tode kam.

JOB HU H T ANYU 9:19

Ha sühmüh azhihachihkhi dükhülaa, api amüküpbuh ah! Ha mahkhap ah dükhülaa, shenü api jikhukpü?

MUNGSHIKHÜN 125:1

Sherü Atungpuh kheak kinchonü makhinde lünnü alapü lakhi Zion Müzüng nangde lah.

MUNGSHIKHÜN 18:2

Atungpuh ju I lungto, I chipi tüsho I bekhitrü, I Thrünpuh, I sühmüh, shepü kheak I tsoyukcho, I tsung, tüsho I akhümkhit juh, I chipi.

MUNGSHIKHÜN 46:1

Thrünpuh ju isa tsoyukpung tüsho sühmüh, küpkhuk kim ching rungpü thsüde lah.

MUNGSHIKHÜN 55:22

Atungpuh kheak nü hahmülang zojang, tüsho apinü nü tsunglobah; apinü küyimkishe thiyuro-lungkirü matrütshih.

MUNGSHIKHÜN 62:11

Thrünpuhnü khülang ki asukdo, ha inü mahne ki sodo: Wu ju Thrünpuh yo ah.

MUNGSHIKHÜN 62:8

Kim alala ching api kheak kinang, nüsa mihtsürübo; nüsa küpkhuk alala api ki thaang; Thrünpuh ju isa thsungkheak tsoyukpung.

MUNGSHIKHÜN 62:9

Abobe mihtsürü ju sheak khülang ah, achangbe mihtsürü ju keangtha ah; arübo wuhzhin kheak adünsho, arü rukhüh sheak kheaknü ahiphipbe labah.

MUNGSHIKHÜN 66:7

Apinü api wu hode lünnü yakzan shuhchoh; api müknü trükshihbo kheahyukchoh; azhihrübo arü küdah thsüde düshuhkihshih.

MUNGSHIKHÜN 93:1

Atungpuhnü kiulongthsüchoh, api ju wüntre-müretah yihlah; Atungpuh yihlah, api sühmühnü züt thsülah. Tsükjide alomiküp ju maphapkhukpü thsüde thsüa lah.

ISAIA 12:2

Tsükjide Thrünpuh a I yo akhümkhit; inü akinbah, tüsho mütre, tümüde Atungpuh ju I sühmüh tüsho khün; api I akhümkhit kamdo.

ISAIA 17:10

Tümüde nüsanü nüsa khümkhitbuh Thrünpuh mihabahdo, tüsho nüsa tsoyukpung Lung mülümkhit; jumonü, nüsanü sangdung atsü khimkhim she tüsho khiungke lim yo kurungasobo khimkhim she,

ISAIA 30:29

Amüsüh thünio tsüngre nangde nüsanü khün thsübah; tüsho Israel Lung, Atungpuh wung lim tsahmusuchoki khürünü khungpi khungkhi nangde, mulong asühkhi labah.

ISAIA 32:2

Mihtsürü abannü apung chingnü ajikpü dangpung nangde, chinthrüm chingnü alampung, akung lo ching ke yungbo nangde, kethüri lo ching lungto ato alamme nangde alabah.

ISAIA 44:8

Dajan, yungsho dütre; inü nü ki adüso chingnü mütha de yungsho mükhipkhit de? Nüsa I yumütsan thsürübo! I hobah püpü thrünpuh la shi? Ju ching Lung püpü müla; inü mükheahlah, she müla.

ISAIA 45:17

Tüshe Israel a Atungpuhnü akheam müla akhümkhit hode khümkhita lah; nü a küyimkishe achih müngüshih yungsho müyingyingshih.

ISAIA 45:24

Atungpuh kheak lang thiyuro-lungki tüsho sühmüh lah de arünü I dünkheak thabah; bukakhiukde api azhihrü alala api ki arübah tüsho achih ngübah.

ISAIA 50:10

Nüsa bolung shepünü Atungpuh trecho tüsho api yamlarü düsheak anicho, shepünü amiting ching tsahcho tüsho ayin müla, tütüshe Atungpuh mung ching kincho tüsho api Thrünpuh kheak düthsün angücho?

ISAIA 51:5

I yo thiyuro-lungki phünide lah, I yo akhümkhit wukhiukdo tüsho I khahbonü mihtsürübo yakzan shuhbah; keyean lomibonü I aleangchoh tüsho I khah kheak arünü mulonglamchoh.

ISAIA 63:1

“ Edom ching lakhi Bozra chingnü rung-khiungkhi khim yihbah arücho ju shepü a? Müretahkhinü züt thsübah, wu ato chingnü arücho ju shepü a?” “Ha I, thiyuro-lungki ching asukchoh, akhümkhitpü wu lah.”

DANIEL 3:17

Isa motru ching ramyuksho, isanü tankihkhi Thrünpuhnü isa ju chingnü khümkhitkhuklah, tüsho Apinü isa nü khah chingnü bekhitbah, O kiulongthsüpuh.

DANIEL 3:28

Judüki Nebukednezarnü tha, “Shadrak, Meshak tüsho Abednego Thrünpuh shiang, shepünü Api yunirü thiyi tüsho api yamlarübo khümkhit! Arünü api kheak kin tüsho kiulongthsüpuh yukhüm mani tüsho arü Thrünpuh kheak hobah püpü thrünpuhbo tankihde mükingaünpü rhangdung shuhmülanga jih.

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

YUZÜNGTHALO 32:15

Tüshe Jeshurun shihkihde zokhit, tüsho azhihde kam; bukthsüde tsühbah api mülangrüpdo tüsho lütlütde kam. Apinü api thrünrü Thrünpuh bahyuk, tüsho api khümkhitpü lung bahyuk.

YUZÜNGTHALO 32:4

Api ju lung, api rhimo khiukdahlah; tümüde api limro alala alungki. Athülünkhi Thrünpuh tüsho amülim mülakhi, api alungki tüsho dükde lah.

YUZÜNGTHALO 33:27

Akheam mülakhi Thrünpuh ju nü lapung lah, tüsho abukkhüp lakhi ju akheam mülakhi khahbo ah. Tüsho apinü thiriri nüsa müngühnü yana tsoshihchoh, tüsho tha, ‘Dükheang.’

FILIPI 4:13

I sühmüh jihbuh hode inü lüpdükhi thsükhuklah.

1 SAMUEL 2:2

“Atungpuh nangde sheshe Amüsüh müla, nü hobah sheshe müla; isa Thrünpuh nangde sheshe Lung müla.