ISAIA 26:21 - AMÜSÜH HÜM CL Bible (BSI)

²¹ Kheahang, alomi ching larübo arü amülim dün thsümüchipü Atungpuh api lapung chingnü akhiukchoh; alominü nihbe kheak thiyih bukkhi yihkhita huhbah, tüsho kheaküa alaksahkhi mülüpdo.

ISAIA 26:21 Iomraidhean Croise

JOB HU H T ANYU 16:18

O alomi, I thiyih lüpdoa dübah; inü thiyuro zhikhi dükheamshih.

JOB HU H T ANYU 20:27

Yinmibonü api mülimkhibo lahkhitbah, tüsho alominü api azhihde wusubah.

ISAIA 10:3

Thsümüchi nimung ching, limshunü arüpü lakhi thsümütsü ching nünü tümü rhimoba? Shepü ki arung thsungkheak nü shande ayüba, tüsho nü lakhit kükheak bahba?

ISAIA 13:11

Amütsü-rhimo dünkheak inü alomiküp thsümüchibah, tüsho amülim dünkheak mihbukmuyuk thsümüchibah; inü kükheangküyangrü bukakhiukkhi akheam thsüshihbah, tüsho mihmukhiuh kükheangkhi keamkhishihbah.

ISAIA 18:4

Tümüde Atungpuhnü I ki ha thado: Inü I lapung chingnü, ani thsükhi ching müsürido atakkhi nangde, yimlu kim atak ching ayinke-amo nangde malande akheahbah.

ISAIA 22:14

Wuto Atungpuhnü I nükhün ching huhdo: Tsükjide nüsa müsheyi khiungde ha amülim neak mübahjih, Wuto Atungpuh Thrünpuhnü thachoh.

ISAIA 29:6

Wuto Atungpuhnü tsüngmukde tüsho muliuyuk züngde tüsho atonü alande, chitmühean tüsho chinthrüm, tüsho aniuabahbe motru hode nü rhuakheahbah.

ISAIA 65:6

Kheahang, I miki ha thrüta lah: Inü zhikde müla, tüshe inü athrihlobah; atsütsü inü nü ki samde athrihlobah,

ISAIA 65:7

arü mülimkhibo tüsho arü jipürü mülimkhibo rukhühnü, Atungpuhnü thachoh; tümütüsho arünü awungbo kheak rhümthüneabe tak, tüsho awung mujukbo kheak I azhihde tha, jumonü ahokhi rhimobo thülünde inü arü thsümüchibah.

ISAIA 66:6

Aniang, kiuto ching arhunganimkhi! Arüngyam ching düsheak! Atungpuh düsheak, api riri athrihlochoh!

EZEKIEL 8:6

Apinü I ki tha, “Mihtsürü tsührü, Israel yamkhünnü I arüngyam chingnü limshude yanabahde athraneanbe ato rhimokhi nünü ngüchonah? Tütüshe nünü kheaküshe athraneanbebo atobe ngübah.”

LUKNÜ ATHRÜTKHI THIYUSHEAK-ATSÜ HUHTANYU 11:40

Makharübo! Shepünü aleanglim thrünkheanü alunglim she athrünkhi yung de?

LUKNÜ ATHRÜTKHI THIYUSHEAK-ATSÜ HUHTANYU 11:50

Junangde alomiküp khimtanchokinü wukihrü alala thiyihbo bukkhi dünkheak ha lün thsümüchibah,

AMIKHEAKAKHIUKKHI 16:6

tümüde mihtsürübonü amüsührü tüsho wukihrübo thiyih bukshihdo, tüsho nünü arü ki thiyih yungshih. Ha arünü athülünkhi ah!

AMIKHEAKAKHIUKKHI 18:24

Tüsho anihbe kheak wukihrübo le amüsührübo, tüsho alomi kheak laksahrü alala thiyih ngü.”