ISAIA 26:2 - AMÜSÜH HÜM CL Bible (BSI)

² Chipiripitbo khimshuhang, junangde thiyuro-lungki trükshihbo akin larünü ayüzahbah.

ISAIA 26:2 Iomraidhean Croise

MUNGSHIKHÜN 106:5

junangde nünü amokhitkhi alü thsükhi inü angübah, junangde nü trükshih asühkhi ching inü asühachihbah, junangde nü yamrüplurüp lung inü müretahbah.

MUNGSHIKHÜN 118:19

Thiyuro-lungki chipiripitbo I kilim khimshuhjang; inü jurü hode ayübah, tüsho inü Atungpuh shijihbah.

MUNGSHIKHÜN 118:20

Ha Atungpuh chipiripit lah, ha hode thiyuro-lungkirü yüzahbah.

MUNGSHIKHÜN 24:7

Nüsa kubo dukoang, O chipiripitbo! tüsho shuhkihang, O Jipü khimdopübo! junangde müretahkhi kiulongthsüpuh azahbah.

ABEKHIT 19:6

Tüsho nüsa ju I kilim amükeamrü kiulongthsü tüsho amüsüh trükshih khülang thsübah. Harü yubo ha nünü Israelrü ki thaang.”

ISAIA 45:25

Atungpuh kheak Israel tsührü alala alim kambah tüsho müretahbah.

ISAIA 54:14

Thiyuro-lungki ching nü rünkihbah; nü junopü chingnü limshude alabah, tümüde nü mütrede alabah, tüsho atrebe müla, tümüde ju nü phünide marü.

ISAIA 54:17

Nü azhihde athsükhi thsühnuk tümü she mütsüp, tüsho mahkhap ching nü azhihde athakhi yubo alala nünü alokhukbah. Ha Atungpuh yamlarü yamrüplurüp tüsho I kilimnü arü thiyuro-mütsan lah, Atungpuhnü thachoh.

ISAIA 58:8

Judüki nü yo ayin yapsu nangde atahbah, tüsho nahde nü thsüngubah; nü thiyuro-lungki nü müngüh yübah, Atungpuh müretahkhinü nü dunglim aheangbah.

ISAIA 60:11

Nü chipiripitbo kamruhroro khimshuh-a labah; animung tüsho are mürihde alabah, junangde trükshihbonü arü lakhit nü kilim handarübah, arü kiulongthsürübonü bebah dungde arübah.

ISAIA 60:18

Thiyih bukkhi nüsa lomi ching kheaküa muso, thsünimthsüshi nüsa aredung ching müla; nünü nü chipibo ki Akhümkhit tüsho nü chipiripitbo ki Mungshi de ajibah.

ISAIA 60:21

Nü mihtsürü alala thiyuro-lungki labah; arünü lünnü alomi lubah. Arübo inü akhimkhi dübit, I khah rhimo, junangde I müretahbah.

ISAIA 61:3

Zion ching tüzhorü kilim jihchungpü, arü kilim awah müthri sangbünlak jihpü, tüzhopü müthri asühako müdangke, müdüküngkhi me müthri mungshi khim. Arübo ki thiyuro-lungki thülamdungbo de ajibah, Atungpuhnü akhimkhi, api müretah huhpü labah.

ISAIA 62:1

Anihbe akuk ngükhi yapsu nangde mütahyi khiungde, tüsho anihbe akhümkhit tsün nangde mütahyi khiungde, Zion thsungkheaknü inü zhikde müla, tüsho Jirusalem thsungkheaknü inü sühakhim mulu.

ISAIA 62:10

Hode yüang, chipiripitbo hode yüang, mihtsürübo thsungkheak limro thsakhamang; zünang, limtobo zünang, lungbo moa bahang, mihtsürübo kurungkheak amütsan shuhkihang.

ISAIA 62:2

Trükshihbonü nü thiyuro-lungki tüsho kiulongthsürü alalanü nü müretahkhi ngübah; tüsho nü mung asonü ajibah, ju Atungpuh münnü ajibah.

ZEKARIA 8:20

Wuto Atungpuhnü ha thachoh: Kiuto ahihdo chingnü mihtsürübo kheaküshe arübah;

YUNIRÜBO RHIMO 2:47

Thrünpuh shijihde mihtsürü alala ki asühachih. Tüsho Atungpuhnü khümkhita larübo arü wühkhe ching kheyuk.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

2 PETER 3:13

Tüshe apinü alokhikhi zode isanü yinmi aso tüsho alomi aso, thiyurolungkirü lapung kheahchoh.

JUDNÜ ATHRÜTKHI KIHÜM HUHTANYU 1:3

Amuzho müyamrübo, isa rukhüh akhümkhit dünkheak nüsa kilim thrütpü khide mulungkhinü, khülangkinü lang amüsührü kilim jihkhi akin dünkheak shochihpü tuthsukde nüsa kilim thrütpü yihnüpü lakheah.

AMIKHEAKAKHIUKKHI 21:24

Ha ayin hode trükshihbonü atsahbah; tüsho alomi kiulongthsürübonü arü müretah ju ching lude arübah,

AMIKHEAKAKHIUKKHI 5:9

tüsho arünü khün aso thsüde tha, “Küpqiu lupü tüsho ju yümdokhibo khimshuhpü nü athülün ah, tümüde nü laksahdo tüsho nü thiyih hode trük, thiyutha, mihtsürü tüsho trükshih aban chingnü Thrünpuh thsungkheak nünü mihtsürübo rhokhit,