ISAIA 26:19 - AMÜSÜH HÜM CL Bible (BSI)

¹⁹ Isa mihtsürü shea larü arhang kamlobah, arü mibo asürübah. O asungthulung ching larübo, asürang tüsho asühachihkhi khün thsang! Tümüde nü yo ayinke ju yapsu ayinke nangde lah, tüsho alominü shea larü yankhitbah.

ISAIA 26:19 Iomraidhean Croise

JOB HU H T ANYU 14:8

Aying ju alo ching chinkheama lalashe, tüsho ame alo ching shea lalashe,

JOB HU H T ANYU 29:19

I yingbo kebo ching chinde yü, I khahdübeakbo kheak tsüngreroro ayinke jih;

MUNGSHIKHÜN 110:3

Nü thirithsü nimung nü mihtsürübo ju nü rungrü labah; yapsu mükikde ayinke nangde nü mihtsürü athunurü nü kilim amüsüh wungbo kheak arübah.

MUNGSHIKHÜN 22:15

I sühmüh ju phühkheam nangde kunga lah, I mulo khühlüh kheah dakkihchoh; nünü I ashebe asungthulung ching bahjihdo.

MUNGSHIKHÜN 22:29

Kükheangküyang mihtsürü alalanü api miki khukningbah; ashe asürükhi mihtsürü alalanü api miki khukningbah.

MUNGSHIKHÜN 71:20

Nü, shepünü I ki küpkhukbo ato tüsho achimudo huhkheanü I sühmüh laloshihbah, tüsho alo asükbo chingnü I belode atubah.

MUNGSHIKHÜN 88:11

Nü muzhodakkhi kiuyuk ching yungsho nü thiyuro lakhi athsümünim ching khipkhitba de?

ISAIA 18:4

Tümüde Atungpuhnü I ki ha thado: Inü I lapung chingnü, ani thsükhi ching müsürido atakkhi nangde, yimlu kim atak ching ayinke-amo nangde malande akheahbah.

ISAIA 25:8

Judüki Atungpuh Thrünpuhnü alala miro kheaknü chike nanjihbah, tüsho api mihtsürü masühkhi alomi alala chingnü lude atsobah, tümüde Atungpuhnü asukdo.

ISAIA 51:17

Nü asürang, nü asürang! zhipang, O Jirusalem, nü shepü Atungpuh khah kheaknü api bukakhiukkhi pung yungkhea,

DANIEL 12:2

Asherü ahihdo asürülobah: khürü akheam müla rhangdung labah, tüsho khürü achih ngükhi tüsho akheam müla abahyuk labah.

HOSEA 13:14

Inü arü Ashe-lomi ching rhokhitba de? Inü arü Ashe chingnü rhokhitba de? O Ashe, nü arüm-tukthsübo küching la? O Ashe-lomi, nü athsümünim küching la? I mük kinü amuzho jika lah.

HOSEA 14:5

I ju Israel ki ayinke nangde alabah; api thrilung sangbün nangde abungbah, Lebanon murungbo nangde api aying chinyukbah.

HOSEA 6:2

Nimung mahne dunglim apinü isa thsüphulobah; mahsam nipü apinü isa yihmusubah, junangde api miki isa labah.

ZEKARIA 8:12

Tümütüsho judüki mungtsü yangkhi labah; kurungasonü aso asobah, alonü amukhuhshihbah, tüsho thüningbonü ayinke jihbah; tüsho inü ha mihtsürü aningkhi ki harü alala yamrüplurüp lushihbah.

MATHI 27:52

tüsho kiuyukbo khimshuh; shea lakhi amüsührü pangbo ahihkhüh arhang kamlode asürü;

MATHI 27:58

Apinü Pilat kilim yübah Jisu mi kheang tüsho Pilatnü api kilim jihpü thiyukhüm jih.

YUNIRÜBO RHIMO 24:15

Tüsho harü mihtsürübo nangde thiyuro-lungki tüsho mihbukmuyuk chido thsungkheak arhang kamlokhi labah de inü Thrünpuh kheak akin lah.

1 KORINT 15:20

Tüshe atsütsü asherü she arhang kamlobah dükhi amütsan Khrista ashe chingnü arhang kamlodo.

EFISIA 5:14

Jumonü ha tha, “O ayaprübo asürang, tüsho ashekhi chingnü asürang, tüsho Khristanü nüsa kilim ayin jihbah.”

YUZÜNGTHALO 32:2

Inü thsangyukhi tsüng nangde atsamkhishang, inü athakhi ayinke nangde keamshang, sangdung nunu kheak tsüng arünnü akeamkhi nangde, tüsho rimkiu kheak tsüng shimshimde akeamkhi nangde.

YUZÜNGTHALO 33:13

Josep dünkheak apinü tha, “Thüning kumungnü amokhitkhi thsambahnü, tüsho alunglim lakhi kenü, Atungpuhnü amüngühjihkhi api lo thsang;

YUZÜNGTHALO 33:28

Jumonü Israel a kurampung ching lah, Jakob kekhip küma zolah, hi tüsho yukhu lakhi lo ching, thüningbonü ayinke akishihchoh.

FILIPI 3:10

junangde inü api tüsho arhang kamlokhi wu mükheahbah tüsho api shekhi ching api ruk kamde thsünükhi ching shihcham lubah,

FILIPI 3:21

Apinü anihbuh yakzan bukkhüp lüpdükhi hande arükhukkhi wu hode isa reangmüzahkhi pang müthrijihbah tüsho müretahkhi api pang nangde akamshihbah.

1 SAMUEL 2:6

Atungpuhnü laksahchoh tüsho rhangdung lashihchoh; apinü Ashe-lomi ching beyukchoh tüsho asürüloshihchoh.