ISAIA 26:16 - AMÜSÜH HÜM CL Bible (BSI)

¹⁶ O Atungpuh , lümthsünü ching arünü nü yim, nünü arü thsümüchichoki arünü nü ki tamkhüntamnü.

ISAIA 26:16 Iomraidhean Croise

MUNGSHIKHÜN 142:2

Inü I atsangkhi api ki lude arüchoh; inü I küpkhuk api miki thachoh.

MUNGSHIKHÜN 27:8

Nünü tha, “Nünü I miro yimang.” I mulongnü nü ki thachoh, “Atungpuh , inü nü miro yimchoh.”

MUNGSHIKHÜN 42:4

Küyimki inü harü lümkhitbanü, I me thurukhitchoh. Tümüde inü asühkhi düsheak thsüde, tüsho makshe jihde boto lung Thrünpuh yam lim yü.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 77:3

Inü Thrünpuh lümkhit, tüsho küpkhukde alakheah; inü atsanglo, tüsho I me shekhia lakheah.

MUNGSHIKHÜN 78:34

Küyimki apinü arü khürü laksahkheanü, aninga larünü api yim; arünü mulong müthri tüsho azhihayihde Thrünpuh yim.

MUNGSHIKHÜN 91:15

Apinü I ki jibah, tüsho inü api ki alobah; küpkhuk ching I api lung labah; inü api bekhitbah tüsho api wüntrebah.

ISAIA 37:3

Arünü api ki tha, “Hezekia nü ha thachoh, ha nimung lümthsünü, athürühkhi tüsho mümuzhokhi nimung khülang; tsührübo zübedo, tüsho arü mütrümusupü sühmüh müla.

JEREMIA 2:27

shepünü sangdung ki tha, “ Nü a I buh,” tüsho lung ki tha, “ Nünü I zübe.” Tümüde arünü arü düthsün I kilim anguh. Tüshe arü küpkhuk kim ching arünü thachoh, “Arang tüsho isa khümkhitang!”

JEREMIA 22:23

O Lebanon ching larübo, cedarbo ching sap shurübo, nüsa kheak aliberü thsünükhi nangde thsünü arüchoki nüsa küdükhüh amuzhobe laba!

JEREMIA 29:12

Judüki nüsanü I ki jichoki tüsho arübah I ki tamkhüntamnüchoki, inü nüsa ki anibah.

TÜZHOKHI 2:19

Aheangpü tankihchoki azhing ching asürang, zhiang! Atungpuh miki ke nangde nü mulong bukkhitang! Nü tsührübo rhangdung lapü thsungkheaknü api ki nü khah shuhkihang, sherübo akhümkhinü kiudunglimro mungyean aban lungcho.

HOSEA 5:15

Arünü arü mülimkhi muhuhyi khiungde, inü I mihtsürü bahyukbah. Tüsho arünü I miro yimbah; arü thsünükhi ching arünü mushude I yimbah.

HOSEA 7:14

Arünü mulong chingnü I ki müzhi, tüshe arünü yapkiu kheak tüzhochoh; arünü hi tüsho yukhu thsungkheak nihbuh zangrü tsütchoh; arünü I azhihchoh.

WÜHKHE 21:7

Jumonü mihtsürübonü Mosa kilim arübah tha, “ Isanü Atungpuh tüsho nü azhihde athakhi hode neak yihbeakdo; isa kheaknü phuruto tsoabahshihpü Atungpuh ki tamkhüntamnüjang.” Jumonü Mosa nü mihtsürübo thsungkheak tamkhüntamnü.

AMIKHEAKAKHIUKKHI 3:19

Sherü ki inü muzholanü, inü thürühchoh tüsho thsümüchichoh; jumonü künsahde laang tüsho mulong müthriang.

MAHKHAPRÜ 10:15

Judüki Israelrünü Atungpuh ki tha, “Isanü neak yihbeakdo! Nünü atsükhi isa kheak rhimoang; khihni isa lang bekhitang, isanü tamkhüntamnüchoh.”

1 SAMUEL 1:15

Tüshe Hannanü alo, “Yung, I tungpuh, I sükde küpkhukkhi liberü ah; inü yukhu yungsho müshangmurube tümü muyung, tüshe Atungpuh miki I küpkhuk thade tamkhüntamnüde alakheah.