ISAIA 25:9 - AMÜSÜH HÜM CL Bible (BSI)

⁹ Ju nimung thabah, Kheangang, ha isa Thrünpuh ah; isa khümkhitshihpü thsüde isanü api aleangkheah. Ha isanü aleangkhi Atungpuh lah; isanü api akhümkhit ching asühanü tüsho asühachihanü.

ISAIA 25:9 Iomraidhean Croise

THRÜNTAN 49:18

Inü nü akhümkhit aleanglah, O Atungpuh . @SPACE=

MUNGSHIKHÜN 100:1

Nüsa lomibo alala, Atungpuh ki asühde zhiang!

MUNGSHIKHÜN 20:5

Nü khümkhitkhi ching isanü asühachihbah, tüsho isa Thrünpuh mung ching isanü isa riphin khimbah! Atungpuhnü nünü amushukhi alala akuk ngüshang.

MUNGSHIKHÜN 21:1

Nü sühmüh ching kiulongthsüpuh asühchoh, O Atungpuh ; tüsho nünü akuk ngüshihkhi ching api küdükhüh tode asühba!

MUNGSHIKHÜN 27:14

Atungpuh aleangang; reangzahang, tüsho nü mulong toang; inü thachoh, Atungpuh aleangang!

MUNGSHIKHÜN 33:20

Isa menü Atungpuh aleangchoh; api isa rungrü tüsho tsung.

MUNGSHIKHÜN 33:21

Api kheak isa mulong asühlah, tümütüsho isanü api amüsüh mung ching kinchoh.

MUNGSHIKHÜN 40:17

Tüshe I a zhochihrü tüsho mülamüthsürü ah; tütüshe Atungpuhnü I dünkheak lümshang. Nü I rungrü tüsho I bekhitrü;dashu, O I Thrünpuh.

MUNGSHIKHÜN 9:14

junangde Zion tsührübebo miki inü zhipbah nü mung shikhi thabah, tüsho nü akhümkhit ching asühachihbah.

MUNGSHIKHÜN 95:1

O arang, isanü Atungpuh ki khün thsanü! Isanü isa akhümkhit lungto ki asühachihde ahoanü.

ISAIA 33:2

O Atungpuh isa ki müthsümang; isanü nü aleanglah. Yapsu aban isa sühmüh thsang, Küpkhuk kim ching isa khümkhitang.

ISAIA 33:22

Tümüde Atungpuh ju isa mahkhapbuh, Atungpuh ju isa yakzanshuhrü, Atungpuh ju isa kiulongthsüpuh; apinü isa khümkhitbah.

ISAIA 35:1

Sunglo tüsho akung lo asühbah, loshelo asühachihbah tüsho apungbah; mumükin sangbün nangde,

ISAIA 35:10

Tüsho Atungpuh zuzu alodarübah tüsho khün thsüde Zion lim arübah; akheam mülakhi asühachihkhi arü ku kheak labah; arünü asühpü tüsho asühara ngübah, tüsho mulong rozhak tüsho sheak-dükip tsoabahbah.

ISAIA 35:2

suhdahde apungbah tüsho asühde khün thsüde asühachihbah. Lebanon müretahkhi ju kheak jihbah, Karmel tüsho Sharon wüntre-müretah labah. Arünü Atungpuh müretahkhi, isa Thrünpuh wüntre-müretah ngübah.

ISAIA 35:4

Mulong ajande alarü ki thaang, “ Reangzahang, dütre! Ha ching nüsa Thrünpuh lah. Apinü atrebe thsüde athrihlopü royimjihpü arübah. Api arübah tüsho nüsa khümkhitbah.”

ISAIA 37:20

Jumonü kheakü, O Atungpuh isa Thrünpuh, api khah chingnü isa khümkhitang, junangde alomi kiulongthsübo alalanü nü lang Thrünpuh ah de amükheahbah.”

ISAIA 40:9

Nü awung achang kheak yükihang, O Zion, thiyusheak atsü mükheahshang; nü düsheak sühmüh zahde shuhkihang, O Jirusalem, thiyusheak atsü mükheahshang, shuhkihang, dütre; Juda kiutobo ki thaang, “Ha ching nüsa Thrünpuh lah!”

ISAIA 41:16

Nünü arü yünbah tüsho apungnü hande atsobah, tüsho chinthrümnü arü yünmüzütbah. Judüki nünü Atungpuh lung asühachihbah; Amüsüh Israel Thrünpuh lung nü müretahbah.

ISAIA 49:23

Kiulongthsürübo ju nü kümmusurü buhrübo labah, tüsho arü niuberübo ju nü mütrürü berübo thsübah. Arü miro alo lim kheahbah arünü nü ki khukningbah, tüsho nü jing kheak asungthulung müleakbah. Judüki I Atungpuh de nünü amükheahbah; sherünü I aleangbanü achih müngüshih.”

ISAIA 51:3

Tümüde Atungpuhnü Zion mulong shukheambah; apinü anihbe yo thsümünimkhi dangpungbo alala shukheambah, tüsho anihbe sunglo ju Eden nangde kamshihbah, anihbe loshelo ju Atungpuh shahwün nangde kamshihbah; asühachih tüsho asühkhi anihbe kheak labah, makshe jihkhi tüsho khün düsheak labah.

ISAIA 52:10

Atungpuh amüsüh khah trükshih alala miki akhiuka lah; tüsho alomi alalanü isa Thrünpuh akhümkhit ngübah.

ISAIA 60:16

Nünü trükshihbo kheaknü niuhke dukbah, nünü kiulongthsürübo niuh dukbah; tüsho I Atungpuh , nü Khümkhitbuh tüsho nü Rhokhitrü, Jakob yo Wuto Khülang ah de nünü amükheahbah.

ISAIA 61:10

Inü Atungpuh lung tode asühachihbah, I menü I Thrünpuh lung asühbah; tümüde apinü akhümkhit khimmih I kheak phuyujih, apinü thiyuro-lungki shulünkhimnü, yamkhün-kambuhnü sangbün laknü züt thsükhi nangde, tüsho arhangberünü zülubonü züt thsükhi nangde I muhiudojih.

ISAIA 64:4

Ahokhi lünbo ching shenü muso, she nükhünnü musokhit, api aleangrü thsungkheak shepünü rhimocho, nü hobah she müknü tümü Thrünpuh müngü.

ISAIA 65:18

Tüshe inü athrünkhi ching lünnü asühbah tüsho asühachihbah; tümüde inü Jirusalem ju asühkhi thrünpü thsüchoh, tüsho ha mihtsürü asühpü labah.

ISAIA 8:17

Inü Atungpuh aleangbah, shepü miro Jakob yamkhün kheaknü jikla, tüsho inü api kheak mulonglambah.

MIKA 7:7

Tüshe I a, inü Atungpuh kheahbah, inü I khümkhitbuh Thrünpuh aleangbah; I Thrünpuhnü I ki anijihbah.

HABAKKUK 3:18

tütüshe inü Atungpuh lung asühachihbah; inü I khümkhitrü Thrünpuh lung tode asühbah.

ZEKARIA 10:7

Judüki Ephraim mihtsürübo ju thirithsürü nangde akambah, tüsho arü mulongbo ju yukhu yungkhi nangde asühbah. Arü tsührübonü ju ngübah tüsho asühachihbah, arü mulongbo Atungpuh kheak khide asühbah.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

LUKNÜ ATHRÜTKHI THIYUSHEAK-ATSÜ HUHTANYU 2:25

Judüki Jirusalem ching mihtsürü khülang amung Simeon lakheah, tüsho ha mihtsürü thiyuro-lungki tüsho shuhmülanga jihrü Israel khümkhitkhi kheahde, tüsho api kheak Amüsüh Me lakheah.

FILIPI 3:1

Akheam ching, I keoniorübo, Atungpuh lung asühang. Nüsa kilim ju rukhüh thrütlopü I küpkhuk müla, tüsho ha nüsa kümrü lah.

FILIPI 3:3

Tümüde isa ju me ching Thrünpuh kingaünrü, Jisu Khrista ching müretahrü, tüsho shih ching mulongram mülakhi thiyuro tsütabahkhi lah.

TITA 2:13

isa müngühmühi mulonglam aleangpü, isa ato Thrünpuh tüsho akhümkhitrü Jisu Khrista müretah akhiukpü thaa huhdo.

1 PETER 1:6

Anükhüh labah rükaki aphuaphu ching nüsa thsünüpü laa lalashe, ha dünkheak nüsanü asühachihang,

1 PETER 1:8

Api müngüngü she nüsanü api muzhochoh; api müngüngü she nüsanü api kheak kinchoh tüsho müthakhukbe asühachihchoh.

2 PETER 3:12

Atungpuh nimung nahde arükhi kheahde alabeah. Ju nimungnü mo hode thüningbo athsümünimpü hande arübah tüsho chiningbo atakkhinü aniubah.

AMIKHEAKAKHIUKKHI 1:7

Kheahang, api amobo chingnü arüchoh, tüsho mihbüm aban, api chinkhitshihkhi müknü api ngübah; tüsho alomi trükbo alalanü api dünkheak tüzhobah. Junangde alabah. Amen.

AMIKHEAKAKHIUKKHI 22:20

Shepünü harü thiyumütsan thsüchonü thachoh, “Tsükjide I nahde arüchoh.” Amen. Arang Atungpuh Jisu!