ISAIA 25:8 - AMÜSÜH HÜM CL Bible (BSI)

⁸ Judüki Atungpuh Thrünpuhnü alala miro kheaknü chike nanjihbah, tüsho api mihtsürü masühkhi alomi alala chingnü lude atsobah, tümüde Atungpuhnü asukdo.

ISAIA 25:8 Iomraidhean Croise

MUNGSHIKHÜN 116:8

Tümüde nünü ashekhi chingnü I me, chikebo chingnü I mükbo, tüsho akeamkhi chingnü I jingbo bekhit.

MUNGSHIKHÜN 69:9

Nü arüngyam mürheangkhinü I aniuabahdo, tüsho nü mükhemükimrünü mükhemükimkhi I kheak akihdo.

ISAIA 26:19

Isa mihtsürü shea larü arhang kamlobah, arü mibo asürübah. O asungthulung ching larübo, asürang tüsho asühachihkhi khün thsang! Tümüde nü yo ayinke ju yapsu ayinke nangde lah, tüsho alominü shea larü yankhitbah.

ISAIA 30:19

Atsütsü, O Zion ching mihtsürübo, Jirusalem ching larübo, nüsa kheaküa mütrip. Nüsanü azhikhi düsheak ching apinü tsükjide nüsa ki müthsümbah; küyimki apinü asoba, apinü nüsa ki alobah.

ISAIA 30:26

Kheaküshe Atungpuhnü api mihtsürü yurikhi rümjihkhi tüsho apinü ashikkhi mübo thsünguchoki nimung khinu ayin ju ani ayin nangde alabah, tüsho ani ayin ju thüne ki ayinatrüm, nimung thüne ayin nangde alabah.

ISAIA 35:10

Tüsho Atungpuh zuzu alodarübah tüsho khün thsüde Zion lim arübah; akheam mülakhi asühachihkhi arü ku kheak labah; arünü asühpü tüsho asühara ngübah, tüsho mulong rozhak tüsho sheak-dükip tsoabahbah.

ISAIA 37:3

Arünü api ki tha, “Hezekia nü ha thachoh, ha nimung lümthsünü, athürühkhi tüsho mümuzhokhi nimung khülang; tsührübo zübedo, tüsho arü mütrümusupü sühmüh müla.

ISAIA 51:11

Jumonü Atungpuhnü rhokhitrü rholobah tüsho khün thsüde Zion lim arübah; akheam müla asühachihkhi arü ku kheak labah; arünü asühachih tüsho asühakokhi labah, tüsho mulong rozhak le masühkhi tsoabahbah.

ISAIA 51:7

Nüsa sherü thiyuro-lungki mükheahlanü, nüsa mihtsürü sherü mulong ching I thsangyukhi lanü I ki aniang; püpürünü mükhemürangkhi dütre, tüsho arünü nü mükthsüchoki mulong dünini.

ISAIA 54:4

Dütre, tümüde nü achih müngü; mulong dünini, tümüde nü achih ngüde müküpkhuk; nü athunu achihahean nünü amihbah, tüsho nü khimokhi achihahean nünü mülümkhitlo.

ISAIA 60:15

Nü bahyuka tüsho thraneana shenü mütsahhode lalashe, inü nü lünnü wüntre-müretah kamshihbah, lün alala ching asühachihshihbah.

ISAIA 61:7

Tümütüsho arü khitode achih ngüdo, tüsho akinashu mülakhi arü shihcham nangde zhiyuk, jumonü arü shihcham alü thsüde alubah; akheam mülakhi asühachihpü arü yo thsübah.

ISAIA 65:19

Inü Jirusalem ching asühachihbah, tüsho I mihtsürü kheak asühbah; ju ching atripkhi düsheak musolo, yungsho lümthsünü zhikhi müla.

ISAIA 66:5

Atungpuh yu aniang, nüsa sherü api yu sobah ajancho: Nüsa thraneanrü nüsa mihtsürü tüsho I mung chingnü nüsa bahyukrünü tha, “Atungpuh müretahshang, junangde isanü nüsa asühkhi ngüanü”; tüshe arübo achih ngübah.

JEREMIA 31:16

Atungpuhnü ha thachoh: Nü atripkhi düsheak chingnü tüsho mük ching chike bukkhi chingnü tukloang; tümüde nü rhimo dünkheak thsambah khülang lah, Atungpuhnü thachoh: arü riri lomi chingnü arü alodarübah;

HOSEA 13:14

Inü arü Ashe-lomi ching rhokhitba de? Inü arü Ashe chingnü rhokhitba de? O Ashe, nü arüm-tukthsübo küching la? O Ashe-lomi, nü athsümünim küching la? I mük kinü amuzho jika lah.

LUKNÜ ATHRÜTKHI THIYUSHEAK-ATSÜ HUHTANYU 1:25

Alibenü tha, “Kheakü akheam ching Atungpuhnü I rungdo tüsho mihtsürü bolung I mungchih hande tsodo.”

1 KORINT 15:26

Akheam thsüde adükheakshihpü thiriri ju ashekhi.

1 KORINT 15:54

Küyimki adükheakbenü amüdükheakbe, tüsho ashebenü amüshebe phuyubanü, thrüta lakhi müchit dünjibah: “Ashekhi ju akuk ngükhi ching muyuabahdo.”

2 TIMOTHI 1:10

tüsho kheakü isa khümkhitrü Jisu Khrista arükhi hode isa ki amikheak akhiuk. Apinü ashepü akheam thsüshih tüsho thiyusheak-atsü hode müshepü rhangdung amikheak akhiuk.

1 PETER 4:14

Khrista mung dünkheaknü nüsa mükhemükimsho, nüsa müngühmühi ah, tümüde müretahkhi Thrünpuh Me nüsa kheak lah.

AMIKHEAKAKHIUKKHI 20:14

Judüki Ashe tüsho Thsümüchi ju modüjim ching jipyuk. Ha modüjim, mahnekipü shekhi lah;

AMIKHEAKAKHIUKKHI 21:4

apinü arü mük chingnü chikebo nana bahjihbah, tüsho ashepü mülade akambah, mulong rozhakpü yungsho atrippü yungsho thsünüpü mülade akambah, tümüde akhuhlim lakhibo hode tsoabahdo.”

AMIKHEAKAKHIUKKHI 7:17

Tümüde kiulongthsü-binkiu phulung ching Namfimihnunu ju arü neakrü thsübah, tüsho apinü arhang kenü lim arü bebah; tüsho Thrünpuhnü arü mükbo chingnü chike nana bahjihbah.”