ISAIA 25:5 - AMÜSÜH HÜM CL Bible (BSI)

⁵ khiungkerü alankhi akung dangpung ching atak nangde lachoki, nünü atakkhi ju amobo menü rüngabahshih; mihmukhiuhrü khün tukloshih.

ISAIA 25:5 Iomraidhean Croise

MUNGSHIKHÜN 105:39

Apinü aliudokhi amo shoshih, tüsho azhing ching ayin jihpü mo lakheah.

ISAIA 13:11

Amütsü-rhimo dünkheak inü alomiküp thsümüchibah, tüsho amülim dünkheak mihbukmuyuk thsümüchibah; inü kükheangküyangrü bukakhiukkhi akheam thsüshihbah, tüsho mihmukhiuh kükheangkhi keamkhishihbah.

ISAIA 14:19

tüshe nü a nü kiuyuk chingnü jipkhita bahlah, abahyukkhi sangkhah nangde, ashenü muhiudobahle, küpü nukshangnü düchipashungkhea, shepü Lungkhün ching yüzahkhea, ashemi khülang müphü khüp jungkhi nangde.

ISAIA 18:4

Tümüde Atungpuhnü I ki ha thado: Inü I lapung chingnü, ani thsükhi ching müsürido atakkhi nangde, yimlu kim atak ching ayinke-amo nangde malande akheahbah.

ISAIA 25:6

Ha wung kheak Wuto Atungpuhnü mihtsürü alala thsungkheak ala-tsühyungpü thünio, ashuh-yukhu, alütlüt-shih, düshihde achangkhi yukhu-thünio khülang thsakhambah.

ISAIA 49:10

arü mükhüm yungsho kemüthüri yungsho apung atak yungsho aninü arü kheak mütak, tümüde shepünü arü kheak müthsümchonü arü bebah, tüsho ayung limpeang arü bebah.

EZEKIEL 38:9

Nü mikhuh ching, tsüngpungtsüngpung khülang nangde arübah; nü ju alomi shodokhi amo khülang nangde, nü tüsho nü yo thirithsürü alala, tüsho nü lung mihtsürü ahihkhüh labah.