ISAIA 24:6 - AMÜSÜH HÜM CL Bible (BSI)

⁶ Jumonü muthrumünean khülangnü alomi tsühabahchoh, tüsho ju ching larü arü amülim dünkheak thsünüchoh; jumonü lomi ching larü nükde kamdo, tüsho mihtsürü anükbe aningdo.

ISAIA 24:6 Iomraidhean Croise

2 KIULONG THSÜRÜ 24:12

Jehoiakin Juda kiulongthsüpuhnü anihbuh abe, api yamlarübo, atorübo, api yam ching atorübo Babilon kiulongthsüpuh kilim jihabah. Babilon kiulongthsüpuhnü anihbuh kiulongthsü kam tizheahpü ching Jehoiakin rama lubah tso.

2 KIULONG THSÜRÜ 25:12

Tüshe aheangrü wühkenobuhnü ju lomi ching zhochih traktrak mihtsürü kurungasolu tüsho thulu wochakshihpü aninga lashih.

ISAIA 1:31

Sühmüh larü ju mojim nangde akambah tüsho arü rhimo modübin nangde alabah; arü le arü rhimo rukhühnü shenü müyihmütde atakbah.

ISAIA 1:9

Wuto Atungpuhnü isa anükhüh aninga mülashihkhülaa, isa Sodom nangde alabah, tüsho Gomorra nangde akambah.

ISAIA 34:5

Yinmi ching I nukshang müsühbah, kheahang, ju Edom kheak inü mahkhappü akhukhi mihtsürü kheak akibah.

ISAIA 43:28

jumonü inü arüngyam yakzanshuhrü ki mümüsühkhi khejih, inü Jakob muthrumüneanpü tüsho Israel luhmünepü jih.

ISAIA 5:24

Jumonü mo mulonü müneang muliukhi nangde, tüsho sangrung akung motru ching keamyukkhi nangde, arü ying shuhabahbah tüsho apungkhi asungthulung nangde keamkhia bahbah; tümüde arünü Wuto Atungpuhnü thsangdankhi bahyukdo, tüsho Israel Amüsühbuh Khülang yu mükhemükimdo.

ISAIA 9:19

Wuto A TU N GPU H bukakhiukkhi hode, alomi takkheah, tüsho mihtsürübo mokhih nangde kam. Khülangnü khülang maningshih.

JEREMIA 12:4

Külokhüh alonü tüzhoba tüsho thulu sangrungbo mukuhba? Ju ching larü mihbukmuyuk lakhinü shiwüh tüsho wuhnubo shekhamdo, tümütüsho mihtsürübonü tha, “ Isanü arhimokhi Thrünpuhnü müngü.”

JEREMIA 5:14

Jumonü Atungpuh Wuto Thrünpuhnü ha thachoh: Tümütüsho arünü ha yu asuk, inü kheakü I yu nüsa mün ching mo, tüsho ha mihtsürü ju sang kamshihchoh, tüsho monü arü aniuabahbah.

EZEKIEL 5:3

Tüsho kuyü müthsünkhüh lubah nü khim ching düma zoang.

LEVI 26:22

Inü nüsa azhihde mütüm shiwüh dükhebah, tüsho jurünü nüsa tsührübo nguhsahbah, nüsa yo akam-shiwüh nguhsahbah; arünü nüsa anükhüh lang aningshihbah tüsho nüsa limdungtobo zhikabahshihbah.

MALAKI 2:2

Nüsanü manisho, nüsanü I mung müretahshihpü mulong ching muzhosho, Wuto Atungpuhnü thachoh, inü nüsa kheak muthrumünean arüshihbah tüsho inü nüsa müngühmühibo muthrumüneanbah; atsütsü inü arübo muthrumüneana bahdo, tümütüsho nüsanü ju mulong ching muzo.

MALAKI 3:9

Nüsa muthrumüneannü muthrumüneana lah, tümüde nüsa trükshih athrünkhinü I rükakichoh!

MALAKI 4:1

Kheahang, tak-phuru takkhi nangde nimung arüchoh, bukakhiukrü tüsho amütsü rhimorü alala hineang nangde alabah; ju nimung arükhinü arü takabahbah, Wuto Atungpuhnü thachoh, junangde arü ying yungsho khah tümü she maning.

MALAKI 4:6

Apinü bebuhrü mulongbo arü tsührübo kilim rholoshihbah, jude yungsho I arübah tüsho ju muthrumüneannü lomi shikbah.

MATHI 27:25

Tüsho mihtsürü alalanü alo, “Api thiyih isa le isa tsührübo kheak rheakshang.”

MATHI 7:14

Tümütüsho rhangdung lim bekhi ju chipimurung amütsüm tüsho limro chaklah, tüsho ju ngürü nüklah.

ROMRÜ KILIM PAULNÜ ATHRÜTKHI KIHÜM HUHTANYU 9:27

Tüsho Isaianü Israel dünkheak zhi: “Israel tsührübo khekhi ju loyi nangde lalashe, arü aningkhi lang akhümkhitbah;

YUZÜNGTHALO 28:62

Nüsa thüning ching chiningbo nangde hihdakde alakhi chingnü wühkhe nükde akambah, tümütüsho nüsanü Atungpuh nüsa Thrünpuh ki mihyumani.

YUZÜNGTHALO 4:27

Tüsho Atungpuhnü mihtsürü bolung nüsa hiumüzütshihbah, tüsho Atungpuhnü nüsa külimpeang bebanü trükshih bolung nüsa nükde alabah.

2 PETER 3:10

Tüshe Atungpuh nimung ju ahührü khülang nangde arübah. Judüki thüningbo arungde tsoabahbah; chiningbo atakkhinü niuabahbah, tüsho alomi le ju ching lakhi rhimobo aniuabahbah.