ISAIA 24:16 - AMÜSÜH HÜM CL Bible (BSI)

¹⁶ Alomi akheam chingnü isanü mungshikhünbo, Thiyuro-labuh Khülang müretahkhi shikhün isanü sochoh. Tüshe inü thachoh, I mülatsan, I mülatsan, I are! Mülapmüjirünü mülapmüjichoh, atsütsü mülapmüjirünü khide mülapmüjide rhimodo.

ISAIA 24:16 Iomraidhean Croise

MUNGSHIKHÜN 106:15

Tüsho apinü arü kilim arünü amushukhi jih, tüshe arü kheak atrebe tukthsü yüshih.

MUNGSHIKHÜN 119:158

Inü mülapmüjirü mukhiukde kheahchoh, tümütüsho arünü nü yu muzo.

MUNGSHIKHÜN 2:8

I ki kheangang, tüsho inü trükshihbo nü yamrüplurüp, tüsho alomi athrünkhi nü yamalo thsüshihbah.

MUNGSHIKHÜN 58:10

Thiyuro-lungkirünü royimkhi ngüchoki asühachihbah; apinü mihbukmuyuk thiyih ching ajing müsühbah.

MUNGSHIKHÜN 65:8

Limshu ching larübonü she nü amütsanbo trechoh; nü rhimobonü yapsunü are khiungde asühachih düsheak hande arüchoh.

MUNGSHIKHÜN 67:7

Thrünpuhnü isa müngühjihbah, tüsho alomi akheambo alalanü api trebah.

MUNGSHIKHÜN 98:3

Apinü Israel yamkhün kheak api amüthsüm tüsho thiyuro lakhi lümkhitdo; alomi akheambo alalanü isa Thrünpuh akhümkhit ngüdo.

ABEKHIT 15:11

“O Atungpuh , thrünpuhbo lung nü ruk she la? Amüsüh ching wüntre-müretah, mungshi ching atrebe, khinthiyinbe rhimokhi ching nü ruk she la?

ISAIA 10:16

Jumonü Wuto Atungpuhnü athrih tukthsü adüküng thirithsürübo kilim yüshihbah, tüsho api müretahkhi bukkhüp mo takkhi nangde atakpü takkihbah.

ISAIA 11:12

Apinü trükshihbo thsungkheak amütsan riphin khülang shuhkihbah, tüsho müzüta lakhi Israel tüsho hiumüzüta lakhi Juda alomi mühit phüyi chingnü bemukhungbah.

ISAIA 17:4

Ju nimung Jakob müretahkhi abobe kamshihbah, tüsho shih kihkhi trukabahbah.

ISAIA 21:2

I ki michih amuthsuk thaa lah; mülapyukrünü mülapyukchoh, tüsho athsümünimrünü thsümünimchoh. Wutuang, O Elam, yandoang, O Midia; anihbenü thsünüshihkhi alala inü akheam thsüshihbah.

ISAIA 26:15

Tüshe nünü trükshih alü kamshih, O Atungpuh , nünü trükshih alü kamshih; nü müretahdo; nünü lomi aredung alala jakihshihdo.

ISAIA 28:5

Ju nimung Wuto Atungpuh ju müretah kuthran khülang labah, tüsho aningkhi api mihtsürü kilim akheahakham zhingzhing labah;

ISAIA 33:1

Nü are, O athsümünimrü, nü müthsümünimyi! Nü are, O thsungyukjihrü, nü muthsungyukyi! Küyimki nünü athsümünimpü tuklobanü, nü thsümünimbah; küyimki nünü athsungyukpü tuklobanü, nü thsungyukbah.

ISAIA 42:10

Atungpuh ki khün aso khülang thsang, keto tüsho ju ching lakhi alalanü, keyean lomibo tüsho ju ching larübonü alomi akheam chingnü api shiang!

ISAIA 48:8

Nünü küyimkishe musoakheah, nünü küyimkishe mümükheahkheah, adüsonü nü nükhün mükhimshuh. Tümüde nünü khide akinashu mülade arhimobah de inü mükheah, tüsho nuyam chingnü nü a azhihrü de ajikheah.

ISAIA 52:10

Atungpuh amüsüh khah trükshih alala miki akhiuka lah; tüsho alomi alalanü isa Thrünpuh akhümkhit ngübah.

ISAIA 6:5

Tüsho inü tha, “ I ayokhe, I mülatsan, tümüde I a münküp mümüsühkhi mihtsürü ah, tüsho I a münküp mümüsühkhi mihtsürü bolung lah: tütüshe I müknü Wuto Atungpuh , kiulongthsüpuh ngüdo!”

ISAIA 60:21

Nü mihtsürü alala thiyuro-lungki labah; arünü lünnü alomi lubah. Arübo inü akhimkhi dübit, I khah rhimo, junangde I müretahbah.

JEREMIA 12:1

O Atungpuh küyimki inü nü azhihde athabanü nü alim labah; tüshe thiyuro dünkheak inü nü ki keokhianü: Tümüde amütsürü limro müngühmühicho? Tümüde mihyu manirübo tsüshihcho?

JEREMIA 12:6

Tümüde nü keoniorü tüsho nü yamkhünnü she nü kheak mihyu manide rhimodo; arünü nü azhihde azhikhi lah; arünü nü ki müyamrü yu thatha she arü kheak akin düla.

JEREMIA 3:20

Tüshe akin mülakhi niuberünü ayamkhünbuh bahbah atsokhi nangde, nünü I ki akin mülade lado, O Israel yamkhün, Atungpuhnü thachoh.

JEREMIA 5:11

Tümüde Israel yamkhün tüsho Juda yamkhünnü I ki alala mülapyukdo, Atungpuhnü thachoh.

TÜZHOKHI 1:2

Anihbenü azhing ching, anihbe ngobo kheak chikebo bukde düsüknimde tripchoh; anihbe muzhorü bolung anihbe shukheamrü she müla; anihbe müyamrü alalanü anihbe ki mülapyukde rhimodo, arübo anihbe riribo kamdo.

HOSEA 5:7

Arünü akin mülade Atungpuh ki rhimodo; tümüde arünü mihtsüzahkhi tsührübo zübedo. Jumonü kheakü arü le arü lobo nahde thsümünimbah.

HOSEA 6:7

Tüshe Adam ching arünü tangzüng lakmih; ju ching arünü akin mülade I ki rhimo.

LEVI 26:39

Nüsa sherübo aninga lanü nihbuh neak tüsho jipürü neak dünkheaknü nüsa riri lo ching dükheakbah.

MIKA 5:4

Api azhipbah tüsho A TU N GPU H sühmüh ching, api Thrünpuh Atungpuh wüntre-müretah mung ching api namfimihnubo yimkipbah. Tüsho arü tsokhita labah, tümüde kheakü alomi akheambo khiungde api ato labah;

HABAKKUK 1:13

Nü mükbo ju amütsü ngüpü khide tsangkhitlah, tüsho nünü amülim-rhimo kheak mükheahkhuk; tümüde nünü mülapmüji kheak kheahcho le, tüsho mihbukmuyuknü arü kheaknü thiyurolungkirü lakhi muyuchoki zhikde lacho le?

HABAKKUK 1:3

Tümüde nünü I amülim rhimo ngüshihcho tüsho küpkhuk kheak kheahshihcho? Athsümünim tüsho thsünimthsüshi I miki lah; shochihkhi tüsho rukachihkhi wusuchoh.

MARK 13:27

Judüki apinü nihbuh yunirübo arüshihbah, tüsho alomi akheam chingnü thüning akheam khiungde thrip phüyi chingnü apinü amokhitrübo bemukhungbah.

YUNIRÜBO RHIMO 13:47

Tümüde Atungpuhnü thiyukhüm jihde isa ki tha, ‘Inü nüsa ju khiungkerü khilim tsün kamshih, junangde nüsanü alomi alala ching akhümkhit hande arübah.’ ”

AMIKHEAKAKHIUKKHI 15:3

Tüsho arünü Thrünpuh tankihrü Mosa tüsho Namfimihnunu khün thsüde tha, “Nü rhimobo ato tüsho amüyinsahbe, O Wuto Atungpuh Thrünpuh! Nü limrobo alungki tüsho thiyuro, O lünbo kiulongthsüpuh!