ISAIA 24:11 - AMÜSÜH HÜM CL Bible (BSI)

¹¹ Yukhu mülakhinü kiudunglimrobo ching azhikhi lah; asühachih alala zhuhmanglangdo kamdo; alomi asühakokhi tsoabahdo.

ISAIA 24:11 Iomraidhean Croise

MUNGSHIKHÜN 144:14

junangde isa moshipungbonü tsüde hah hanbah; ju ching chakashungde yüzahkhi tüsho awukhiukkhi müla; junangde isa kiudunglimrobo ching azhikhi müla.

MÜCHITMUDU 31:6

Phapke ju adükheakpü larü tüsho yukhu ju thsünüde alarü thsungkheak ah.

ISAIA 16:10

Asühachihkhi tüsho asüharabe aso-asokhi lu chingnü hande tsodo; tüsho kurungasolu ching khünbo müthsü, azhikhi düsheak müla; anitpung ching anitrünü yukhu münit; asühachihde azhikhi akheam thsüdo.

ISAIA 32:10

Kam khülang anükhüh hobah nüsa reangkeamde larübo ajanbah; tümüde kurungaso murho, sangaso yimlukhi mülade alabah.

ISAIA 32:13

Tümüde I mihtsürü lo ching ayangbo tüsho khingphubo mukhuhbah; asühachihkhi kiuto ching asühkhi yamkhün alala thsungkheak tripang.

ISAIA 8:22

yungsho arünü alo lim kheahbah, tüshe lümthsünü tüsho amiting thsünü lang angübah; tüsho arü ju amiting akheah ching nimyukbah.

ISAIA 9:19

Wuto A TU N GPU H bukakhiukkhi hode, alomi takkheah, tüsho mihtsürübo mokhih nangde kam. Khülangnü khülang maningshih.

JEREMIA 14:2

Juda tüzhochoh tüsho anihbe chipiripitbo keamchoh; arübo masühde alo kheak yaplah, tüsho Jirusalemnü azhikhi yükihchoh.

JEREMIA 46:12

Trükshihbonü nü achihkhi sodo tüsho nünü azhikhinü alomi milah; tümüde thirithsürünü thirithsürü kheak jing mükhedo; ane chido rüpde lungdo.

JEREMIA 48:33

Asühara tüsho asühachihkhi Moab amüdang lomi chingnü lude tsodo; inü yukhu nitpung chingnü yukhu tuklodo; shenü jurübo asühachihde münit; azhikhi ju asühachihde azhikhi yung.

HOSEA 7:14

Arünü mulong chingnü I ki müzhi, tüshe arünü yapkiu kheak tüzhochoh; arünü hi tüsho yukhu thsungkheak nihbuh zangrü tsütchoh; arünü I azhihchoh.

JOEL 1:12

Kurungaso kungabahdo, khubasodung yiuhabahdo. Tsarümkiu, ashisang, tüsho mukhiuk– thulu sangdung alala yiuhabahchoh; tsükjide, mihtsürü bolung asühpü kungabahchoh.

JOEL 1:15

Nimung thsungkheak aha! Tümüde Atungpuh nimung thüninde lah, tüsho athsümünimpü Wuto kilimnü arüchoh.

LUKNÜ ATHRÜTKHI THIYUSHEAK-ATSÜ HUHTANYU 16:25

Tüshe Abrahamnü alo, ‘I tsah-a, nü rhangdung atsü ngüdo tüsho Lazar amütsü ngüdo de lümkhitang, tüshe kheakü ha ching sühakhimde lah tüsho nü a thsümüchi ching lah.