ISAIA 24:10 - AMÜSÜH HÜM CL Bible (BSI)

¹⁰ Kumünikhi kiuto thsümünima lungdo, thüyam abande rihdoa lah, junangde shenü müyüzahkhuk.

ISAIA 24:10 Iomraidhean Croise

THRÜNTAN 11:9

Jude athsükhinü ha ki Babel de ji, tümütüsho Atungpuhnü alomi yutha alala yingyingabahshih. Ju chingnü Atungpuhnü arü alomi alala ching hiumüzütshih.

2 KIULONG THSÜRÜ 25:4

Judüki kiuto chipi ching ahopung thsakham; Kaldearünü kiuto mükamde zündodo she kiulongthsüpuh lung bonungrü alala kiulongthsüpuh shahwün ki, chipi mahne dükeak ripit chingnü tsoabah. Arünü Araba thrippeang yü.

ISAIA 23:1

Tair dünkheak müchityu. Mulong rozhakde zhiang, O Tarshish sangkungbo, tümüde nü thsümünimdo. Küyimki arü Saipra chingnü azahkheanü arünü ju mükheahdo.

ISAIA 24:12

Kiuto ching zhikrangkhündo lah, chipiripitbo thsümünimde mütrütthünaka lah.

ISAIA 25:2

Tümüde nünü kiuto amujung kamshihdo, chipi ayünkhi kiuto thsümünimdo; khiungkerü yo kiulongthsürü yambo lakhi kiuto kheaküa müla, ha küyimkishe müthsülo.

ISAIA 26:5

Tümüde apinü achang kheak larübo thokheamdo; adüküng kiuto apinü keamkhishih. Apinü alo kheak yapshih, asungthulung ching bahdo.

ISAIA 27:10

Tümüde chipi ayünkhi kiuto zhikrangkhündo lah, sunglo nangde lapung bahkhitdo tüsho bahyukdo; moshi nunubonü ju ching apheanchoh, arünü ju ching yapchoh tüsho akhahbo ajangsahchoh.

ISAIA 32:14

Tümüde kiulongthsürüyambo mihabahbah, sünthülanga lakhi kiuto bahkhitbah, awung tüsho aheangpungbo lünnü shiwüh lapung, mütüm donki asühachihpung, mihnu boto yimtsühpung kambah;

ISAIA 32:19

Aru akibah murung ju shahde kheamkheam she tüsho kiuto shahde kingkheamkheam she,

ISAIA 34:11

Loshelo lungru tüsho athürapbe lungrunü ju müküh-a lubah; lungru ato tüsho khüyaknü ju ching asap shubah. Thrünpuhnü Edom kurungkheak neamneamruru liu tüsho thsümünimbe akeliu thoshangbah.

JEREMIA 39:4

Küyimki Juda kiulongthsüpuh tüsho bonungrü alalanü arü ngükhea, arünü azhing ching kiuto chingnü wukhiukbah kiulongthsüpuh shahwün limronü chipi mahne dükeak ripit chingnü shanyukbah tso; tüsho arübonü Araba limpeang yü.

JEREMIA 39:8

Kaldearünü kiulongthsüpuh yam tüsho mihtsürübo yam tak tüsho Jirusalem chipi yihmülünjih.

JEREMIA 52:7

Judüki kiuto chipi ching rhümashung; tüsho kiuto mühide Kaldearü lalashe bonungrübonü shan tüsho kiulongthsüpuh shahwün ki chipi mahne dükeak khuhto-ripit chingnü azhing ching kiuto chingnü wukhiuk. Arünü Araba limpeang yü.

MIKA 2:13

Shepünü lakashungchonü arü müngüh yübah; arünü lakashungbah tüsho chipiripit hode junü awukhiukbah. Arü kiulongthsüpuh arü müngüh yübah, Atungpuhnü arü limbebah.

MIKA 3:12

Jumonü nüsa dünkheaknü thulu nangde Zion wochakbah; Jirusalem ju athsümünim mujung kambah, tüsho arüngyam wung ju murung kambah.

LUKNÜ ATHRÜTKHI THIYUSHEAK-ATSÜ HUHTANYU 19:43

Nü riribonü nü mükamde chipi ayünde tüsho thrip aban zündopü nimungbo arübah,

LUKNÜ ATHRÜTKHI THIYUSHEAK-ATSÜ HUHTANYU 21:24

Arübo nukshangnü akeambah, tüsho trükshih alala ching ramde ayübah, tüsho khiungkerü kimbo müdünjiyikia Jirusalem ju khiungkerünü ajungbah.

AMIKHEAKAKHIUKKHI 18:2

Tüsho apinü düsheak atonü ji, “Lungdo, ato Babilon lungdo! Ha arimri lapung kamdo, amünean me, tüsho athraneanbe wuhnu mungpung kamdo;