ISAIA 24:1 - AMÜSÜH HÜM CL Bible (BSI)

¹ Kheakü Atungpuhnü alomi akeangkeang lashihbah tüsho abahkhitshihbah, tüsho ami rhophülapbah tüsho ju ching larü hiumüzütbah.

ISAIA 24:1 Iomraidhean Croise

2 KIULONG THSÜRÜ 21:13

Samaria thsungkheak akebe-liu, tüsho Ahab yamkhün thsungkheak awukbe-liu inü Jirusalem binghode ayübah; khürünü phuru müsühkhi nangde inü Jirusalem nana bahbah tüsho aniukphülapbah.

NEHEMIA 1:8

Nünü Mosa ki thakhi lümkhitjang: ‘Nüsa Israelrünü I kheak thiyuro mülasho, inü nüsa püpürü trükshih bolung hiumüzütshihbah.

MUNGSHIKHÜN 146:9

Atungpuhnü jaksorübo kheak kheahchoh; apinü buhrü mülarü tüsho khimoberü shukheamjihchoh; tüshe apinü mihbukmuyuk limro thsümünimjihchoh.

ISAIA 13:13

Jumonü Wuto Atungpuh müshakde abukakhiukkhi nimung ching inü thüningbo ajanshihbah, tüsho alomi ju ayappung kheaknü aniukshihbah.

ISAIA 13:5

Arübo limshu lomi chingnü arüchoh, thüningbo akheam chingnü, A TU N GPU H bukakhiukkhi thsühnukbonü lomi athrünkhi thsümünimpü lah.

ISAIA 2:19

Apinü alomi müzünpü asürüchoh, Atungpuh atrebe tüsho api wüntre-müretah chingnü tsokhide lungkhünbo tüsho alokhün ching yüzahbah.

ISAIA 24:19

Alomi shahde thsümünimdo, alomi züngrüpabahdo, alomi thsümünimde niukdo.

ISAIA 24:20

Alomi ju amüshangrü nangde yingyinglah, yünshim nangde laplapchoh; amülim-rhimokhi ju kheak mülangde ajaplah, tüsho lungchoh tüsho alode masürü.

ISAIA 27:10

Tümüde chipi ayünkhi kiuto zhikrangkhündo lah, sunglo nangde lapung bahkhitdo tüsho bahyukdo; moshi nunubonü ju ching apheanchoh, arünü ju ching yapchoh tüsho akhahbo ajangsahchoh.

ISAIA 29:16

Nüsanü kimkethürü niukphülapchoh! Phühdamrü ju alo nangde khejihbea de? Kukruknü athsübuh ki, “Apinü I müthsü” de athaba de; yungsho rhimokhitkhi kukruknü rhimokhitbuh ki, “Api anikhitkhi müla” de athabea de?

ISAIA 29:2

Tütüshe inü Ariel lümthsünü jihbah, tüsho ju ching mitripkhi tüsho atüzhokhi labah, tüsho alibe ju I ki Ariel nangde alabah.

ISAIA 30:32

Tüsho Atungpuhnü arü kheak shitsonü ashik abande züpzüppü tüsho bingkhungbo düsheak labah; api bin hitde arü kheak keochihbah.

ISAIA 32:12

Thulu atsübo, aso-asokhi kurungaso thsungkheak nüsa khüh yümang,

ISAIA 33:9

Alonü mitripchoh tüsho thsünüde lah; Lebanon achihdo tüsho yiuhabahchoh; Sharon ju loshelo nangde lah; tüsho Bashan le Karmel kheak sangyübo aniungkhichoh.

ISAIA 34:10

Azhing tüsho animung kethürimüride alabah; lünnü mokhüh yükihbah. Lün chingnü lün thsümünima yapbah; shenü she lünnü mütsahho.

ISAIA 34:2

Tümüde trükshih alala azhihde Atungpuh bukakhiukchoh, tüsho arü bonungrü alala azhihde mulong zhipzhipchoh; apinü arü shahde dükheakshihdo, apinü arü alaksahpü shuh-a jihdo.

ISAIA 42:15

Inü awungbo tüsho amujukbo keama yapshihbah, tüsho wokephüyakbo kungabahshihbah; inü ayungbo loshelo kamshihbah tüsho kekhipbo ngahshihbah.

ISAIA 5:6

Inü ju akeangkeang kamshihbah; ju mümupung yungsho müphünnak, tüsho khingphu le ayangrungnü achindobah; inü amo ki she ju kheak tsüng marüpü thiyukhüm jihbah.

JEREMIA 4:7

Kekhüzü khülang ajikpung achak chingnü wukhiukdo, trükshih thsümünimrü tsahmusudo; api nihbuh lapung chingnü nü lo thsümünimpü wukhiukdo; nüsa kiutobo sheshe mülade athsümünimbah.

JEREMIA 40:15

Judüki Karea tsührü ki ramde asuk, “Muzhobah I yüanü tüsho Nethania tsührü Ishmael laksahanü, tüsho shenü she mümükheah. Tümüde apinü nü rhangdung lushihpü, junangde nü mükamde alarü Jehudarü alala hiumüzütshihpü, tüsho aningkhi Juda dükheakshihpü?”

JEREMIA 50:17

Israel a kekhüzünü namfimihnu yanmüzütkhi nangde lah. Akhuhde Asiria kiulongthsüpuhnü api muyu, tüsho kheakü akheam ching Babilon kiulongthsüpuh Nebukednezarnü arobo mutro.

JEREMIA 51:34

Babilon kiulongthsüpuh Nebukednezarnü I muyudo, apinü I zünakdo; apinü I akeangkeang sangdan kamshih, phuruto khülangnü nangde apinü I muyuabah; I shih-akebenü api bukthsüshih, apinü I muliuhkhita bah.

JEREMIA 9:16

Inü arübo arü yungsho arü jipürübonü mümükheahkhi trükshih bolung müzütshihbah; tüsho inü arü muyuamübahyi khiungde, nukshang khülang arü dunglim yüshihbah.

EZEKIEL 12:20

Mihtsürü lakhi kiutobo thsümünima yapbah tüsho lomi zhikrangkhündo alabah. Judüki I Atungpuh de arünü mükheahbah.

EZEKIEL 24:11

Mokhih kheak ju akeangkeang phüh duboang, junangde ha takde akambah, shotolung lamlam kamchoh, ju ching aneak niuchoh, thrungbo tsühabahchoh.

EZEKIEL 35:14

Atungpuh Thrünpuhnü ha thachoh: Alomi athrünkhi asühachihchoki, inü nü zhikrangkhündo kamshihbah.

EZEKIEL 5:14

Inü nü thsümünimbah tüsho nü mühide trükshih bolung, atsahhorü alala miki münedung kamshihbah.

EZEKIEL 5:2

Küyimki kiuto yankhi akheam thsübanü, kuyü shihchamkhüh monü kiuto alunglimnü takang. Shihchamkhüh lubah nü kiuto aleanglim mükamchoki nukshangnü kimshakang. Tüsho shihchamkhüh ju apung ching hiumüzütang, tüsho inü arübo nukshang thokhita shuhbah yande müshambah.

EZEKIEL 6:14

Tüsho inü arü azhihde I khah chungkhitbah tüsho loshelo chingnü Bibla khiungde alomi ju thsümünima zhikrangkhündo kamshihbah. Judüki I Atungpuh de arünü mükheahbah.

EZEKIEL 6:6

Nü kürü ching labanü, kiutobo thsümünima yapbah tüsho achang dangpungbo thsümünimbah, junangde nü yo kingaün sadambo thsümünima yapbah, nü sangthsübo kingnakbah tüsho thsümünimbah, rhümthünea kingaün sadam kingkheambah, tüsho nü rhimobo dükheakbah.

EZEKIEL 7:12

Kim arüdo, nimung khiungdo. Athulorü dasühachihshih yungsho ayinrü dülungrishih, tümüde mulong zhipzhip ju alomi athrünkhi kheak lah.

EZEKIEL 7:14

Arünü hulipungpung mütmüt she tüsho lüpdükhi tsanglunglung she, sheshe keochih ching müyüzah, tümüde I mulong zhipzhip boto athrünkhi kheak lah.

NAHUM 1:5

Api miki müzüngbo niukchoh tüsho awungbo niuchoh; api miki alomi, alomiküp tüsho ju ching larü alala ajanchoh.

NAHUM 2:10

Thsümünimdo, bahyukdo, zhikabahdo! atrekhinü mulongbo niuthünakdo; mukhukbo ajanchoh, sühmüh tsodo; mirobo pheakmulukdo kamdo!

LUKNÜ ATHRÜTKHI THIYUSHEAK-ATSÜ HUHTANYU 21:24

Arübo nukshangnü akeambah, tüsho trükshih alala ching ramde ayübah, tüsho khiungkerü kimbo müdünjiyikia Jirusalem ju khiungkerünü ajungbah.

YUNIRÜBO RHIMO 17:6

Tüsho küyimki arünü ane müngükheanü Jason le keoniorü khürü kiuto limberübo müngüh bebah tsahde zhi, “Alomi neamneamjihrü mihtsürü harü ha ching she arüa lah,

YUZÜNGTHALO 28:64

“Judüki Atungpuhnü nüsa mihtsürü alala lung, alomi akheam thripkhühnü khülim khiungde müzütshihbah, tüsho nüsanü ju ching nüsa yungsho nüsa jipürünü mümükheahkhi sang tüsho lungnü athsükhi püpü thrünpuhbo tankihbah.

YUZÜNGTHALO 32:26

Inü hade thakhülaa, Inü arü ashang ching hiumüzütshihbah, inü arü mihtsürü bolungnü alümkhitpü arün thsüshihbah,

YUZÜNGTHALO 4:27

Tüsho Atungpuhnü mihtsürü bolung nüsa hiumüzütshihbah, tüsho Atungpuhnü nüsa külimpeang bebanü trükshih bolung nüsa nükde alabah.

JAKOB 1:1

Thrünpuh tüsho Atungpuh Jisu khrista tankihrü Jakob kilimnü, Hiumüzüta lakhi trük thürükheak mahne kilim: Salüm.