ISAIA 23:17 - AMÜSÜH HÜM CL Bible (BSI)

¹⁷ Kam nerü akheam ching, Atungpuhnü Tair rhuakheahbah, tüsho anihbenü nihbe mulomüthsüpü lim rholobah, tüsho anihbenü lomi kiulongthsübo alala ki mulomüthsübah.

ISAIA 23:17 Iomraidhean Croise

ISAIA 23:15

Ju nimung Tair ju kiulongthsürü khülang rhangdung lokhüh kam nerü mihabahbah. Kam nerü akheam ching, müzammüramrü khün thsükhi ching lakhi nangde Tair kheak dünjibah:

ISAIA 23:16

Bingshang khülang luang, kiuto mükamde yüang, mihabahkhi nü müzammüramrü! Düsheak aniung thsang, khün ahihdo thsang, junangde nü alümkhitbah.

JEREMIA 25:11

Ha lomi abümnü thsümünimbah tüsho akeangkeang kambah, tüsho harü trükshihbonü kam nerü Babilon kiulongthsüpuh tankihbah.

JEREMIA 29:10

Tümüde Atungpuhnü ha thachoh: Babilon ching kam nerü bankhitsho lang inü nüsa rhuakheahbah, tüsho inü nüsa ki alokhikhi dünjishihbah tüsho nüsa ha dangpung ching belodarübah.

EZEKIEL 16:25

Limro ku aban kheak nünü kingaün dangpungbo thsü tüsho atsahhorü aban ki nü küdah alü müzammüramde nü akheahakham thsümünim.

EZEKIEL 16:26

Nünü nü shihkünkhi nü phünirü Ijiprü kheak müzammüram thsü, tüsho alü müzammüramkhinü I bukakhiukshih.

EZEKIEL 16:31

Nünü limro ku aban kheak sadambo tüsho kiudunglimro aban ching kingaün dangpungbo thsü, tüshe nü a müzammüramrü ruk yungde alakheah, tümütüsho nünü adün mulu.

EZEKIEL 22:13

Kheahang, nü ahühkhi tüsho alaksahkhi kheak inü I khah adanchoh.

MIKA 1:7

Anihbe mejakbo alala adütre kamde kingnakbah, anihbe arüngyam mihkhah-mulokhi alala monü atakbah tüsho anihbe sangthsübo alala thsümünimbah; tümüde anihbenü müzammüramkhi mihkhahnü jurü hanmukhung, tüsho müzammüramkhi mihkhah nangde jurübo ahorilobah.

MIKA 3:11

Yakzanshuhrübonü buknim dün mahkhapchoh, amükeamrübonü adün mo thsangyuchoh, wukihrübonü sho mo müchitchoh; tütüshe arünü Atungpuh kheak angükihchoh tüsho thachoh, “Tsükjide Atungpuh isa lung lah! Isa kheak athsümünim marü.”

NAHUM 3:4

Tümütüsho mükhebinkhi müzammüram amülim thsükhinü, münitphülapkhi, anihbe wurük, shepünü lomi tüsho mihtsürü anihbenü bemüchihkhi tüsho wurük hode azhorü kamshih,

ZEPHANIA 2:7

Kemungyean ju Juda yamkhün aningkhi yamalo thsüde, ju kheak arünü mihnu boto yimkipbah, tüsho Ashkelon yambo ching arünü azhing ching yapbah. Tümüde Atungpuh arü Thrünpuhnü arü kümbah tüsho arü kuhibo jihlobah.

YUNIRÜBO RHIMO 15:14

Thrünpuhnü arü bolungnü api mihtsürü thsüpü bea lude akhuhde khiungkerü rhuakheahkhi Simonnü thanaka huhdo.

YUZÜNGTHALO 23:18

Nünü aliberü yungsho athrürü müzammüramkhi chingnü amulokhi thiyuchihchimkhi shakpü thsüde Atungpuh nü Thrünpuh yam ching hande darü, tümüde ane chido Atungpuh nü Thrünpuh kilim athraneanbe lah.

1 TIMOTHI 3:3

amüshangrü, yungsho asungsungrü yung tüshe azhihayihde, murukachihde, tüsho sho mümuzhorü thsübeah.

1 TIMOTHI 3:8

Junangde tankihrübo ju yakli atsü tüsho kurhangrü thsübeah; mulo mahne, yukhu yungrü, yungsho sho muzhorü müthsübeah;

1 PETER 5:2

Nüsanü akümpü lakhi Thrünpuh namfimihnu boto neakang, mükünde yung tüshe künsahde, thiyuro mülakhi alü thsüpü yung tüshe mulongsahde,

AMIKHEAKAKHIUKKHI 19:2

tümüde api mahkhapkhibo thiyuro tüsho alungki; anihbe müzammüram hode alomi müneanshihkhi müzammüramberü ato apinü mahkhap, tüsho apinü anihbe kheak api tankihrübo thiyih royimjih.”