ISAIA 23:13 - AMÜSÜH HÜM CL Bible (BSI)

¹³ Kaldearü lomi kheahang! Ha mihtsürü kheakü mükheyukde lah; ha Asiriarünü mütüm shiwühbo khilim akhukheah. Arünü ayanpü aheangpungbo thsüa zhipshih, arünü anihbe kiulongthsürü-yambo thokheam, arünü anihbe athsümünimkhi kamshih.

ISAIA 23:13 Iomraidhean Croise

THRÜNTAN 11:28

Abuh Tera rhangdung lachoki, Haran a anihbuh asürü lo Kaldearü yo Ur ching sheabah.

THRÜNTAN 11:31

Teranü atsührü Abram le Haran tsührü Lot, tüsho atsühmeakbe Abram niube Sarai bea lu, tüsho arünü Kanan lo ching yüpü Kaldearü yo Ur chingnü wukhiuk; arünü Haran ching arü tüsho ju ching la.

THRÜNTAN 11:9

Jude athsükhinü ha ki Babel de ji, tümütüsho Atungpuhnü alomi yutha alala yingyingabahshih. Ju chingnü Atungpuhnü arü alomi alala ching hiumüzütshih.

THRÜNTAN 2:14

Mahsampü ju Tigri, ha Asiria aniakhiuklim bukchoh, tüsho aphüyipü mung ju Euphra.

2 KIULONG THSÜRÜ 17:24

Asiria kiulongthsüpuhnü mihtsürübo Babilon, Kutha, Avva, Hamath, tüsho Sepharvaim chingnü bede arü, tüsho Israel müthri Samaria ching arübo lashih; arünü Samaria yamalo lu, tüsho kiutobo ching la.

2 KIULONG THSÜRÜ 20:12

Ju kim ching Baladan tsührü Babilon kiulongthsüpuh Merodakbaladannü kihüm tüsho thsambah mühahbah yunithsürübo Hezekia kilim yüshih, tümüde apinü Hezekia tukthsüde alakheah de so,

2 KIUTHSÜYUKHEAN 33:11

Jumonü Atungpuhnü arü azhihde Asiria kiulongthsüpuh bonungrü wühkenorübo bedarü; arünü khoyangnü Manase wuh-a lubah müwayinchi wuhrünnü rhük, tüsho api Babilon ching bede yü.

JOB HU H T ANYU 1:17

Api thade alachoki, püpürü arü tüsho tha, “ Kaldearünü bo mahsam thsübah kemelbo yande lubah tsodo, tüsho yamlarübo nukshangnü laksahdo; nü ki thapü I lang atsokhitkheah.”

MUNGSHIKHÜN 72:9

Sherü sunglo ching lachonü api miki mükhümbah, tüsho api riribonü asungthulung müleakbah.

ISAIA 10:5

Are, Asiria, I bukakhiukkhi tso–arü khah ching lakhi shitso ju I mulong zhipzhipkhi!

ISAIA 10:7

Tüshe apinü alümkhi ha yung, yungsho api lümkhi ching ha müla; tüshe athsümünimpü tüsho anükhüh yungde trükshihbo dükheakshihpü ha api mulong ching lah.

ISAIA 13:19

Tüsho kiulongthsübo müretahkhi Babilon, Kaldea atsüdak tüsho mungthu ju Thrünpuhnü Sodom tüsho Gomorra dükheakshihchoki nangde akambah.

ISAIA 13:21

Tüshe mütüm shiwühbonü ju ching yapbah, tüsho thüyambo ju khunganimkhi shiwühbonü amibah; ju ching kewühtopübo labah, tüsho ju ching mütüm mihnubo tsünbah.

ISAIA 18:6

Arü alala awung shihtsüh wuhnubo kilim tüsho alomi shiwühbo kilim zojihbah. Tüsho muzhu ching shihtsüh wuhnubonü jurü tsühbah, tüsho lomi shiwüh alalanü tsüngkam ching jurü tsühbah.

ISAIA 43:14

Nü Rhokhitrü Israel Amüsüh Thrünpuh Atungpuhnü thachoh: Nü dünkheaknü inü bonungrü Babilon ching yüshihbah tüsho sangkaplakbo alala yihshakbah, tüsho Kaldearü ahokhi ju atüzhokhi kambah.

EZEKIEL 23:23

Babilonrü tüsho Kaldearü alala, Pekod, Shoa tüsho Koa chingnü tüsho arü lung Asiriarü alala, akheahakham athrününgtsüngbo, kovünorbo tüsho arü lung wühkenorübo alala, atorübo tüsho thirithsürübo, arü alala khorabo kheak binlah.

EZEKIEL 29:18

Mihtsürü tsührü, Babilon kiulongthsüpuh Nebukednezar nü Tair azhihde api bonungrü müküpde rhimoshihchoh; mihbüm aban ku rakrak kamdo tüsho dubuh sühkhido; tütüshe api le anihbuh bonungrünü ju azhihde mihkhah bahkhi dün Tair chingnü tümü she müngü.

DANIEL 4:30

tüsho kiulongthsüpuhnü tha, “ Kheahang Babilon küdükhüh ato a! Ha inü I wu tüsho sühmüh, I müretah tüsho mungthu huhpü I yo kiuying thsükheah.”

HABAKKUK 1:6

Tümüde inü mihmukhiuh tüsho mükeamramkhi trükshih, nihbuh yo yungkhi lapungbo lupü alomi mülih hode atsahkhi Kaldearü wusushihchoh.

YUNIRÜBO RHIMO 7:4

Jumonü apinü Kaldearü lomi bahjihbah Haran ching la. Tüsho api abuh she dunglim, Thrünpuhnü ju chingnü kheakü nüsa lakhi lomi ching api bekhit;