ISAIA 23:1 - AMÜSÜH HÜM CL Bible (BSI)

¹ Tair dünkheak müchityu. Mulong rozhakde zhiang, O Tarshish sangkungbo, tümüde nü thsümünimdo. Küyimki arü Saipra chingnü azahkheanü arünü ju mükheahdo.

ISAIA 23:1 Iomraidhean Croise

THRÜNTAN 10:4

Javan tsührübo: Elisha, Tarshish, Kittim, tüsho Dodanim.

1 KIULONG THSÜRÜ 10:22

Tümüde keto ching Hiram sangkungbo lung kiulongthsüpuh sangkungbo lakheah. Kam mahsam ching khülang ki Tarshish sangkungbonü suna, shotoyinchi, thsotorü, shihngü tüsho shuhyibo hanbah arü.

1 KIULONG THSÜRÜ 22:48

Jehoshaphatnü Ophir ching suna thsungkheak yübe Tarshish sangkungbo thsü; tüshe arü müyü, tümüde sangkungbo Ezion-geber ching thsümünimabah.

1 KIULONG THSÜRÜ 5:1

Küyimki arünü abuh müthri kiulongthsürü thsüpü Solomon mujude-mokhitkhi Tair kiulongthsüpuh Hiramnü asokhea, apinü ayamlarübo kilim yüshih; tümüde kamruhroro Hiram ju David müyambuh lakheah.

2 KIUTHSÜYUKHEAN 9:21

Tümüde kiulongthsüpuh yo sangkungbo Hiram yamlarübo lung Tarshish ching yü; kam mahsam ching khülang ki Tarshish sangkungbonü suna, shotoyinchi, thsotorü, shihngü, tüsho shuhyibo hanbah arü.

MUNGSHIKHÜN 48:7

aniakhiuklim pungnü nünü Tarshish sangkung thsümünimchoki nangde alakheah.

ISAIA 15:8

Tümüde azhikhi khülang Moab lomi mükamde yüdo; atüzhokhi düsheak Eglaim khiunglah, atüzhokhi düsheak Beer-elim khiunglah.

ISAIA 2:16

Tarshish sangkung alala azhihde, tüsho akhamkhi khahrhimo alala azhihde.

ISAIA 23:12

Apinü tha: Nü kheakü masühachih, O ajunokhi atsangkhitkhi Sidon tsührübe; asürang, Saipra hode yüang–ju ching she nü sühakhim mülade alabah.

ISAIA 23:6

Tarshish lim hode yüang–tüzhode tripang, O keyean larübo!

ISAIA 24:10

Kumünikhi kiuto thsümünima lungdo, thüyam abande rihdoa lah, junangde shenü müyüzahkhuk.

ISAIA 60:9

Tümüde keyean lomibonü I aleangbah, Tarshish sangkungbo akhuhlah, nü tsührübo limshu chingnü bedarüpü, arü lung shotoyinchi tüsho suna, Atungpuh nü Thrünpuh tüsho Israel Amüsüh Thrünpuh mung thsungkheak, tümütüsho apinü nü müretahshihdo.

JEREMIA 2:10

Saipra keyean lomi hode yüang tüsho kheahang, Kedar lim yüshang tüsho kümkangde kheahyukang; hadürü ju ching lakhea shi yungnü kheahang.

JEREMIA 25:15

Tümüde Atungpuh , Israel Thrünpuhnü I ki ha thachoh: I khah chingnü ha bukakhiuk yukhu pung luang, tüsho inü nü yüshihpung trükshihbo alalanü ha yungshang.

JEREMIA 25:22

Tair kiulongthsürü alala, Sidon kiulongthsürü alala, tüsho keto hobah keyean lomi kiulongthsürü alala;

JEREMIA 47:4

tümütüsho Filistia alala thsümünimpü, Tair tüsho Sidon chingnü arungrü aninga lakhi dükheakpü nimung arüchoh. Tümüde Atungpuhnü Kaphtor keyean lomi ching aninga larü Filistiarü dükheakshihbah.

EZEKIEL 26:1

Kam thürükheak khülang, khinu ching nimung akhuhbe nimung, Atungpuh yu I ki arü:

EZEKIEL 26:2

Mihtsürü tsührü, tümütüsho Tairnü Jirusalem dünkheak mutukzhakde tha, “Aha, mihtsürübo chipiripitlimro thsümünima lah; ha I ki khimshuhmülih-a lah; kheakü thsümünima lakhi inü athsülobah.”

EZEKIEL 27:30

tüsho nü kurungkheak tüzhochoh tüsho düsüknimde tripchoh. Arünü arü kubo kheak asungthulung kamkihchoh tüsho awahbo ching awuhchoh;

EZEKIEL 27:6

Bashan thülamsangbonü arünü nü sangkung-bebe thsü; arünü Saipra keyeannü nü sangkung dampü tsünsangbonü thsotohü lakyukde thsü.

DANIEL 11:30

Tümüde Kittim sangkungbo api azhihde arübah, tüsho api mulong dükheakbah atsolobah. Apinü bukakhiukbah tüsho amüsüh tangzüng azhihde arhimobah. Apinü alode ayübah tüsho amüsüh tangzüng bahyukrü ki anibah.

JONA 1:3

Tüshe Jonanü Atungpuh mikinü Tarshish lim tsopü tsahmusu. Apinü Joppa ching yüki tüsho Tarshish lim yükhi sangkung khülang ngü; jumonü apinü hantsah-trün ju jih tüsho Atungpuh mikinü tsokhide Tarshish lim yüpü sangkung kheak yükih.

WÜHKHE 24:24

Sangkungbo Kittim chingnü arübah; arünü Asshurrü tüsho Eber junobah tüshe arü she adükheakbah.”

LUKNÜ ATHRÜTKHI THIYUSHEAK-ATSÜ HUHTANYU 10:13

“Korazin, nü are! Bethsaida, nü are! Tümütüsho nü kheak khinthiyinbebo rhimokhi ruk Tair tüsho Sidon ching rhimokhülaa shungliukhim tüsho awahbo ching binbah adüsonü mulong müthria labah.

JIHUSUA 19:29

aredung ju chipi ayünkhi Tair kiuto khiungde Rama lim anguhlah; jushu Hosa thrip kiklobah Mediterranean keto ching arün ah. Ju ching bemurhukhi ju Mahalab, Akzib,