ISAIA 22:4 - AMÜSÜH HÜM CL Bible (BSI)

⁴ Jumonü inü tha: I kheaknü anguhde tsoang, inü tripdüsükde tripanü; inü muzhokhi mihtsürübo dükheakkhi thsungkheak I düshukheam.

ISAIA 22:4 Iomraidhean Croise

ESTER 4:1

Küyimki Mordekainü harü sokhea, akhim rukrüpbah shungliukhim phuyu tüsho awah mujubah kiuto phulung ching wukhiuk tüsho achangnü zhide trip;

MUNGSHIKHÜN 77:2

I küpkhuk nimung inü Atungpuh yim; azhing ching müdüchingde I khah chungkih; I menü mulong shukheampü thsunglo.

ISAIA 15:3

kiudunglimrobo ching arünü shungliukhim phuyuchoh; thüyam kumungbo tüsho wungdobo kheak mihbüm abannü chike bukde tüzhochoh tüsho düsüknimchoh.

ISAIA 33:7

Aniang! Wungdo phulung ching mulong torünü azhikhi; mungtsü yusheak hanrü khühde tripchoh.

JEREMIA 13:17

Tüshe nüsanü manisho, nüsa kükheangkhi thsungkheak I menü jikde atripbah; inü düsüknimde atripbah tüsho chikebo bukbah, tümütüsho Atungpuh namfimihnubo rammüzütdo.

JEREMIA 31:15

Atungpuhnü ha thachoh: Rama ching düsheak khülang, atüzhokhi tüsho düsüknimde atripkhi sochoh. Rachelnü anihbe tsührü thsungkheak tripchoh; alibenü anihbe tsührübo thsungkheak shukheamkhi thsunglochoh, tümütüsho kheaküa arü müla.

JEREMIA 4:19

I thsünükhi, I thsünükhi! I thsünü ching kolahchoh! O, I mulong thsünükhi! I mulong thüpthüpchoh; inü zhikde mülakhuk; tümüde inü hulipungpung düsheak thirithsüpü arhunganimkhi sochoh.

JEREMIA 6:26

O amuzhobe I mihtsürü, shungliukhim phuyuang, tüsho awah ching kolahang; tsührü khülang thsungkheak nangde khide khühde tüzhoang: tümüde athsümünimrü zukleangnü isa kheak arübah.

JEREMIA 8:18

I mulong rozhak müthsüngukhuk, I mulong ching sheshichoh.

JEREMIA 9:1

O I ku ha kenü müthsüde, tüsho I mükbo ha chike bukpung müthsüde, junangde inü animung tüsho are amuzhobe I mihtsürü laksahkhi thsungkheak tripbah!

JEREMIA 9:18

arünü nahde isa kurungkheak mitrip-khün thsüshang, junangde isa mükbo ching chike bukbah, tüsho isa mükküpbo ching ke bukbah.

TÜZHOKHI 2:11

I mük chingnü chike kungabahdo; I mulong thsünüchoh; I mihtsürü thsümünimkhi mulong rozhakkhi hode I khia lah, tümütüsho azürübo le khungarübo kiuto kiudunglimrobo ching sheshichoh.

EZEKIEL 21:11

Nukshang ju phekhitpü akhudo, khah ching shuhpü lah; ha zükhita tüsho phekhita lah, alaksahrü khah ching yukjihpü thsakhama lah.

EZEKIEL 27:31

arünü nü thsungkheak arü zangrü ku hütrakrakchoh, tüsho shungliukhim phuyuchoh, tüsho arü me khühkhi ching nü dünkheak tüzhode tripchoh.

MIKA 1:8

Ha thsungkheak I tüzhobah tüsho mitripbah; inü I jing keangkeang tüsho bünkeang yübah; inü shirungbo nangde tüzhobah, tüsho lothsuktopübo nangde mulong rozhakbah.

MATHI 2:18

“Rama ching mitripkhi tüsho tode tüzhokhi düsheak so, Rachelnü atsührübo thsungkheak tripchoh tüsho mulong shukheampü thsunglochoh, tümütüsho arübo kheaküa müla.”

MATHI 26:75

Tüsho Jisunü api ki thakhi yu Peternü lümkhit, “Thunu mukhungyide nünü mahsam ki I malokhide alabah.”

LUKNÜ ATHRÜTKHI THIYUSHEAK-ATSÜ HUHTANYU 1:2

Atankih chingnü harü ngübah isa ki ha yusheak zhiyukrünü ju thrüt.

LUKNÜ ATHRÜTKHI THIYUSHEAK-ATSÜ HUHTANYU 19:41

Kheakü api thüninde alachoki kiuto kheah tüsho ju dünkheak trip,