ISAIA 22:12 - AMÜSÜH HÜM CL Bible (BSI)

¹² Ju nimung ching Wuto Atungpuh Thrünpuhnü atrippü tüsho atüzhopü, ku hütpü tüsho shungliukhim phuyupü jikheah;

ISAIA 22:12 Iomraidhean Croise

2 KIUTHSÜYUKHEAN 35:25

Jeremianü she Josia thsungkheak tüzhokhi thrüt, tüsho khün thsürü athrürü tüsho aliberübonü arü tüzhokhi ching khihni khiungde thsüchoh. Arünü harü Israel ching jipü-yakli khülang kamshih; jurübo atüzhokhi ching thrütyuka lah.

EZRA 9:3

Inü küyimki ha sokhea, inü I khim thorüp tüsho I kuyü le I münnam thokhibah tüzhode bin.

NEHEMIA 9:9

Isa jipürü Ijip ching thsünükhi nünü ngü; Amürüm Keto ching arünü arung kheangde azhikhi nünü so.

JOB HU H T ANYU 1:20

Judüki Jobnü asürü, api yo shulünkhim thorüp, api ku hüt, tüsho alo kheak khukningbah kingaün.

T H S AN GYU T H S AN GR ARÜ 3:11

Apinü lüpdükhi kim thsungkheak ayearade thsüjihdo; kheaküshe apinü ahokhi tüsho arübe mükheahpü arü lümkhi ching yukjih, tütüshe Thrünpuhnü tümü atankih chingnü akheam khiungde arhimokheanü arünü müyimkhitkhuk.

T H S AN GYU T H S AN GR ARÜ 3:4

atrippü kim khülang, tüsho amünepü kim khülang; atüzhopü kim khülang, tüsho atsünpü kim khülang;

ISAIA 15:2

Dibon mihtsürübo arüngyam lim, achang dangpungbo ching atrippü wutudo; Nebo tüsho Medeba kurungkheak Moabnü tüzhochoh. Mihbüm aban ku hütdo, mükhühnam nipdo;

ISAIA 26:10

Mihbukmuyuk ki amuzho huhsho, arünü thiyuro-lungki mümükheah; alungki lakhi lomi ching arünü bephülapchoh tüsho Atungpuh wüntre-müretah mükheah.

ISAIA 29:1

Ah, Ariel, Ariel, David binkheampung kiuto! Kamnü kam yukajakang; thüniobonü mükamshang.

ISAIA 3:24

Arhümkebe müthri arhümmükebe; tüsho pangrümbe müthri shungliu; tüsho kuyü-jangpü müthri kurakrak; tüsho suhdahkhi shulünkhim müthri shungliukhim rümkhi; akheahakham müthri achih labah.

ISAIA 32:11

Niukang, nüsa keamramde lakhi liberübo, ajanang, nüsa reangkeamde larübo; nüsa khimmih yihkhitang, tüsho nüsa chim kheak shungliukhim yihang.

ISAIA 37:1

Küyimki kiulongthsüpuh Hezekianü ha sokhea, apinü akhim thorüpbah anihbuh shungliukhimnü hingdo, tüsho Atungpuh yam ching yüzah.

ISAIA 37:2

Tüsho apinü Eliakim, kiulongthsürü yam abebuh, tüsho athrütbuh Shebna, tüsho awün amükeamrübo shungliukhim phuyubah Amoz tsührü wukihbuh Isaia kilim yüshih.

ISAIA 58:3

“Tümü thsükhi isanü khümkeak thsücho, tüshe nünü müngü? Tümü thsükhi isanü azhihayihcho, tüshe nünü mükheahkhit?” Kheahang, nü khümkeak nimung nü künkhi nünü rhimochoh, tüsho nü rhimobo alala junochoh.

JEREMIA 16:6

Ha lomi ching ato tüsho anini chido ashebah; arübo kiuyuka mübah, tüsho shenü arü thsungkheak mütüzho; arü thsungkheak tüzhode mütsüt yungsho ku mühüt.

JEREMIA 16:8

Nünü arü lung binde atsühpü tüsho ayungpü tsakamrü yam ching düyüzah.

JEREMIA 4:8

Ha dünkheaknü shungliukhim phuyuang, tüzhoang tüsho tripang: “Atungpuh bukakhiukkhi isa kheaknü rholode mutso.”

JEREMIA 7:29

Nüsa ku hüta bahang; awungbo kheak tüzhoang, tümüde api bukakhiukshihkhi lün Atungpuhnü bahyukdo tüsho mihabahdo.

EZEKIEL 27:31

arünü nü thsungkheak arü zangrü ku hütrakrakchoh, tüsho shungliukhim phuyuchoh, tüsho arü me khühkhi ching nü dünkheak tüzhode tripchoh.

DANIEL 5:1

Kiulongthsüpuh Belshazzarnü api putungrübo chithürü thsungkheak anioji ato khülang thsakham, tüsho apinü chithürü miki yukhu yungde alakheah.

HOSEA 9:1

Dasühachih, O Israel! Püpürü trükshihbo nangde dasühako; tümüde nünü nü Thrünpuh kheaknü chamkhide yüliyürado. Nünü hinitpung alala kheak müzammüram mulomüthsüpü muzhodo.

JOEL 1:13

Shungliukhim phuyuang tüsho tüzhoang, nüsa amükeamrübo; tüzhoang, nüsa kingaün sadam kheak tankihrübo. Arang, shungliukhim chingnü tsüngre hoshang, nüsa I Thrünpuh tankihrübo! Hi kingaün tüsho ayungbe kingaün nüsa Thrünpuh yam chingnü tukloa lah.

JOEL 1:8

Anünürü khülangnü arhangpü thsüchoki nihbe müyambuh shekhi shungliukhim phuyubah tüzhokhi nangde tüzhoang.

JOEL 2:12

Kheaküshe, Atungpuhnü thachoh, khümkeak thsüde, tripde tüsho tüzhode, nüsa mulong alalanü I kilim rholoang.

JOEL 2:17

Mükü tüsho kingaün sadam dükeak ching Atungpuh tankihrü, amükeamrübonü tripshang. Arünü thashang, “ Nü mihtsürübo aninga lashang, O Atungpuh , tüsho nü yamrüplurüp ha trükshih bolung keangrümüne, münedung dükamshih. Tümüde mihtsürü bolung ha thashihpü, ‘ Arü Thrünpuh küching la?’”

AMOS 8:10

Inü nüsa aniojikhibo atüzhokhi kamshihbah, tüsho nüsa khün alala atüzhokhi kamshihbah; inü alala chim kheak shungliukhim hande arübah, tüsho mihbüm aban ku hütshihbah; inü ju tsührü khülang lang alakhi thsungkheak tüzhokhi ruk kamshihbah, tüsho akheam ching ju akhüh nimung nangde akamshihbah.

JONA 3:6

Küyimki thiyusheakbo ju Nineve kiulongthsüpuh khiungkhea, apinü anihbuh kiulongthsü-binkiu chingnü asürü, api shulünkhim yihkhit, shungliukhimnü anihbuh lüpdo, tüsho awah ching bin.

MIKA 1:16

Nüsanü asühkhi tsührübo thsungkheak tüzhode kuyü hütang; nüsanü müleangtopü nangde rakrak hütang tümüde arübo nüsa kheaknü ramtso ching yüdo.

JAKOB 5:1

Nüsa alarübo kheakü aniang, nüsa kheak thsümütsü arüpü lakhi dünkheak tripang tüsho tüzhoang.