ISAIA 21:3 - AMÜSÜH HÜM CL Bible (BSI)

³ Jumonü I chimbo atukkhinü mido; athsükhinü I tholodo, aliberü zübechoki thsünükhi nangde; inü asochoki I lümthsünüdo, inü ju ngüchoki I mulong keahkhiabahdo.

ISAIA 21:3 Iomraidhean Croise

MUNGSHIKHÜN 48:6

Ju ching arü azoberü thsünükhi nangde atrekhinü tholo,

ISAIA 13:8

tüsho arübo trede akambah, thsünü tüsho thsümütsünü arü tholobah; arübo aliberü khülang zübepü thsünü ching lakhi nangde thsünükhi ching labah. Arünü khülangnü khülang kheak trede akheahbah; arü mirobo motru nangde alabah.

ISAIA 15:5

I mulongnü Moab thsungkheak tripchoh; anihbe mihtsürü Zoar ching, Eglath-shelishiya ching tsodo. Tümüde Luhith mutuh kheak arü tripde wutuchoh; Horonaim limro ching arünü athsümünimkhi dünkheak zhichoh;

ISAIA 16:11

Jumonü Moab thsungkheak bingshang nangde, tüsho Kir-heres thsungkheak I me nangde mulong rozhakchoh.

ISAIA 16:9

Jumonü Jazer mitripkhi nangde inü Sibma kurungaso thsungkheak tripchoh; inü I chikenü nü pangchoh, O Heshbon tüsho Eleale; tümüde nü aso yimlukhi tüsho nü hi yimlukhi arün thsüdo.

ISAIA 26:17

Pang makeangkhi azoberü kim khiungchoki, anihbe thsünü ching chinphülapde akhungkhi nangde nü miki isa she alakheah O Atungpuh ;

JEREMIA 4:19

I thsünükhi, I thsünükhi! I thsünü ching kolahchoh! O, I mulong thsünükhi! I mulong thüpthüpchoh; inü zhikde mülakhuk; tümüde inü hulipungpung düsheak thirithsüpü arhunganimkhi sochoh.

JEREMIA 48:41

Kerioth kiutobo ju ayanbah tüsho chipi ayünkhibo thsümünimbah. Ju nimung Moab thirithsürübo mulong ju aliberü thsünükhi nangde alabah.

JEREMIA 49:22

Kheahang, müleang nangde apinü müheankihbah tüsho phinkhibah, tüsho Bozra azhihde api ghidükeang chutreakbah, tüsho ju nimung Edom thirithsürübo ju aliberü khungarü ngüpü thsünükhi nangde alabah.

JEREMIA 50:43

Babilon kiulongthsüpuhnü arü yusheak sodo, tüsho api khah keahkhia lah; thsününü api ramlodo, azoberü zübechoki thsünükhi nangde lah.

JEREMIA 6:24

“ Isanü arü yusheak sodo, isa khahbo keahkhia lah; thsünükhinü aliberü zübechoki thsünükhi nangde isa tholoa lah.

HABAKKUK 3:16

Inü sochoh, tüsho I mulong ching thukthukchoh; düsheaknü I münküpbo niukchoh. I robo ching ashuh yüzahchoh, tüsho I jingbo ajanchoh. Isa yanrü mihtsürü kheak thsümütsü nimung arüpü thsungkheak inü zhikde aleangchoh.

JOHAN 16:21

Aliberü küyimki thsünü ching labanü mulong rozhak lachoh tümütüsho anihbe kim arüdo; tüshe alibenü khungarü zübe müleangnü thsünü mülümkhitde kamchoh, tümüde mihtsürü asühkhi alomi ching zübedo.

YUZÜNGTHALO 28:67

Yapsu nünü athabah, ‘O, ha are ah de müthsüde!’ ha nü mulong ching ajankhi, tüsho nü müknü angükhi hode alabah.

1 TESALONIKA 5:3

Küyimki mihtsürünü, “Mungtsü tüsho akhümkhit” de athabanü mübünkeangkhi liberü kheak zübethsünükhi nangde zukleangnü arü kheak athsümünim arübah, tüsho arü mutsokhide alabah.