ISAIA 21:15 - AMÜSÜH HÜM CL Bible (BSI)

¹⁵ Tümüde arübo nukshang chingnü, nukshang dukkhitkhi chingnü, sanglüh hünkihkhi chingnü, tüsho atrebe keochih chingnü tsokhichoh.

ISAIA 21:15 Iomraidhean Croise

ISAIA 13:14

Shihyankhi shihmüchi nangde, yungsho akümrü mülakhi namfimihnu nangde, alala arü nihbuh mihtsürübo kilim rholobah, tüsho alala arü nihbuh lomi lim tsobah.

ISAIA 13:15

Shepü angükhitbanü chinkhitde adüchipbah tüsho shepü tholobanü nukshangnü akeamshihbah.

ISAIA 17:13

Trükshihbonü ke ahihdo ahukkhi nangde ahukchoh, tüshe apinü arü müdanbah, tüsho arü awungbo kheak müneang apung müngüh yünkhi nangde tüsho chinthrüm müheankhi asungthulung nangde limshude atsobah.

ISAIA 22:3

Nüsa yo yakzanshuhrübo alala rukhühnü tsodo; arübo sanglüh mushuhde ramdo. Arübo limshu ching shande lalashe angükhitrübo ramdo.

ISAIA 31:8

Judüki Asiria ju nukshangnü alungbah, mihtsürü nuknü yung; tüsho mihtsürü nukshangnü yungde api muyubah; api nukshang kheaknü atsobah, tüsho api mihtsürü athunubo azhorü kambah.

ISAIA 33:3

Nü düsheak tsüngmuk sobah mihtsürübo tsochoh; nü asürüchoki trükshihbo tsomüzütchoh.