ISAIA 21:12 - AMÜSÜH HÜM CL Bible (BSI)

¹² Aheangbuhnü tha: “ Yapsu arüchoh, tüsho azhing she arüchoh. Nünü akeokhipü lasho, keokhiang; alode arang.”

ISAIA 21:12 Iomraidhean Croise

ISAIA 17:14

Arelim kim ching kheahang, atrebe! Yapsu mükikde arübo müla. Ha isa thsümünimrü kuhi lah, tüsho isa yanrü shihcham lah.

ISAIA 21:11

Edom dünkheak müchityu. Khülangnü Seir chingnü I ki jichoh, “Aheangbuh, tsüngre künangde ahoba? Aheangbuh, tsüngre künangde ahoba?”

ISAIA 21:13

Loshelo dükhün dünkheak müchityu. Sangrung lakhi loshelo dükhün ching nüsa binkheambah, O Dedanrü hantsahrübo.

ISAIA 55:7

mihbukmuyuknü arü limro tüsho thiyuro mülarünü arü lümkhi bahyukshang; arünü Atungpuh kilim rholoshang, junangde apinü arü kheak mihmüthsüm labah, tüsho isa Thrünpuh kilim rholoshang, tümüde apinü suhdahde neak bahjihbah.

JEREMIA 50:27

Anihbe moshi alala laksahang. Arü thsungkheak aha, arü nimung, arü thsümüchipü kim arüdo!

EZEKIEL 33:11

Arü ki thaang, I lale, Atungpuh Thrünpuhnü thachoh, mihbukmuyuk shekhi ching I asühpü müla, tüshe mihbukmuyuknü arü limrobo chingnü rholobah rhangdung lakhi ching lah; nüsa amütsü limrobo chingnü rholoang, rholoang; tümüde nü ashepü, O Israel yamkhün?

EZEKIEL 7:10

Israel thsungkheak thsümütsü nimung arüchoh. Laksahachihkhi alü kamchoh, kükheangküyang kumung lim lah.

EZEKIEL 7:12

Kim arüdo, nimung khiungdo. Athulorü dasühachihshih yungsho ayinrü dülungrishih, tümüde mulong zhipzhip ju alomi athrünkhi kheak lah.

OBADIA 1:1

Obadia michih. Atungpuh Thrünpuhnü Edom dünkheak ha thachoh: Isanü Atungpuh kilimnü thiyusheak khülang sodo, tüsho yunithsürü khülang trükshih bolung thiyido: “Asürang! Isanü Edom bede keochihpü yüanü!”