ISAIA 21:1 - AMÜSÜH HÜM CL Bible (BSI)

¹ Keto sunglo dünkheak müchityu. Negeb ching chitmühean yünkhi nangde, ha loshelo chingnü, atrebe lomi khülang chingnü arüchoh.

ISAIA 21:1 Iomraidhean Croise

JOB HU H T ANYU 37:9

Düjinglimnü chinthrüm apung arüchoh tüsho dukulim apung yünmüzütkhi chingnü athsak arüchoh.

ISAIA 13:1

Amoz tsührü Isaianü Babilon dünkheak ngükhi müchityu.

ISAIA 13:13

Jumonü Wuto Atungpuh müshakde abukakhiukkhi nimung ching inü thüningbo ajanshihbah, tüsho alomi ju ayappung kheaknü aniukshihbah.

ISAIA 14:1

Tüshe Atungpuhnü Jakob kheak mihmüthsüm labah tüsho kheaküshe Israel mokhitbah, tüsho arü lomi ching lashihbah; khiungkerünü arü lung arihbah tüsho arünü Jakob yamkhün lung labah.

ISAIA 14:14

inü amo kumung kheak yükihbah, inü I küdah thsüde Khide Achang kamshihbah.

ISAIA 14:23

Tüsho inü ju lungru lapung tüsho kepheanglo kamshihbah, tüsho inü athsümünimbe phütdungnü aphütbah, Wuto Atungpuhnü thachoh.

ISAIA 17:1

Damaska dünkheak müchityu khülang. Kheahang, Damaska ju kiuto thsüpü arün thsübah, tüsho athsümünimkhi mujung kambah.

ISAIA 47:1

Akiang tüsho asungthulung ching binang, atsangkhit tsührübe Babilon! Kiulongthsü-binkiu kheak yungde alo kheak binang, tsührübe Kaldea! Tümüde nü kheaküa athünak tüsho aliuhliuh de müji.

ISAIA 5:28

arü hühzobo züpzüplah, arü sanglühbo alala hündübümlah, arü khora biuobo molaklung nangde lah, tüsho arü lolungbe-jingbo chitmühean nangde lah.

JEREMIA 51:1

Atungpuhnü ha thachoh: Inü Babilon azhihde tüsho Lebqamai ching larü azhihde athsümünimbe apung rhumusupü lah;

JEREMIA 51:42

Ketonü Babilon kurungkheak zünkihdo; anihbe ju düchi ke-abükkhinü zündoa lah.

JEREMIA 51:51

Isa achih ngüdo, tümüde mükhemürangkhi isanü sodo; achihkhinü isa miro lüpdolah, tümüde khiungkerübo Atungpuh yam amüsüh dangpungbo ching azahdo.

EZEKIEL 1:4

Inü kheah, tüsho dukulim tsüngpungtsüngpung khülang arükhi ngü–amo ato ching chinchobe phürapde tüsho atahkihkhi ayinnü mükamdoa lakheah. Aphulungbe mo ju müwayinchi taklamlamkhi nangde lakheah,

EZEKIEL 30:11

Api tüsho api lung amihtsürübo, trükshihbonü khide atrekhi, lomi thsümünimpü bemukhungbah; tüsho arünü Ijip azhihde arü nukshangbo dukkhitbah, tüsho alaksahkhinü lomi mishihbah.

EZEKIEL 31:12

Khide atrebe trükshihbo ching khiungkerübonü ju kiushak tüsho bahbah tso. Müzüngbo kheak tüsho jindükhünbo ching akhahbo keamkhi, tüsho jindükhün lo asükbo ching zhaka yaplah; tüsho mihtsürü alala ha alamme khüpnü bahbah tso.

EZEKIEL 38:9

Nü mikhuh ching, tsüngpungtsüngpung khülang nangde arübah; nü ju alomi shodokhi amo khülang nangde, nü tüsho nü yo thirithsürü alala, tüsho nü lung mihtsürü ahihkhüh labah.

DANIEL 11:40

“ Kim akheam ching Ijip kiulongthsüpuhnü api yanbah, tüsho Siria kiulongthsüpuhnü api wu alala, khora-lolungbe, khorabo, tüsho sangkungbo ahihdonü keochihlobah. Apinü düchinü azünkhi nangde lomi ahihkhüh ching yüzahbah.

ZEKARIA 9:14

Judüki arü kurungkheak Atungpuh akhiukbah, tüsho api hühzo chinchobe nangde ayübah; Atungpuh Thrünpuhnü hulipungpung khungbah tüsho düjinglim chinthrüm ching mikhuhlim yübah.