ISAIA 20:5 - AMÜSÜH HÜM CL Bible (BSI)

⁵ Tüsho arünü arü mulonglamkhi Ethiopia tüsho arü kükheangkhi Ijip dünkheaknü trede achih ngübah.

ISAIA 20:5 Iomraidhean Croise

2 KIULONG THSÜRÜ 18:21

Kheahang, kheakü nü Ijip kheak düthsün angüchoh, ju rhim tso zhakkhi kheak, shepünü angükihchonü khah düchipashungbah. Api kheak düthsün angürü alala ki Ijip kiulongthsüpuh Pharao ha ruk ah.

ISAIA 2:22

Nupung ching sheak lang alakhi mihtsürü kheaknü rholoang, tümüde arü kheyukkhi tümü la?

ISAIA 30:3

jumonü Pharao nü akümkhi nüsa achih ngükhi kambah, tüsho Ijip alamme ching kuramkhi nüsa junokhi kamshihbah.

ISAIA 30:5

arü alü müthsüjihrü mihtsürü hode mihbüm aban achih ngüchoh, arung yungsho alü mühandarü tüshe achih tüsho mungchih lah.

ISAIA 30:7

Tümüde Ijip arung ju amüthülünkhi tüsho akeangkeang, jumonü inü anihbe ki jikheah, “Zhikde abinkhi Rahab.”

ISAIA 31:1

Aha, sherünü arung thsungkheak Ijip ching yükicho tüsho shenü khorabo kheak düthsün angücho, shenü khora-lolungbe kheak kincho tümütüsho arü ahihdo lah tüsho khoraberü kheak kincho tümütüsho arü khide sühmüh lah, tüshe Israel Amüsüh Thrünpuh kheak mükheah yungsho Atungpuh ki mükeokhi!

ISAIA 36:6

Kheahang, nü Ijip kheak angükihlah, azhakkhi kiupung tso, küpünü ju kheak angükihrü khah chinkhitpü la. Ha ruk alalanü angükihbuh ju Ijip kiulongthsüpuh Pharao lah.

ISAIA 36:9

Dale küde thsah nünü I putungrü yamlarü bolung aninibe wühkenobuh yanlokhukpü, tüsho khora-lolungbe le khoraberü thsungkheak Ijip kheak düthsün angüba?

ISAIA 37:9

Kheakü kiulongthsüpuhnü Ethiopia kiulongthsüpuh dünkheak, “Apinü bede keochihpü tsahmusudo” de so. Küyimki apinü ha sokhea, apinü Hezekia kilim yunithsürü yüshihde tha,

JEREMIA 17:5

Atungpuhnü ha thachoh: Shepünü mihtsürü kheak kinchonü muthrumünean, shepünü nihbuh sühmüh thsungkheak shih kheak angükihcho tüsho shepü mulong Atungpuh kheaknü chamkhicho.

JEREMIA 46:25

Wuto Atungpuh , Israel Thrünpuhnü tha: Kheahang, inü Thebes thrünpuh Amon, Pharao, tüsho Ijip le anihbe thrünpuhbo tüsho kiulongthsürübo, Pharao tüsho api kheak kinrü kheak thsümüchi handarübah.

EZEKIEL 29:16

Ijiprü ju küyimkishe Israel yamkhün angükihpung müthsülo; küyimki arünü arung thsungkheak arü kilim rholobanü, ju amülim ah de alümkhitlobah. Judüki Israelnü I Atungpuh T H RÜ NPU H de mükheahbah.

NAHUM 3:9

Kush tüsho Ijip ju anihbe sühmüh arün mülakhi lakheah; Put tüsho Libya anihbe müshiprü bolung lakheah.

ZEPHANIA 2:12

O Ethiopiarü, nüsa she I nukshangnü alaksahbah.

1 KORINT 3:21

Shenü she mihtsürü dünkheak dükükheang. Tümütüsho alala nüsa yo ah: