ISAIA 20:4 - AMÜSÜH HÜM CL Bible (BSI)

⁴ Asiria kiulongthsüpuhnü Ijiprü aramrü thsüde tüsho Ethiopiarü ramtsorü thsüde bede atsobah, ane chido athunu tüsho shinbeshinbuh, bünkeang tüsho jing keangkeang, kiung aleangkheaknü, Ijip kheak achih hande arübah.

ISAIA 20:4 Iomraidhean Croise

2 SAMUEL 10:4

Jumonü Hanunnü David yunithsürü rambah arü mükhühnam chamkhüh hüta bahjih, arü mutsu kheak khimmih aphulung ching niprüpjih tüsho thiyia tsoshih.

1 KIUTHSÜYUKHEAN 19:4

Jumonü Hanunnü David yamlarübo rambah arü mükhühnam hüta bahjih, arü kiung phulungnü khimmihbo nipa bahjih, tüsho arü tsoshih.

ISAIA 19:4

inü Ijiprü ju amüküp aputungrü khah ching jihbah; bukmüke kiulongthsürünü arü kurungkheak yakzan shuhbah, Wuto Atungpuhnü thachoh.

ISAIA 3:17

Atungpuhnü Zion tsührübebo kubo müshaknü athsünüshihbah, tüsho Atungpuhnü arübo bünkeang kamshihbah.

ISAIA 31:2

Tütüshe api she lümlung lah tüsho thsümütsü handarüchoh; apinü anihbuh yubo matrütchoh, tüshe amütsü rhimorü yamkhün azhihde wusubah tüsho amülim rhimorü rungrü azhihbah.

ISAIA 31:3

Ijiprübo ju mihtsürü ah tüsho Thrünpuh yung; arü khorabo shih, tüsho me yung. Küyimki Atungpuhnü api khah chungkihbanü, arungrü jing mükhebah, tüsho arungbuh alungbah, tüsho ane chido rukhüh dükheakbah.

ISAIA 47:2

Thsam luang tüsho hi chuang, nü dukiube lokhiang, khimnunupü yihkhiang, nü jingbo lokhitang, ayungbo hode yüang.

ISAIA 47:3

Nü bünkeang labah, tüsho achih ngübah. Inü royimbah, tüsho inü she maningshih.

JEREMIA 13:22

Tüsho nü mulong ching, “Tümüde hadürü I kheak arücho?” de thasho, ha nü mülimkhi ato hode nü rungthsün lahkih, tüsho nü thsümünim.

JEREMIA 13:26

Inü nü rungthsün nü miro kheak lahkihbah, tüsho nü achih ngübah.

JEREMIA 46:19

Ramtso thsungkheaknü hah thsang, nüsa Ijip ching larübo! Tümüde Memphis ju abahkhi, athsümünim, mihtsürü mülade akambah.

JEREMIA 46:26

Inü arübo ju arü rhangdung yimrü, Babilon kiulongthsüpuh Nebukednezar tüsho api yo atorübo kilim jihbah. Ju dunglim awün nimungbo ching nangde Ijip ching mihtsürübo labah, Atungpuhnü thachoh.

EZEKIEL 30:18

Küyimki inü Ijip sangkap yihshakba, tüsho kükheangküyang sühmüh akheam kamshihbanü Tapanhes ching animung mitingbah; kiuto ju amonü akhüpdobah, tüsho kiuto mihtsürübo ramtso ching yübah.

AMOS 9:7

Nüsabo I kilim Ethiopiarü ruk yung de, O Israel mihtsürü? Atungpuhnü thachoh. Inü Israelrü Ijip chingnü, tüsho Filistiarü Kaphtor chingnü tüsho Siriarü Kir chingnü mübekhit de?

MIKA 1:11

Shaphir ching larübo, bünkeang tüsho achih ngüde nüsa limro ching yüang; Zaanan ching larübo mikhuh ching marü; Eth-ezel mulong rozhakchoh tüsho atsunglobe nüsa kheaknü alubah.

NAHUM 3:10

Tütüshe anihbe rama lubah ramtso ching yü; anihbe khungarübo she kiudunglimro yean aban ching adütre kamde kingthünak; anihbe mükheahmudurü dünkheaknü azanbo thsü, tüsho anihbe torü alala wuhrünliubo yuk.

ZEPHANIA 2:12

O Ethiopiarü, nüsa she I nukshangnü alaksahbah.

AMIKHEAKAKHIUKKHI 3:18

Nü alarü kampü thsüde I kilimnü mo chingnü atsangkhitkhi suna thulopü inü nü ki athsunganahchoh; tüsho nü bünkeang lüpdopü thsüde aphuyupü amüye khimbo; tüsho nünü angükhukpü thsüde nü mükbo kheak mujupü müdangke.