ISAIA 20:2 - AMÜSÜH HÜM CL Bible (BSI)

² ju kim ching Atungpuhnü Amoz tsührü Isaia ki asukde tha, “ Yüang, tüsho nü chim kheaknü shungliukhimbo trünang tüsho nü jing chingnü jingkhümpü yihkhitang,” tüsho apinü ju ruk bünkeang tsahde tüsho jing keangkeangnü yüla arüla de tsah.

ISAIA 20:2 Iomraidhean Croise

2 SAMUEL 15:30

Tüshe Davidnü aku dukiubah jing keangkeangnü tsahde oliv wungbo lim tripde wutu; tüsho api lung mihtsürü alalanü nihbuh ku dukiubah tripde wutu.

2 SAMUEL 6:20

Davidnü api yamkhün müngühjihpü alode yü. Tüshe Saul tsührü Mikalnü api shorupü akhiukbah tha, “Khihni Israel kiulongthsüpuhnü küdükhüh she nihbuh zangrü wüntre jihcho, makharü mihtsürü khürünü nihbuh zangrü achih ngüa lukhi nangde, nihbuh yamlaberübo mük ki khihni azangrü achih ngüa ludo!”

2 KIULONG THSÜRÜ 1:8

Arünü api ki alo, “Api ju shihnam khim yihkhi mihtsürü tüsho achim yande shihküp rümkihlah.” Apinü tha, “Ju Tishbirü Elija ah.”

MUNGSHIKHÜN 30:11

Nünü I thsungkheak I tüzhokhi ju atsünpü kamshih; nünü I shungliukhim yihkhita bahjih tüsho asühpü phuyujih.

ABEKHIT 3:5

Thrünpuhnü tha, “Ha dangpung thüninde darü; nü jingkhümpü yihkhitang, tümütüsho nü zhipkhi dangpung ju amüsüh lo ah.”

ISAIA 1:1

Juda tüsho Jirusalem dünkheak, Juda kiulongthsürübo Uzzia, Jotham, Ahaz tüsho Hezekia kim ching ngükhi Amoz tsührü Isaia michih.

ISAIA 13:1

Amoz tsührü Isaianü Babilon dünkheak ngükhi müchityu.

ISAIA 37:2

Tüsho apinü Eliakim, kiulongthsürü yam abebuh, tüsho athrütbuh Shebna, tüsho awün amükeamrübo shungliukhim phuyubah Amoz tsührü wukihbuh Isaia kilim yüshih.

JEREMIA 48:37

Tümüde mihbüm aban ku hüta lah tüsho mükhühnam nipa lah; alala khahbo kheak atsütkhibo lah, tüsho chim kheak shungliukhim lah.

EZEKIEL 24:17

Mükhihde düsüknimang; asherü thsungkheak midütrip. Nü kuhingbe hingang, tüsho nü jingbo ching jingkhümpübo yukang; nü münküp achangbe düyihdo yungsho mahmi-jimpung dütsüh.

EZEKIEL 24:23

Kuhingbebo nüsa kubo kheak labah tüsho jingkhümpübo nüsa jing kheak labah; nüsanü mimütrip yungsho mütrip, tüshe nüsa mülimkhibo ching nüsa sühkeakeabah tüsho khülangnü khülang ki ashearabah.

EZEKIEL 4:1

Mihtsürü tsührü, kheakü lungbeak khülang luang, ju nü miki zoang tüsho ju kheak Jirusalem kikihang.

EZEKIEL 4:5

Arü neak kambo nangde inü nü ki ju nimung khekhi rukhühnü jihdo. Jumonü nünü nimung 390 thsungkheak Israel yamkhün neak hanbah.

MIKA 1:11

Shaphir ching larübo, bünkeang tüsho achih ngüde nüsa limro ching yüang; Zaanan ching larübo mikhuh ching marü; Eth-ezel mulong rozhakchoh tüsho atsunglobe nüsa kheaknü alubah.

MIKA 1:8

Ha thsungkheak I tüzhobah tüsho mitripbah; inü I jing keangkeang tüsho bünkeang yübah; inü shirungbo nangde tüzhobah, tüsho lothsuktopübo nangde mulong rozhakbah.

ZEKARIA 13:4

Ju nimung wukihrübo ju arünü müchitchoki mihbüm aban nihbuh michih dünkheak achihbah; arünü mülapyukpü thsüde anamkihkhi khim müyih,

MATHI 16:24

Judüki Jisunü api jingyanrübo ki tha, “Khürünü I dunglim arünesho api küdah thsüde danyukang tüsho nihbuh sangkim shuhbah I yanang.

MATHI 3:4

Johannü kemel nam phuyu, shihküpnü achim rüm; tüsho api tsühyungbe ju tangkhobo le mukhuke lakheah.

JOHAN 21:7

Jumonü Jisunü amuzhokhi jingyanrü junü Peter ki tha, “Ha Atungpuh ah!” Küyimki ju Atungpuh thsüa lah de Simon Peternü asokhea, apinü yihkhita lakhi aleangbe khimmih yuka lu, tüsho keto ching jukyuk.

YUNIRÜBO RHIMO 19:16

Amünean me yüzahkhi mihtsürünü müküpde arü yande müsham tüsho arü alala kukabah. Arübo api yam chingnü yuria bünkeang akhiuk.

YUNIRÜBO RHIMO 21:11

Apinü isa kilim arübah Paul chimrümbe lu tüsho ajing le akhahbo rhükbah tha, “Amüsüh Menü ha thachoh: Ha chimrümbe atungrü Jihudarünü Jirusalem ching hanangde arhükbah, tüsho arünü api khiungkerü kilim jihbah.”

JIHUSUA 5:15

Tüsho Atungpuh bonungrü limthobuhnü Jihusua ki tha, “Nü jingkhümpü yihkhitang, tümüde nü zhippung lo ju amüsüh ah.” Tüsho Jihusuanü api ki thakhi nangde rhimo.

AMIKHEAKAKHIUKKHI 11:3

Tüsho inü I thiyumütsan thsürü mahne shungliukhim phuyubah nimung 1260 müchitpü wu mülüjihbah.”

1 SAMUEL 19:24

Api she khimmih yihkhita bahbah Samuel miki müchitmudude kam. Api ju nimung tüsho tsüngre amuyung bünkeang yap. Jumonü arünü tha, “Saul she wukihrü bolung bela de?”