ISAIA 20:1 - AMÜSÜH HÜM CL Bible (BSI)

¹ Asiria kiulongthsüpuh Sargonnü athiyikhi, akube-limthobuh ju Ashdod ching arü tüsho ju bede keochihbah alukhi kam ching–

ISAIA 20:1 Iomraidhean Croise

2 KIULONG THSÜRÜ 18:17

Asiria kiulongthsüpuhnü bonungrü ahihdo lung Tartan, Rabsari tüsho Rabshake Lakish chingnü Jirusalem ching kiulongthsüpuh Hezekia kilim yüshih. Arünü wutu tüsho Jirusalem ching arü. Küyimki arü khiungkhea, Müsühmürarü Thulu limro ching achangbe kekhip keru ching zhip.

2 KIUTHSÜYUKHEAN 26:6

Apinü wukhiuk tüsho Filistiarü bede thirithsü, tüsho Gath chipi le Jabne chipi tüsho Ashdod chipi kingkheam; apinü Ashdod lomi ching tüsho Filistiarü bolung kiutobo thsü.

ISAIA 14:31

Tüzhode tripang, O chipiripit; zhiang, O kiuto, atrekhinü niuang, O Filistia, nüsa alala! Tümüde dukulimnü mokhüh akichoh, tüsho ju mulong zahkhi yakkihrü bonungrü ah.

JEREMIA 25:20

khiungkerü larü alala; Uz lomi ching kiulongthsürü alala; Filistia lomi ching kiulongthsürü alala– Ashkelon, Gaza, Ekron, tüsho Ashdod ching aningkhi;

AMOS 1:8

Ashdod ching larü tüsho Ashkelon ching kiulongthsü-tso shuhbuh inü mülade akamshihbah; I khahnü Ekron azhihbah, tüsho Filistiarü aningkhi dükheakbah, Atungpuhnü thachoh.

JIHUSUA 11:22

Israel ching larü Anakimrü sheshe maningshih; tüshe, Gaza, Gath, tüsho Ashdod ching larü anükhüh aningjih.

1 SAMUEL 5:1

Küyimki Filistiarünü Thrünpuh sangdan yankhia lukhea, arünü ju Ebenezer chingnü Ashdod ching lubah arü;

1 SAMUEL 6:17

Harübo ha Filistiarünü A TUN GPU H kilim amülimkhi kingaün dünkheak mühahlokhi suna mübo; Ashdod, Gaza, Ashkelon, Gath tüsho Ekron arü abande khülang khülang;