ISAIA 2:8 - AMÜSÜH HÜM CL Bible (BSI)

⁸ Arü lomi sangthsünü mide lah; arünü arü khahnü athsükhi, arü yingkhingbonü athsükhi ki khukningchoh.

ISAIA 2:8 Iomraidhean Croise

1 KIULONG THSÜRÜ 16:7

Kheaküshe apinü Atungpuh miki amütsü rhimokhi, Jeroboam yamkhün nangde alakhi tüsho apinü ayamkhün laksahkhi, api khahnü arhimokhi kheak api bukakhiukshihkhi hode Hanani tsührü wukihbuh Jehu hode Atungpuh yu Baasha tüsho api yamkhün azhihde arü.

2 KIULONG THSÜRÜ 17:10

arünü arü thsungkheak awung abande tüsho sangdung aban khüp dungjingbo tüsho Ashera sangthsübo khima zo;

2 KIULONG THSÜRÜ 17:16

Arünü arü Thrünpuh Atungpuh yukhümbo alala bahyuk tüsho arü thsungkheak moshi nunu sangthsü mahne thsüa zhipshih; arünü Ashera sangthsü thsübah, chiningbo kingaün, tüsho Baal tankih.

2 KIUTHSÜYUKHEAN 27:2

Abuh Uzzianü arhimokhi nangde apinü Atungpuh miki alungki rhimo (apinü Atungpuh yam ching lang müyüzah). Tüshe mihtsürübonü judü lang athsümünimkhi rhimobo yan.

ISAIA 17:8

arünü arü khahnü athsükhi kingaün sadambo mükheah, tüsho arünü arü yingkhingbonü athsükhi, Ashera sangthsü yungsho rhümthüneabe kingaün sadam wüntre müjih.

ISAIA 26:13

O Atungpuh isa Thrünpuh, nü hobah püpü atungrünü isa kurungkheak yakzan shuhdo, tüshe isanü nü mung lang mütsanlah.

ISAIA 37:19

tüsho arü thrünpuhbo mo ching takdo, arübo ju thrünpuhbo yunga lalashe mihtsürü khahnü athsükhi–sang tüsho lung–junangde arübo thsümünimdo.

ISAIA 40:19

Sangthsü khülang ju athsüsorünü zünchoh, tüsho sunakingrünü ju kheak suna yihkihchoh, tüsho shotoyinchinü wuhrünliu thsakhamchoh.

ISAIA 41:29

Yung, arü alala akeangkeang; arü rhimo tümü müla; harü sangthsübo ha akeangkeang pung tüsho ayingying lah.

ISAIA 57:5

nüsa thülamsang khüp, sangdung phüyak aban khüp müzammüramrübo; nüsa tsührübo jindükhün ching, lunghü khün ching laksahrübo?

JEREMIA 1:16

Tüsho arünü I bahyukde mihbukmuyukkhi alala thsungkheak inü arü azhihde I mahkhapkhibo thabah; arünü jipürü thrünpuhbo ki rhümthüneabe taka kingaün, tüsho arü nihbuh khahnü arhimokhi ki kingaün.

JEREMIA 11:13

Tümüde nü kiutobo hihkhi nangde nü thrünpuhbo hihde kamdo, O Juda; tüsho Jirusalem kiudunglimrobo hihkhi nangde achihbe Baal kingaünpü kingaün sadambo thsüa lah.

JEREMIA 2:28

Tüsho nünü nü thsungkheak thsükhi thrünpuhbo küching la? Nü küpkhuk kim ching arünü nü khümkhitkhukpü lasho arü arüshang; O Juda, nü kiutobo lakhi nangde nü thrünpuhbo hihde lah.

HOSEA 12:11

Gilead ching mülimkhi lah, arübo tsükjide akeangkeang kambah, Gilgal ching arünü moshipungbonü kingaün, jumonü arü kingaün sadambo ju thulu wochakkhi ching lungrhung nangde alabah.

HOSEA 13:2

Tüsho kheakü arünü alü neak yihbeakchoh tüsho arü anikhitkhi yande shotoyinchinü sangthsübo thsüchoh, arü alala rhimorünü athsükhi rhimobo lah, “Harü ki laksah-a kingaünang,” arünü tha. Mihtsürübonü moshi nunubo müthsüpchoh.

HOSEA 14:3

Asirianü isa mükhümkhit; isanü khorabo kheak mübin; isa khahnü athsükhi ki kheaküa, ‘ Isa thrünpuhbo,’ de mütha. Nü kheak mürerünü mihmüthsüm ngüchoh.”

HOSEA 8:6

Tümüde ha Israel chingnü, rhimorü khülangnü thsü; ha Thrünpuh yung. Samariarü moshi nunu ju adütre kamde ayihthünakbah.

MIKA 5:12

tüsho inü nüsa khah chingnü wurük dükheakshihbah tüsho kuhi-kheahrü mülade alabah;

YUNIRÜBO RHIMO 17:16

Kheakü Paulnü Athen ching ane aleangde alachoki kiuto ching sangthsübonü amikhi ngübah api khide lümthsünü.

YUZÜNGTHALO 4:28

Tüshe ju ching mihtsürü khahnü athsükhi, sang le lung, müngükhi yungsho musokhi, yungsho mütsühkhi yungsho mümünimkhi thrünpuhbo nüsanü tankihbah.

AMIKHEAKAKHIUKKHI 9:20

Harü arümbonü müsheshihkhi aningkhi mihtsürübonü arü khah rhimobo chingnü mümüthrilo yungsho arimri le suna, shotoyinchi, müwayinchi, lung tüsho sang, angüpü yungsho asopü yungsho atsahpü mukukkhi sangthsübo kingaünkhi mutuklo;