ISAIA 2:2 - AMÜSÜH HÜM CL Bible (BSI)

² Arübe nimung ching Atungpuh yam wung ju awungbo lung achangbe thsüa labah tüsho awungbo kumung shuhkihbah; trükshih alalanü ju kheak shobah,

ISAIA 2:2 Iomraidhean Croise

THRÜNTAN 49:1

Judüki Jakobnü atsührübo ji, tüsho tha, “Nüsa rukhüh mukhungang, junangde arübe nimungbo ching nüsa kheak tümü dünjipü lanü inü nüsa ki thaanü:

JOB HU H T ANYU 19:25

Tümüde I Rhokhitrü rhangdung lah de inü mükheahlah tüsho akheam ching api alomi kheak zhipbah;

MUNGSHIKHÜN 102:23

Apinü limro ching I sühmüh keakeade kamshih; apinü I nimungbo khihshih.

MUNGSHIKHÜN 2:8

I ki kheangang, tüsho inü trükshihbo nü yamrüplurüp, tüsho alomi athrünkhi nü yamalo thsüshihbah.

MUNGSHIKHÜN 22:27

Alomiküp thrip aban chingnü Atungpuh lümkhitbah tüsho api kilim rholobah; tüsho trükshih yamkhün alalanü api kingaünbah.

MUNGSHIKHÜN 22:28

Atungpuh ju kiulongthsürü ah, tüsho apinü trükshihbo yakzan shuhchoh.

MUNGSHIKHÜN 48:2

Thrünpuh wung Zion ju achang tüsho akheahakhamlah; ato kiulongthsüpuh kiutonü alomi alala ching asühpü hande arüchoh.

MUNGSHIKHÜN 68:17

Api lung khora-lolungbe chithürü ahihdo bebah Sinai chingnü amüsüh dangpung lim Atungpuh arüchoh.

MUNGSHIKHÜN 72:8

Apinü keto chingnü keto khiungde, tüsho Ayung chingnü alomi akheam khiungde yakzan shuhbah.

MUNGSHIKHÜN 86:9

Nünü athrünkhi trükshihbo alala arübah tüsho nü ki khukningbah, tüsho nü mung müretahbah.

MUNGSHIKHÜN 87:1

Api khimtan amüsüh müzüngbo kheak lah.

MUNGSHIKHÜN 87:2

Atungpuhnü Jakob lapungbo alala kheaknü Zion chipiripitbo muzhobah.

ISAIA 11:10

Ju nimung Jesse ying kheaknü mihtsürübo kilim amütsan khülang nangde alabah; trükshihbonü api ki shomukhungbah, tüsho api lapung müretahde alabah.

ISAIA 25:6

Ha wung kheak Wuto Atungpuhnü mihtsürü alala thsungkheak ala-tsühyungpü thünio, ashuh-yukhu, alütlüt-shih, düshihde achangkhi yukhu-thünio khülang thsakhambah.

ISAIA 27:13

Tüsho ju nimung Asiria tüsho Ijip ching larü Israelrü ramtsorü alala jilopü hulipungpung mütbah. Arünü arübah tüsho Jirusalem ching amüsüh wung kheak Atungpuh kingaünbah.

ISAIA 30:29

Amüsüh thünio tsüngre nangde nüsanü khün thsübah; tüsho Israel Lung, Atungpuh wung lim tsahmusuchoki khürünü khungpi khungkhi nangde, mulong asühkhi labah.

ISAIA 49:6

Apinü tha, “Jakob trükbo bemusupü nü I yamlarü thsüpü tüsho Israel arhang larü belodarüpü ju khide athülih ah; inü trükshihbo ki nü ayin khülang nangde ajihbah, junangde I akhümkhitnü alomi akheam khiungbah.”

ISAIA 56:5

inü I yam tüsho I chipibo ching tsührübo tüsho tsührübebo kheaknü mung atsüdakbe zojihbah; inü arü kilim akheam mülakhi mung jihbah, ju kheamamübah.

ISAIA 56:7

harü inü I yo amüsüh wung ching bedarübah, tüsho I tamkhüntamnü yam ching arü asühde kamshihbah; arünü taka kingaünkhi tüsho arünü shuhmülanga jihkhibo I kingaün sadam kheak leangkhibah; tümüde I yam ju trükshih mihtsürü alala thsungkheak tamkhüntamnü yam de ajibah.

ISAIA 60:3

Trükshihbonü nü yo ayin lim arübah, tüsho khiungkerübonü nü yo yapsu ayinatrüm lim arübah.

ISAIA 65:11

Tüshe nüsa sherünü Atungpuh bahyukcho, shepünü I wung amüsüh mihcho, shepünü kuhi thsungkheak dükhüm kheanga zocho tüsho kuhi-lalim thsungkheak pung ching yukhu yukcho;

ISAIA 66:20

Arünü nüsa keoniorü alala trükshih alala chingnü A TU N GPU H kilim kingaün nangde, khorabo, khora-lolungbe, atho-lolungbe, khoranunu, tüsho kemelbo kheaknü Jirusalem ching I yo amüsüh wung kheak handarübah, Atungpuhnü thachoh, Israelrünü amüsüh yukpung chingnü hi kingaün Atungpuh yam ching handarükhi nangde alabah.

ISAIA 66:23

Khinu aso tüsho amunimung aban, mihtsürü alalanü I miki kingaünpü arübah, Atungpuhnü thachoh.

JEREMIA 16:19

O Atungpuh , I sühmüh tüsho I tsunglopung, küpkhuk nimung ching I tsoyukpung, trükshihbo alomi akheam chingnü nü kilim arüchoh tüsho thachoh: Isa jipürübonü tümü yamrüplurüp mulu tüshe akeangyubo, alü mülakhi müthülünkhi kukrukbo lang lu.

JEREMIA 23:20

Api lümkhi mürhimoyiki tüsho akuk müngüyiki Atungpuh bukakhiukkhi murholo. Püpü nimungbo ching nüsanü mütsande anikhitbah.

JEREMIA 26:18

“Juda kiulongthsüpuh Hezekia nimungbo ching müchitbuh Moreshethrü Mikanü Juda mihtsürü alala ki tha: ‘ Wuto Atungpuhnü ha thachoh, Zion ju thulu nangde wochakbah; Jirusalem athsümünim mujung kambah, tüsho thüyam wung ju murung kambah.’

JEREMIA 3:17

Ju kim ching Jirusalem ju Atungpuh kiulongthsü-binkiu de ajibah, tüsho trükshih alala Jirusalem ching Atungpuh miki mukhungbah, tüsho kheaküa arünü mulong müküpde nihbuh amütsü lümkhi ching müyan.

JEREMIA 30:24

Api lüm ching lümkhi mürhimoyiki tüsho mukukyiki Atungpuh buk mükede akhiukkhi mutuklo. Arübe nimungbo ching nüsanü ha anikhitbah.

JEREMIA 31:12

Arünü arübah tüsho Zion wung kheak achangnü khün thsübah, tüsho Atungpuh tsükhi– hi, yukhu, tüsho müdangke, namfimihnu tüsho moshi dünkheaknü arübonü asühachihbah; arü rhangdung ju ke tsüde aduhkhi ayündo nangde akambah tüsho arübo kheaküa mulong murozhak.

JEREMIA 48:47

Judüalalashe inü hashu nimungbo ching Moab kuhi jihlobah, Atungpuhnü thachoh. Ha khiungde Moab kheak mahkhap lah.

JEREMIA 49:39

Tüshe ashulim nimungbo ching inü Elam kuhi jihlobah, Atungpuhnü thachoh.

JEREMIA 51:44

Inü Babilon thrünpuh Bel thsümüchibah, tüsho apinü amuyukhi mülümkhitshihbah. Trükshihbonü kheaküa api ki shode müyü; Babilon chipi keamdo.

EZEKIEL 38:16

amonü alomi liudokhi nangde nünü I mihtsürü Israel azhihde atubah. Ashube nimungbo ching I lomi azhihde inü nü bedarübah, O Gog, nü hode arü mükbo ki I amüsühkhitkhi huhchoki, trükshihbonü I mükheahbah.

EZEKIEL 40:2

Apinü I Thrünpuh michihbo ching Israel lomi lim bedarü tüsho müzüng khide achang kheak binshih; ju kheak düjinglim ju kiuto khülang thrünkhi nangde alakheah.

DANIEL 10:14

tüsho akheam nimungbo ching nü mihtsürübo kheak tümü dünjibanü nü anikhitshihpü rungpü arükheah. Ha arübe thsungkheak michih khülang lah.”

DANIEL 2:28

tüshe aramyu akhiuka huhbuh Thrünpuh khülang yinmi ching lah, tüsho Apinü akheam nimungbo ching tümü dünjibanü kiulongthsüpuh Nebukednezar ki huhdo. Nü yapkiu ching yapshea lachoki nü milim tüsho michih harü lakheah:

DANIEL 2:35

Judüki yinchi, alo, müwayinchi, shotoyinchi, tüsho suna alala ju adütre kamde yihthünak tüsho muzhu rhimopung yo hitsüt nangde kam; tüsho apungnü jurü yünde tsoabah, junangde arü ru müngükhukde kam. Tüshe sangthsü kingkhi lung junü müzüng ato khülang kam tüsho alomi athrünkhi mi.

DANIEL 2:45

Nünü müzüng chingnü akhiukkhi lung khülang ngü, tüshe mihtsürü khahnü yung–yinchi, müwayinchi, alo, shotoyinchi tüsho suna adütre kamde ayihnakkhi lung khülang. Ato Thrünpuhnü arübe ching tümü dünjibanü kiulongthsüpuh ki huhdo. Milim ju thiyuro tüsho athanakkhi ju akinpü thülünkhi lah.”

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

ZEKARIA 14:10

Alomi athrünkhi, Geba chingnü Jirusalem düjinglim Rimmon khiungde adükhün kambah. Tüshe Jirusalem a Benjamin chipiripit kheaknü adüso ripit dangpung, Amühit Chipiripit khiungde, tüsho Hananel Aheangsadam kheaknü kiulongthsüpuh yukhu nitpung khiungde adüpheak labah.

ZEKARIA 14:9

Tüsho Atungpuh ju lomi alala kurungkheak kiulongthsüpuh kambah; ju nimung Atungpuh khülang tüsho api mung khülang labah.

ZEKARIA 8:22

Mihtsürü ahihdo tüsho sühmüh lakhi trükshihbonü Jirusalem ching Wuto Atungpuh yimde tüsho Atungpuhnü amulungkhi mushupü arübah.

ZEKARIA 8:3

Atungpuhnü ha thachoh: I Zion lim yübah, tüsho Jirusalem phulung ching labah; Jirusalem ju thiyuro kiuto tüsho Wuto Atungpuh müzüng ju amüsüh müzüng de ajibah.

MALAKI 3:12

Judüki trükshih alalanü nüsa müngühmühi de ajibah, tümüde nüsa ju asühkhi lomi khülang labah, Wuto Atungpuhnü thachoh.

WÜHKHE 24:14

Balaamnü Balak ki tha, “ I kheakü I mihtsürü kilim yüchoh, arang, arübe nimung ching harü mihtsürünü nü mihtsürübo kheak tümü rhimopü lanü nü ki huhanü.”

YUNIRÜBO RHIMO 2:17

‘Tüsho akheam nimungbo ching ha labah, Thrünpuhnü khipkhitchoh, junangde inü mihtsürü alala kheak I me dungkihjihbah, tüsho nüsa tsührübo le tsührübebonü müchitbah, nüsa tsührü athunurübonü michihbo ngübah, tüsho ashinbuhrübonü milimbo mibah;

2 TIMOTHI 3:1

Akheam nimungbo ching thsümütsü kimbo labah de ha anikhitang.

IBRI 1:2

tüshe harü akheam nimungbo ching a api hode alomi thrünbah alala yamrüplurüp lubuh kamshihkhi atsührü hode isa ki asuk.

2 PETER 3:3

Akhuhde, akheam nimungbo ching luhmünerünü luhmünede tüsho arü nihbuh amütsü künkhi chingnü arübah de nüsanü anikhitbeah.

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

AMIKHEAKAKHIUKKHI 20:4

Judüki inü kiulongthsü-binkiubo ngü, tüsho jurü kheak binrü ju mahkhappü wu jih-a lakheah. Kheaküshe arünü Jisu tüsho Thrünpuh yu kinmo, tüsho shiwüh yungsho mejak mükingaünrü tüsho arü kingkangbo le arü khahbo kheak amütsan yümkihkhi mülarü laksahkhi mebo inü ngü. Arü arhang kamlo, tüsho Khrista lung kam chithürü kiulongthsü.