ISAIA 2:19 - AMÜSÜH HÜM CL Bible (BSI)

¹⁹ Apinü alomi müzünpü asürüchoh, Atungpuh atrebe tüsho api wüntre-müretah chingnü tsokhide lungkhünbo tüsho alokhün ching yüzahbah.

ISAIA 2:19 Iomraidhean Croise

2 SAMUEL 22:46

Khiungkerübo mulong dükheakabah, tüsho arü chipibo chingnü ajande akhiuk.

JOB HU H T ANYU 9:6

shepünü alomi adangpung chingnü niukcho tüsho dungjingbo ajancho;

MUNGSHIKHÜN 7:6

O Atungpuh , nü bukakhiukkhi ching asürang, I riribo bukmüshakkhi azhihde nü jukmusuang; asürang, O I Thrünpuh; nünü mahkhap khülang thsakhamlah.

ISAIA 13:13

Jumonü Wuto Atungpuh müshakde abukakhiukkhi nimung ching inü thüningbo ajanshihbah, tüsho alomi ju ayappung kheaknü aniukshihbah.

ISAIA 2:10

Atungpuh atrebe tüsho api wüntre-müretah chingnü tsokhide lungkhün ching yüzahang tüsho alokhün ching jikang.

ISAIA 2:21

Atungpuh atrebe tüsho api wüntre-müretah chingnü tsokhide lungkhün atobo tüsho lunghü dükeak ching yüzahpü thsüde, alomi müzünpü api asürüchoki labah.

ISAIA 24:1

Kheakü Atungpuhnü alomi akeangkeang lashihbah tüsho abahkhitshihbah, tüsho ami rhophülapbah tüsho ju ching larü hiumüzütbah.

ISAIA 24:18

Mihtrebe düsheak sobah sherü tsochonü shingkung ching keamyukbah; tüsho sherü shingkung chingnü künkhitchonü qimürip ching phuhbah. Tümüde thüning ayinripitbo khimshuhlah, tüsho alomi khimtan ajanchoh.

ISAIA 24:19

Alomi shahde thsümünimdo, alomi züngrüpabahdo, alomi thsümünimde niukdo.

ISAIA 30:32

Tüsho Atungpuhnü arü kheak shitsonü ashik abande züpzüppü tüsho bingkhungbo düsheak labah; api bin hitde arü kheak keochihbah.

ISAIA 33:10

Atungpuhnü thachoh, kheakü I shuhkihbah, kheakü I wusubah;

ISAIA 7:19

Arü alala arübah tüsho jindükhün lunghü, lungrhün, ayangrungbo tüsho rimkiubo alala kheak binbah.

JEREMIA 16:16

Kheakü inü thüngüh-ramrü ahihdo yüshihchoh, Atungpuhnü thachoh, tüsho arünü arübo rambah; tüsho ju dunglim inü shihjimrü ahihdo yüshihbah, tüsho arünü arübo awungbo tüsho awung mujukbo tüsho lunghübo chingnü ajimbah.

JEREMIA 4:29

Khoraberü tüsho sanglüh-kiprü düsheaknü kiuto alala tsochoh; arü rimchak ching yüzahchoh; arübo lunghü kheak künchoh; kiuto alala bahyukdo tüsho jurü ching she müla.

JEREMIA 48:28

O Moab ching larübo! Kiutobo bahang, tüsho lungto ching laang, lungku münküp kheak asap shukhi müthrithrümpü nangde thsang.

EZEKIEL 33:27

Ha arü ki thaang, Atungpuh Thrünpuhnü ha thachoh: I lale, tsükjide sherü abahkhi lo ching lanü nukshangnü akeambah;

HOSEA 10:8

Israel neak Aven achang dangpungbo thsümünimbah. Ayang tüsho khingphubo arü kingaün sadambo kheak mukhuhbah. Arünü müzüngbo ki, Isa lüpdoang, tüsho awungbo ki, Isa kheak keamkihang, de athabah.

MIKA 7:17

arünü alo kheak chinde abükhi phuruto nangde asungthulung müleakbah; arübonü arü chipibo chingnü ajande akhiukbah; arünü Atungpuh isa Thrünpuh kilim trede rholobah, tüsho arünü nü dünkheak trebah.

NAHUM 3:11

Nü she amüshangbah, nü jikde ayübah; nü thiriri kheaknü tsoyukpung yimbah.

HAGGAI 2:6

Tümüde Wuto Atungpuhnü ha thachoh: Khülang ki, anükhüh kheak, inü thüningbo le alomi tüsho keto le akung lomi niukbah;

HAGGAI 2:7

tüsho inü trükshih alala niukbah, junangde trükshih rahpungbo arübah, tüsho lakhitnü ha yam inü amishihbah, Wuto Atungpuhnü thachoh.

LUKNÜ ATHRÜTKHI THIYUSHEAK-ATSÜ HUHTANYU 23:30

Judüki arünü müzüngbo ki, ‘Isa kheak keamang!’ tüsho awungbo ki, ‘Isa zhidoang!’ de athapü tankihbah.

2 TESALONIKA 1:9

Arübo athsümünim tüsho Thrünpuh miki tüsho api wu müretah chingnü chamkhia bahkhi thsünü labah,

IBRI 11:38

Arünü alomi müthülünde, tsotsahrümtsahrü nangde loshelobo, awungbo, lungkhünbo tüsho alo khünbo ching rümde tsah.

IBRI 12:26

Ju kim ching api düsheaknü alomi ajanshih, tüshe kheakü apinü alokhido: “Inü kheaküshe khülangki alomi lang yung tüshe thüningbo she ajanshihbah.”

AMIKHEAKAKHIUKKHI 11:13

Ju kim ching muliuyuk ato züng, tüsho kiuto shihcham thürü ching khülang thsümünim; muliuyuk ching mihtsürü 7000 laksah, tüsho aninga larünü müyinnim tüsho yinmi ching Thrünpuh kilim müretah jih.

AMIKHEAKAKHIUKKHI 11:19

Judüki yinmi ching Thrünpuh arüngyam khimshuh, tüsho api tangzüng sangdan ju api arüngyam ching ngü; tüsho ju ching chinchobe, düsheakbo, tsüngmukbo, muliuyuk, tüsho aru mülangde ashukhi lakheah.

AMIKHEAKAKHIUKKHI 16:18

Tüsho ju ching chinchobe phürapkhi, düsheakbo, tsüngmukbo, tüsho alomi kheak mihtsürü labah müdünjiakheahkhi muliuyuk khide ato lakheah.

AMIKHEAKAKHIUKKHI 20:11

Judüki inü kiulongthsü-binkiu amüye tüsho ju kheak binbuh ngü; api mikinü alomi tüsho thüning tsoabah, tüsho jurü müngülode kam.

AMIKHEAKAKHIUKKHI 9:6

Tüsho jurü nimungbo ching mihtsürübonü ashepü yimbah, tüshe ashepünü arü kheaknü tsoabahbah.

1 SAMUEL 13:6

Küyimki Israelrünü ju ngükhea, arübo lümthsünü ching lakheah (tümüde thirithsürübo ju müküpdakde alakheah), mihtsürübonü arü zangrü lungkhün, alokhün, lungtobo tüsho akukarukbo ching jikabah.

1 SAMUEL 14:11

Jumonü ane chidonü Filistiarü thiriri boto ki ane huh; tüsho Filistiarünü tha, “ Kheahang, Ibrirübo arü jikpung alokhün chingnü akhiukchoh.”