ISAIA 2:12 - AMÜSÜH HÜM CL Bible (BSI)

¹² Tümüde kükheangküyangrü tüsho changde-alümrü, ashuhkihkhi tüsho achangkhi alala azhihde Wuto Atungpuh nimung khülang lah;

ISAIA 2:12 Iomraidhean Croise

2 SAMUEL 22:28

Nünü azhihayih mihtsürü khümkhitchoh, tüshe akükheangrübo thokhipü arü kheak nü mük lah.

JOB HU H T ANYU 24:1

Tümüde Wutobuhnü mahkhappü kim muzocho le, tüsho tümüde api mükheahrünü küyimkishe api nimungbo müngü le?

MUNGSHIKHÜN 131:1

Atungpuh , I mulong mükükheang, yungsho I mükbo mümüzhing. Inü I thsungkheaknü achakato yungsho khide amüyinsahbe mülümrhih.

MUNGSHIKHÜN 18:28

Tümüde nünü I tsün takkihbah; Atungpuh I Thrünpuhnü I mitingkhi yinshihbah.

MUNGSHIKHÜN 37:13

Atungpuh nü api ki münejihchoh, tümüde anihbuh nimung arükhi apinü ngüchoh.

MUNGSHIKHÜN 94:2

Asürang, O alomi mahkhapang; kükheangküyangrü thsümüchiang.

MÜCHITMUDU 16:5

Mihbüm aban mulong ching kükheangrü Atungpuh kilim athraneanbe lah; apinü küyimkishe arübo müthsümüchidüa mutsoshih.

ISAIA 10:12

Küyimki Atungpuhnü Zion Müzüng tüsho Jirusalem kheak arhimo alala banbanü, apinü Asiria kiulongthsüpuh bukakhiukde kükheangkhi dünkheak thsümüchibah.

ISAIA 10:33

Kheahang, Wuto Atungpuhnü atrebe wunü sangkhahbo ngamshakbah; sangdung ashangshangbo kiushakbah, tüsho achangbo ju abobe kamshihbah.

ISAIA 13:11

Amütsü-rhimo dünkheak inü alomiküp thsümüchibah, tüsho amülim dünkheak mihbukmuyuk thsümüchibah; inü kükheangküyangrü bukakhiukkhi akheam thsüshihbah, tüsho mihmukhiuh kükheangkhi keamkhishihbah.

ISAIA 13:6

Tüzhode tripang, tümüde Atungpuh nimung thüninde lah; ju Wuto kilimnü athsümünimpü nangde arübah!

ISAIA 13:9

Kheahang, A TU N GPU H nimung, bukmükede tüsho müshakde bukakhiukde, alomi zhikabahshihpü, tüsho ju chingnü aneakrübo dükheakshihpü arüchoh.

ISAIA 14:15

Tüshe nü Ashe-lomi ching, Alokhün ching hande yüzahdo.

ISAIA 23:9

Wuto Atungpuhnü müretah kükheangküyang alala khenopü tüsho alomi wüntrekhi alala bahyukpü ha lümkhi thsüdo.

ISAIA 24:21

Ju nimung Atungpuhnü yinmi ching aputungrübo tüsho alomi kiulongthsürübo thsümüchibah.

ISAIA 24:4

Alomi kungabahchoh tüsho yiuhabahchoh, alomiküp thsünüchoh tüsho yiuhabahchoh; thüning ju alo lung rukhüh thsünüchoh.

ISAIA 40:23

Shepünü yakzanshuhrübo akeangkeang kamshihcho, tüsho alomi yakzanshuhrü tümü mülakhi kamshihcho.

ISAIA 42:15

Inü awungbo tüsho amujukbo keama yapshihbah, tüsho wokephüyakbo kungabahshihbah; inü ayungbo loshelo kamshihbah tüsho kekhipbo ngahshihbah.

ISAIA 5:15

Mihtsürübo khukninga lah, mihbüm aban abobe kamshihdo, tüsho mük müzhingrü aninibe kamdo.

ISAIA 61:2

Atungpuh mulongkhi kam zhiyukpü, tüsho isa Thrünpuh royimkhi nimung zhiyukpü; tüzhode alarü alala shukheampü;

JEREMIA 12:9

I yamrüplurüp ju I ki shihtsüh wuhnubonü zündokhi wuhnubo ruk yung de? yüang, mütüm shiwüh alala kitmukhungang; tsühabahshihpü arü bedarang.

JEREMIA 13:9

Atungpuhnü ha thachoh: Hanangde inü Juda kükheangkhi tüsho Jirusalem tode kükheangkhi thsümünimbah.

JEREMIA 30:7

Aha! ju nimung küde atrebe, ju ruk püpü müla; ha Jakob thsungkheak lümthsünü kim lah; tütüshe api ju chingnü abekhitbah.

JEREMIA 46:10

ju nimung ju Wuto Atungpuh T H RÜ NPU H royimkhi nimung, api riribo kheak royimkhi nimung. Reangmükeamyi khiungde nukshangnü amuyubah, kethürimüri khiungde thiyih yungbah. Tümüde Wuto Atungpuh Thrünpuhnü dukulim lomi ching Euphra ayung ki shuhmülanga jihpü shuhlah.

JEREMIA 50:31

Inü nü azhihlah, O kükheangküyangbuh, Wuto Atungpuh Thrünpuhnü thachoh; tümüde nü nimung, inü nü thsümüchipü kim arüdo.

EZEKIEL 13:5

Atungpuh nimung keochih ching düküngde azhippü thsüde nüsanü chipi zhakkhibo ching Israel yamkhün thsungkheak thsülopü muwutu.

DANIEL 4:37

Kheakü I, Nebukednezarnü yinmi kiulongthsüpuh shijih, wüntre jih tüsho müretahshih; tümüde api rhimobo alala alim tüsho api limrobo thiyuro; tüsho kükheangde atsahrü apinü thokheamkhuklah.

AMOS 5:18

Nüsa sherünü Atungpuh nimung künchonü ayokhe! Tümüde nüsanü Atungpuh nimung küncho? Ha amiting ah, ayin yung;

MIKA 2:3

Jumonü Atungpuhnü ha thachoh: kheakü nüsanü nüsa hungbo manguhkhukpü ha yamkhün azhihde inü amütsü lümkhi asahchoh; tüsho nüsanü korakde mütsah, tümüde ha amütsü kim khülang labah.

MIKA 5:11

tüsho nüsa lomi kiutobo dükheakshihbah tüsho nüsa chipibo thokheambah;

ZEPHANIA 1:16

chipi ayünkhi kiutobo tüsho amühit aheangpungbo azhihde hulipungpung mütkhi tüsho keochihde azhikhi nimung labah.

ZEPHANIA 3:11

Ju nimung nünü I azhihde arhimokhi alala dünkheaknü nü achih müngü; tümüde inü nüsa bolungnü kükheangde asühachihrübo yihkhita bahbah, tüsho nüsanü kheaküa I yo amüsüh müzüng kheak lülüshishi müthsü.

MALAKI 4:1

Kheahang, tak-phuru takkhi nangde nimung arüchoh, bukakhiukrü tüsho amütsü rhimorü alala hineang nangde alabah; ju nimung arükhinü arü takabahbah, Wuto Atungpuhnü thachoh, junangde arü ying yungsho khah tümü she maning.

MALAKI 4:5

Kheahang, Atungpuh nimung ato tüsho atrebe arüpü müngüh inü nüsa kilim wukihbuh Elija arüshihbah.

MATHI 23:12

shepünü aküdah thsüde shuhkihchonü aninibe kambah, tüsho shepünü aküdah thsüde aninibe kamchonü anihbuh shuhkihbah.

LUKNÜ ATHRÜTKHI THIYUSHEAK-ATSÜ HUHTANYU 14:11

Tümütüsho shepü küdah thsüde shuhkihchonü abobe kambah, tüsho shepünü azhihayihchonü ashuhkihbah.”

1 KORINT 5:5

ha mihtsürü Arimri kilim jihang, junangde pang ju athsümünimbah tüsho Atungpuh nimung ching api me khümkhitbah.

1 TESALONIKA 5:2

Tümüde Atungpuh nimung ju azhing ching ahührü khülang nangde arübah de nüsanü mükheahlah.

JAKOB 4:6

Tüshe apinü amüthsüm alü jihchoh; jumonü apinü thachoh, “Thrünpuhnü akükheangrü yanlochoh, tüshe azhihayih kilim amüthsüm jihchoh.”