ISAIA 2:11 - AMÜSÜH HÜM CL Bible (BSI)

¹¹ Mük müzhingrü mihtsürü thokheambah, tüsho kükheangküyangrü aban aninibe kamshihbah; tüsho ju nimung ching Atungpuh lang ashuhkihbah.

ISAIA 2:11 Iomraidhean Croise

2 SAMUEL 22:28

Nünü azhihayih mihtsürü khümkhitchoh, tüshe akükheangrübo thokhipü arü kheak nü mük lah.

MUNGSHIKHÜN 18:27

Tümüde azhihayih mihtsürü nünü bekhitchoh; tüshe mükji müzhingrü nünü thokheamchoh.

MUNGSHIKHÜN 18:28

Tümüde nünü I tsün takkihbah; Atungpuh I Thrünpuhnü I mitingkhi yinshihbah.

MUNGSHIKHÜN 20:8

Arübo khukning tüsho keamdo; tüshe isa asürü tüsho langde zhiplah.

MUNGSHIKHÜN 46:10

Zhikde laang, tüsho I Thrünpuh ah de mükheahang; trükshih bolung I shuhkihbah, alomi ching I shuhkihbah!

MUNGSHIKHÜN 46:11

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 94:2

Asürang, O alomi mahkhapang; kükheangküyangrü thsümüchiang.

MÜCHITMUDU 16:5

Mihbüm aban mulong ching kükheangrü Atungpuh kilim athraneanbe lah; apinü küyimkishe arübo müthsümüchidüa mutsoshih.

MÜCHITMUDU 30:13

Mihtsürü khürü mükjibo khide müzhingde, khenoabahde kheahchoh.

ISAIA 10:12

Küyimki Atungpuhnü Zion Müzüng tüsho Jirusalem kheak arhimo alala banbanü, apinü Asiria kiulongthsüpuh bukakhiukde kükheangkhi dünkheak thsümüchibah.

ISAIA 12:1

Ju nimung nünü athabah: Inü nü ki makshe jihbah, O Atungpuh , tümüde nünü I kheak bukakhiukkhiuk she, nü bukakhiukkhi rholode tso tüsho nünü I mulong shukheam.

ISAIA 12:4

Tüsho nünü ju nimung thabah: Atungpuh kilim makshe jihang. Api mung ching jiang; trükshih bolung api rhimobo mükheahshang; api mung shuhkihdo de zhiyukjang.

ISAIA 13:11

Amütsü-rhimo dünkheak inü alomiküp thsümüchibah, tüsho amülim dünkheak mihbukmuyuk thsümüchibah; inü kükheangküyangrü bukakhiukkhi akheam thsüshihbah, tüsho mihmukhiuh kükheangkhi keamkhishihbah.

ISAIA 14:15

Tüshe nü Ashe-lomi ching, Alokhün ching hande yüzahdo.

ISAIA 2:17

Changdealümrü mihtsürü aninibe kamshihbah, tüsho mihbüm aban kükheangkhi thokheambah; tüsho ju nimung Atungpuh lang ashuhkihbah.

ISAIA 23:9

Wuto Atungpuhnü müretah kükheangküyang alala khenopü tüsho alomi wüntrekhi alala bahyukpü ha lümkhi thsüdo.

ISAIA 24:21

Ju nimung Atungpuhnü yinmi ching aputungrübo tüsho alomi kiulongthsürübo thsümüchibah.

ISAIA 25:9

Ju nimung thabah, Kheangang, ha isa Thrünpuh ah; isa khümkhitshihpü thsüde isanü api aleangkheah. Ha isanü aleangkhi Atungpuh lah; isanü api akhümkhit ching asühanü tüsho asühachihanü.

ISAIA 26:1

Ju nimung ha khün Juda lomi ching thsübah: Isa kiuto amüküp lah; apinü rhü tüsho chipi tsunglochoh.

ISAIA 28:5

Ju nimung Wuto Atungpuh ju müretah kuthran khülang labah, tüsho aningkhi api mihtsürü kilim akheahakham zhingzhing labah;

ISAIA 29:18

Ju nimung nükhünpeangrünü thrütqiu yubo sobah, tüsho azhingdokhi tüsho amiting chingnü müktukrü müknü angübah.

ISAIA 30:18

Jumonü Atungpuhnü nüsa ki müthsümpü aleangchoh; nüsa ki amüthsüm huhpü api asürübah. Tümüde Atungpuh ju thiyuro Thrünpuh; api aleangrü alala müngühmühi.

ISAIA 30:23

Nüsanü alo ching yangkhi müjih thsungkheak apinü tsüng arüshihbah, tüsho alo chingnü akhiukkhi hi lakhitde tüsho muzhomopungde alabah. Ju nimung nü yo shiwühbo yimtsühpung tode alabah;

ISAIA 37:23

Nünü she kheak keangrümünekhea tüsho mükhemürangkhea? She azhihde nü düsheak zhikhea tüsho lülüshishide nü mük züngkihkhea? Amüsüh Israel Thrünpuh azhihde ah!

ISAIA 4:1

Ju nimung ching aliberü thünenü athrürü khülang kheak tholobah athabah, “ Isanü isa nihbe tsühyungbe tsühbah tüsho isa nihbe khimmih phuyubah; zhikdü lang nü mungnü isa jishang; isa achih hande tsojang.”

ISAIA 40:23

Shepünü yakzanshuhrübo akeangkeang kamshihcho, tüsho alomi yakzanshuhrü tümü mülakhi kamshihcho.

ISAIA 52:6

Jumonü I mihtsürünü I mung mükheahbah; jumonü ju nimung ching asukbuh ju I ah de arünü mükheahbah: Kheahang, ha I ah.

JEREMIA 12:9

I yamrüplurüp ju I ki shihtsüh wuhnubonü zündokhi wuhnubo ruk yung de? yüang, mütüm shiwüh alala kitmukhungang; tsühabahshihpü arü bedarang.

JEREMIA 9:24

tüshe arünü I Atungpuh de anikhitkhi tüsho mükheahkhi ching kükheangshang; inü muzhodakde, thiyuro tüsho alomi ching thiyurolungkinü rhimochoh, tümüde hadürü ching inü asühlah, Atungpuhnü thachoh.

EZEKIEL 38:14

Jumonü, mihtsürü tsührü, Gog ki müchitang tüsho thaang: Atungpuh Thrünpuhnü ha thachoh: I mihtsürü Israel khümkhita lakhi nimung, nü asürübah

EZEKIEL 38:19

Tümüde I mükthsükhi ching tüsho I mulong zhipzhipkhi ching inü khipkhitchoh: Ju nimung Israel lomi ching muliuyuk züngkhi ato labah;

EZEKIEL 39:11

Ju nimung Israel ching mibahpung thsüpü Gog kilim dangpung khülang jihbah, keto aniakhiuklim Hantsahrü Jindükhün labah; hanü hantsahrü limro khudobah, tümüde ju ching Gog tüsho api mihbo kiuyuka bahbah; ha Hamon-gog Jindükhün de ajibah.

EZEKIEL 39:22

Ju nimungnü ründe I Atungpuh arü Thrünpuh de Israel yamkhünnü mükheahbah.

DANIEL 4:34

Küyimki ju kim hokhea, I Nebukednezarnü yinmi lim abinkih-a kheah, tüsho I lümlung I kilim alodarü. Inü Khide Achangbuh müngühjih tüsho shijih tüsho lünnü alabuh wüntre jih. Tümüde api yakzan shuhkhi ju akheam müla yakzan shuhkhi lah, tüsho api kiulongthsü ju lün chingnü lün lachoh.

HOSEA 2:16

Atungpuhnü thachoh, ju nimung nünü I ki, “ I niubuh,” de ajibah tüsho I ki kheaküa, “ I yo Baal” de müji.

HOSEA 2:18

Ju nimung nü thsungkheaknü inü mütüm shiwühbo, apung wuhnubo, tüsho alo kheak abüde atsahbe kheak tangzüng khülang thsübah; tüsho inü sanglüh, nukshang, tüsho thirithsü lomi chingnü akheamshihbah; tüsho inü nü mungtsü tüsho atsokhitkhi ching lashihbah.

HOSEA 2:21

Ju nimung inü alobah, Atungpuhnü thachoh, inü thüningbo ki alobah tüsho arünü alo ki alobah;

JOEL 3:18

Ju nimung ching müzüngbonü amühdo yukhu atsamkhibah, awungbo ching niuhke bukbah, tüsho Juda yungzü alala ching ke bukbah; kenü khülang Atungpuh yam chingnü abukkhitbah tüsho Akasia Jindükhün dütsütbah.

AMOS 9:11

Ju nimung David khimyam keama lakhi inü alahmusubah, tüsho azhakkhibo thsülobah, tüsho athsümünimkhibo lahmusubah, tüsho awün nimungbo nangde athsülobah;

OBADIA 1:8

Atungpuhnü thachoh, ju nimung inü Edom ching lümlung larü, tüsho Esau müzüng chingnü anikhitkhi dükheakshihbah.

MIKA 2:3

Jumonü Atungpuhnü ha thachoh: kheakü nüsanü nüsa hungbo manguhkhukpü ha yamkhün azhihde inü amütsü lümkhi asahchoh; tüsho nüsanü korakde mütsah, tümüde ha amütsü kim khülang labah.

MIKA 4:6

Atungpuhnü thachoh, ju nimung ching inü jingkikrü bemukhungbah tüsho yanyuka bahrü tüsho inü thsümüchirü bemukhungbah.

MIKA 5:10

Atungpuhnü thachoh, ju nimung ching inü nüsa khorabo tüsho khora-lolungbebo nüsa bolungnü akheamshihbah;

ZEPHANIA 3:11

Ju nimung nünü I azhihde arhimokhi alala dünkheaknü nü achih müngü; tümüde inü nüsa bolungnü kükheangde asühachihrübo yihkhita bahbah, tüsho nüsanü kheaküa I yo amüsüh müzüng kheak lülüshishi müthsü.

ZEPHANIA 3:16

Ju nimung Jirusalem ki ha thabah: Dütre, O Zion; nü khahbo dükheahkhishih.

ZEKARIA 9:16

Ju nimung Atungpuh arü Thrünpuhnü arü khümkhitbah, tümüde arü ju api mihtsürü namfimihnu boto lah; tümüde kuthran yo mürezhingzhing nangde arünü api lomi kheak yinshihbah.

MALAKI 4:1

Kheahang, tak-phuru takkhi nangde nimung arüchoh, bukakhiukrü tüsho amütsü rhimorü alala hineang nangde alabah; ju nimung arükhinü arü takabahbah, Wuto Atungpuhnü thachoh, junangde arü ying yungsho khah tümü she maning.

LUKNÜ ATHRÜTKHI THIYUSHEAK-ATSÜ HUHTANYU 18:14

Inü nüsa ki thachoh, ha buh mihtsürü ju püpürü kheaknü alimbe thsübah anihbuh yam ching yükido; tümüde shepünü küdah thsüde shuhkihchonü abobe kambah, tüsho shepünü küdah thsüde aninibe kamchonü ashuhkihbah.”

2 KORINT 10:17

“Shepünü kükheangchonü, Atungpuh dünkheak kükheangshang.”

2 KORINT 10:5

Thrünpuh mükheahmudu lim atsangachih tüsho lülüshishi limkhudo aban isanü thsümünimchoh, tüsho lümkhi aban Khrista yu anipü ramde arüchoh.

2 TESALONIKA 1:10

ju api yo amüsührübo kheak api müretahpü nimung api arüchoki tüsho akinrübo alala kheak amüyinsahpü lachoki labah, tümütüsho isanü nüsa ki thiyusheak thakhi kindo.

1 PETER 5:5

Junangde nüsa athunurübonü azorü bukkhüp laang. Nüsa khülangnü khülang miki azhihayihde laang, tümüde “Thrünpuhnü akükheangrü zhipdochoh, tüshe azhihayihrü kilim amüthsüm jihchoh.”