ISAIA 19:4 - AMÜSÜH HÜM CL Bible (BSI)

⁴ inü Ijiprü ju amüküp aputungrü khah ching jihbah; bukmüke kiulongthsürünü arü kurungkheak yakzan shuhbah, Wuto Atungpuhnü thachoh.

ISAIA 19:4 Iomraidhean Croise

MUNGSHIKHÜN 31:8

tüsho I riri khah ching I muyukjih; nünü I jing amülih dangpung ching zojih.

ISAIA 19:2

Inü Ijiprü azhihde Ijiprü thsurangmusubah, tüsho arü khülangnü püpürü azhihde, yamhingrünü yamhingrü azhihde, kiutonü kiuto azhihde, kiulongthsünü kiulongthsü azhihde keochihbah;

ISAIA 20:3

Judüki Atungpuhnü tha, “ I yamlarü Isaianü Ijip tüsho Ethiopia azhihkhi amütsan bünkeang tüsho jing keangkeang kam mahsam tsahkhi nangde,

ISAIA 20:4

Asiria kiulongthsüpuhnü Ijiprü aramrü thsüde tüsho Ethiopiarü ramtsorü thsüde bede atsobah, ane chido athunu tüsho shinbeshinbuh, bünkeang tüsho jing keangkeang, kiung aleangkheaknü, Ijip kheak achih hande arübah.

JEREMIA 46:26

Inü arübo ju arü rhangdung yimrü, Babilon kiulongthsüpuh Nebukednezar tüsho api yo atorübo kilim jihbah. Ju dunglim awün nimungbo ching nangde Ijip ching mihtsürübo labah, Atungpuhnü thachoh.

EZEKIEL 29:19

Jumonü Atungpuh Thrünpuhnü ha thachoh: Inü Ijip lomi ju Babilon kiulongthsüpuh Nebukednezar kilim jihbah; tüsho apinü ju lakhit hana lubah, jangkhia tüsho yankhia lubah; tüsho ju api bonungrü thsungkheak mihkhahmo labah.

EZEKIEL 30:12

Inü ayungbo kungshihbah tüsho lomi ju mihbukmuyuk khah ching yinbah; inü lomi tüsho ju ching lakhi lüpdükhi kheak athsümünim khiungkerübo khah hode handarübah; I Atungpuhnü asukdo.

NAHUM 3:10

Tütüshe anihbe rama lubah ramtso ching yü; anihbe khungarübo she kiudunglimro yean aban ching adütre kamde kingthünak; anihbe mükheahmudurü dünkheaknü azanbo thsü, tüsho anihbe torü alala wuhrünliubo yuk.

1 SAMUEL 23:7

Kheakü David ju Keilah ching arüa lah de Saulnü so. Tüsho Saulnü tha, “ Thrünpuhnü api I khah ching jihdo; tümüde api zangrünü ripit tüsho akhrihbe lakhi kiuto ching azhakbah rihdodo.”