ISAIA 19:3 - AMÜSÜH HÜM CL Bible (BSI)

³ arü bolung Ijiprü me mülade akambah, tüsho inü arü lümkhibo akeangkeang kamshihbah; arünü sangthsübo tüsho ashekhi mebo tüsho mesherü le mebo ki keokhibah;

ISAIA 19:3 Iomraidhean Croise

2 SAMUEL 15:31

Ahithophel she aram-asukachihkhi lung belah de David ki tha. Tüsho Davidnü tha, “O Atungpuh , inü nü ki tamkhüntamnüchoh, Ahithophel athsunganahkhi ju makhashang.”

2 SAMUEL 17:14

Absalom tüsho Israel mihtsürü alalanü tha, “Arkrü Hushainü athsunganahkhi ju Ahithophel athsunganahkhi kheaknü atsübe ah.”

2 SAMUEL 17:23

Küyimki Ahithophelnü athsunganah mürhimokhi anihbuhnü angükhea, apinü nihbuh donki kheak hah mühahbah kiuto ching thüyam lim yüabah. Apinü nihbuh yam akhinashu thsüde zowu, tüsho azangrü sük; api sheabah tüsho abuh mibahpung ching kiuyukabah.

2 KIULONG THSÜRÜ 1:2

Ahazia ju Samaria ching api yam achangbe khiungshak yamkhuh kheaknü ayokhi, tüsho yuria yap; jumonü apinü yunithsürü ki thaa yüshih, “Yüang, I yurikhi chingnü anguba shi yungnü Ekron thrünpuh, Baal-zebub ki keoang.”

1 KIUTHSÜYUKHEAN 10:13

Junangde api thiyuro mülakhi dünkheaknü Saul sheabah; apinü Atungpuh yukhüm mani, ju lang yung, apinü mesherü ki limbeshihpü keokhi,

MUNGSHIKHÜN 107:27

Arünü amüshangrü mihtsürü nangde jing mükhe tüsho yingying tsah; arü yeanzamkhi alala yihnüpü mülakhi lakheah.

MUNGSHIKHÜN 33:10

Atungpuhnü trükshih lümkhi zhomashihchoh; apinü arü lümkhi thsükhibo rhimopü zhipdochoh.

MUNGSHIKHÜN 76:12

Apinü yakzanshuhrübo me thsümünimchoh; alomi kiulongthsürübonü api trechoh.

MÜCHITMUDU 21:30

Atungpuh azhihde lümlung yungsho anikhitkhi yungsho lümthiyan tümü müla.

ISAIA 14:27

Tümüde Wuto Atungpuhnü lümkhi thsüdo, tüsho shenü ju zhipdokhukpü? Api khah chungkih-a lah, tüsho shenü ju tukloshihba?

ISAIA 15:2

Dibon mihtsürübo arüngyam lim, achang dangpungbo ching atrippü wutudo; Nebo tüsho Medeba kurungkheak Moabnü tüzhochoh. Mihbüm aban ku hütdo, mükhühnam nipdo;

ISAIA 19:1

Ijip dünkheak müchityu. Kheahang, Atungpuh ju ashankhi amo kheak binlah tüsho Ijip lim arüchoh; Ijip sangthsübo api miki ajanbah, tüsho arü bolung Ijiprü mulong niuthünakbah.

ISAIA 44:25

Shepünü akeangyu dünjipü müchitkhi yandoabahcho, tüsho kuhi-kheahrü makharü kamshihcho; shepünü lümlung larü rholoshihcho, tüsho arü mükheahmudu abünrü kamshih;

ISAIA 47:12

Nü athunuchokinü rhimode arükhi nü müchit-rükbo tüsho nü wurükbo ahihdo ching düküngde zhipang; khükia nünü akukpü labah, khükia nünü amüzünkhukpü labah.

ISAIA 57:16

Tümüde inü mutukzhakde mümüdam, yungsho kamruhroro bukmakhiuk; junangde inü athrünkhi mebo I miki lungbah.

ISAIA 8:19

Küyimki mihtsürübonü dapdaprururü mesherü tüsho me-larü ki keoang de nü ki thabanü, mihtsürübonü arü Thrünpuh ki mükeobea de? Tümüde arhang larü thsung thsüde asherü ki keokhicho?

JEREMIA 46:15

Tümüde nüsa thrünpuh Apis tsokhea? Atungpuhnü api nima lungshih.

EZEKIEL 21:7

Tüsho küyimki arünü nü ki, “Tümüde nü ashecho le?” de keokhisho, nünü athabah, “Thiyusheak arükhi dünkheak. Mihbüm aban mulong niuthünakbah tüsho khah kikbah; me keahkhibah tüsho mukhuk niukbah. Ha arüchoh! Ha tsükjide adünjibah,” Wuto Atungpuhnü thachoh.

EZEKIEL 22:14

Inü nü keo nimung nü mulong tokhi laba de, yungsho nü khahbo sühmüh zahde alaba de? I Atungpuhnü asukdo, tüsho inü ju rhimobah.

DANIEL 1:20

Lümlungbo tüsho anikhitkhi ching kiulongthsüpuhnü arü ki keokhikhi lüpdükhi ching apinü arübo api kiulongthsü athrünkhi ching kuhikheahrü tüsho wurük-huhrü alala kheaknü thürü kinü atsübe kheahkhit.

DANIEL 2:2

Jumonü apinü anihbuh ki amilim thanakshihpü kuhikheahrü, wurük-huhrü tüsho Kaldearü, thümürübo jide arüpü yüshih. Küyimki arü arükhea tüsho kiulongthsüpuh miki zhipkhea,

DANIEL 5:7

Kiulongthsüpuhnü wurük-huhrü, thümürü tüsho Kaldearü bede azahpü zhi; tüsho kiulongthsüpuhnü Babilon lümlung larü mihtsürübo ki tha, “Shepünü ha thrütkhi khekhukba tüsho athanakkhi I ki thabanü mürümmüri khim phuyujihbah, suna wuhrünlak ahung ching lakshihbah, tüsho kiulongthsü-binkiu asampü ching labah.”

1 SAMUEL 25:37

Yapsu, küyimki Nabal müsükhea, aniubenü harübo api ki tha, tüsho api mulong sheabah; api lung khülang nangde kam.