ISAIA 19:23 - AMÜSÜH HÜM CL Bible (BSI)

²³ Ju nimung Ijip chingnü Asiria khiungde limto khülang labah, tüsho Asiriarünü Ijip ching arübah, tüsho Ijiprünü Asiria ching yübah, tüsho Ijiprünü Asiriarü lungnü kingaünbah.

ISAIA 19:23 Iomraidhean Croise

MUNGSHIKHÜN 87:4

“Inü I mükheahrü ki Rahab tüsho Babilon dünkheak thabah; kheahang, O Filistia tüsho Tair, Ethiopia bede: ‘ Ha ju ching zübekheah.’ ”

ISAIA 11:11

Ju nimung Asiria, Ijip, Pathros, Ethiopia, Elam, Shinar, Hamath, tüsho keto kekunglo chingnü aninga larü khümkhitpü mahne kipü Atungpuhnü akhah chungbah.

ISAIA 11:16

junangde Asiria chingnü limto khülang api mihtsürü aningkhi thsungkheak, Israelrü Ijip lomi chingnü atuchoki lakhi nangde alabah.

ISAIA 19:24

Ju nimung Israel ju Ijip tüsho Asiria lung asampü labah, alomi bolung müngühmühi khülang,

ISAIA 2:3

mihtsürü ahihdo arübah tüsho athabah. “Arang, isanü Atungpuh wung lim, Jakob Thrünpuh yam ching wutuanü; junangde apinü api limrobo isa ki thsangyubah tüsho isanü api jingshubo ching tsahbah.” Tümüde Zion chingnü yakzan, tüsho Jirusalem chingnü Atungpuh yu wukhiukbah.

ISAIA 27:13

Tüsho ju nimung Asiria tüsho Ijip ching larü Israelrü ramtsorü alala jilopü hulipungpung mütbah. Arünü arübah tüsho Jirusalem ching amüsüh wung kheak Atungpuh kingaünbah.

ISAIA 49:11

Tüsho inü I wung alala limro kamshihbah tüsho I limtobo shuhkihbah.

ISAIA 49:7

Atungpuhnü ha thachoh, Israel Rhokhitrü tüsho api Amüsüh Khülang, sükde jingmükhea lakhi kilim trükshihbonü athraneankhi, yakzanshuhrü yo azhorü, “ Kiulongthsürübonü angübah tüsho wusurübah, yakzanshuhrübonü angübah tüsho arünü amükhümbah, tümütüsho Atungpuh hode shepü athülün la, Israel Amüsüh Thrünpuh shepünü nü mokhitkhea.”

ISAIA 62:10

Hode yüang, chipiripitbo hode yüang, mihtsürübo thsungkheak limro thsakhamang; zünang, limtobo zünang, lungbo moa bahang, mihtsürübo kurungkheak amütsan shuhkihang.

ISAIA 66:23

Khinu aso tüsho amunimung aban, mihtsürü alalanü I miki kingaünpü arübah, Atungpuhnü thachoh.

MIKA 7:12

Ju nimung arünü Asiria chingnü Ijip, tüsho Ijip chingnü Ayung, keto chingnü keto tüsho müzüng chingnü müzüng nü kilim arübah.