ISAIA 19:21 - AMÜSÜH HÜM CL Bible (BSI)

²¹ Atungpuhnü anihbuh Ijiprü ki mükheahshihbah; tüsho ju nimung Ijiprünü Atungpuh mükheahbah, tüsho shuhmülanga jihde taka kingaünbah, tüsho arünü Atungpuh ki thiyuchihchimbah tüsho jurü rhimobah.

ISAIA 19:21 Iomraidhean Croise

1 KIULONG THSÜRÜ 8:43

judüki nü lapung yinmi chingnü sojang, tüsho khiungkerünü nü ki jikhi yande alala rhimoang, junangde nü mihtsürü Israelnü arhimokhi ruk, lomi mihtsürü alalanü nü mung mükheahbah tüsho nü trebah, tüsho junangde inü athsükhi ha yam ching nü mung jia lah de arünü amükheahbah.

MUNGSHIKHÜN 61:8

Jumonü inü lünnü nü mungshikhünbo thsübah, junangde inü nimung aban I yuchihchimkhi rhimobah.

MUNGSHIKHÜN 67:2

Junangde alomiküp lüpdükhinü nü lümkhi mükheahbah; trükshih alalanü nü akhümkhit mükheahbah.

MUNGSHIKHÜN 68:31

Limberübo Ijip chingnü akhiukbah; Ethiopianü nahde anihbe khahbo Thrünpuh kilim chungkihbah.

MUNGSHIKHÜN 68:32

Nüsa alomi kiulongthsübo, Thrünpuh ki khün thsang; O, Atungpuh ki mungshikhünbo thsang,

T H S AN GYU T H S AN GR ARÜ 5:4

Küyimki nünü Thrünpuh ki thiyuchihchim khülang thsübanü, ju akuk ngüde arhimopü dashu; tümüde makhakhibo ching api asühpü müla. Nünü tümü thiyuchihchima lanü rhimoang.

ISAIA 11:11

Ju nimung Asiria, Ijip, Pathros, Ethiopia, Elam, Shinar, Hamath, tüsho keto kekunglo chingnü aninga larü khümkhitpü mahne kipü Atungpuhnü akhah chungbah.

ISAIA 11:9

Arü I yo amüsüh wung alala kheak müyuri yungsho müthsümünim; tümüde kenü keto zündokhi nangde Atungpuh mükheahkhinü alomi mide akambah.

ISAIA 27:13

Tüsho ju nimung Asiria tüsho Ijip ching larü Israelrü ramtsorü alala jilopü hulipungpung mütbah. Arünü arübah tüsho Jirusalem ching amüsüh wung kheak Atungpuh kingaünbah.

ISAIA 37:20

Jumonü kheakü, O Atungpuh isa Thrünpuh, api khah chingnü isa khümkhitang, junangde alomi kiulongthsübo alalanü nü lang Thrünpuh ah de amükheahbah.”

ISAIA 44:5

Khülangnü athabah, “ I Atungpuh yo,” püpü ju Jakob mungnü ajibah, kheaküshe püpü ju khah kheak thrütbah, “Atungpuh yo,” tüsho Israel mung jimulobah.

ISAIA 45:14

Atungpuhnü ha thachoh: Ijip lakhit tüsho Ethiopia yinzüyindo, Seba atoashangbonü nü kilim arübah tüsho nü yo thsübah, arünü nü yanbah; arübo wuhrünliu yukbah arübah tüsho nü ki khukningbah. Arünü nü ki mushude athabah, “Thrünpuh nü lung lang lah, tüsho püpü müla; api hobah püpü thrünpuh müla.”

ISAIA 49:7

Atungpuhnü ha thachoh, Israel Rhokhitrü tüsho api Amüsüh Khülang, sükde jingmükhea lakhi kilim trükshihbonü athraneankhi, yakzanshuhrü yo azhorü, “ Kiulongthsürübonü angübah tüsho wusurübah, yakzanshuhrübonü angübah tüsho arünü amükhümbah, tümütüsho Atungpuh hode shepü athülün la, Israel Amüsüh Thrünpuh shepünü nü mokhitkhea.”

ISAIA 55:5

Kheahang, nünü mümükheahkhi trükshihbo nünü ajibah, tüsho nü mümükheahkhi trükshihbonü, Atungpuh , nü Thrünpuh, Israel Amüsüh Thrünpuh dünkheaknü nü kilim arübah; tümüde apinü nü müretahshih.

ISAIA 56:7

harü inü I yo amüsüh wung ching bedarübah, tüsho I tamkhüntamnü yam ching arü asühde kamshihbah; arünü taka kingaünkhi tüsho arünü shuhmülanga jihkhibo I kingaün sadam kheak leangkhibah; tümüde I yam ju trükshih mihtsürü alala thsungkheak tamkhüntamnü yam de ajibah.

ISAIA 60:7

Kedar mihnu boto alala nü ki mukhungbah, Nebaioth namfimihnupungbonü nü tankihbah; arübo I kingaün sadam kheak aleangkhikhukbe labah. Tüsho inü I müretahkhi yam müretahshihbah.

ISAIA 66:23

Khinu aso tüsho amunimung aban, mihtsürü alalanü I miki kingaünpü arübah, Atungpuhnü thachoh.

JONA 1:16

Judüki mihtsürübonü alü Atungpuh trede kam, tüsho arünü Atungpuh kilim laksah-a kingaünkhi jih tüsho thiyuchihchimbo thsü.

HABAKKUK 2:14

Tüshe kebonü keto zhidokhi nangde, Atungpuh müretahkhi mükheahmudunü alomi mibah.

ZEPHANIA 3:10

Ethiopia ayungbo hode alakhi chingnü, I kingaünrübo inü hiumüzütshihrünü I kilim kingaün hande arübah.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

JOHAN 17:3

Tüsho ha lün rhangdung ah, junangde arünü nü ju lang thiyuro, Thrünpuh, tüsho nünü athiyikhi Jisu Khrista mükheahbah.

1 PETER 2:5

tüsho amüsüh amükeamrü thsüpü Jisu Khrista hode Thrünpuh kilim aleangkhikhukbe me shuhmülanga kingaünkhi jihpü nüsabo arhang lungbo nangde me yam ching thüyam thsang.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

1 SAMUEL 17:46

Khihni ha nimung ching Atungpuhnü nü I khah ching yukjihbah, tüsho inü nü kinga yapshihbah tüsho nü ku lipshakbah; tüsho inü Filistia bonungrü ashemibo ha nimung ching thüning ching lakhi wuhnubo tüsho alo kheak lakhi mütüm shiwühbo kilim jihbah, junangde Israel ching Thrünpuh khülang lah de alomi alalanü amükheahbah,