ISAIA 19:2 - AMÜSÜH HÜM CL Bible (BSI)

² Inü Ijiprü azhihde Ijiprü thsurangmusubah, tüsho arü khülangnü püpürü azhihde, yamhingrünü yamhingrü azhihde, kiutonü kiuto azhihde, kiulongthsünü kiulongthsü azhihde keochihbah;

ISAIA 19:2 Iomraidhean Croise

1 KIULONG THSÜRÜ 16:21

Judüki Israel mihtsürü shihcham mahne thsüde chamnak; mihtsürü chamkhühnü Ginath tsührü Tibni, kiulongthsürü kamshihpü api yan, tüsho chamkhühnü Omri yan.

2 KIUTHSÜYUKHEAN 15:6

Arübo adütre kamde yihthünak, trükshihnü trükshih azhih tüsho kiutonü kiuto azhih, tümüde Thrünpuhnü arü lümthsünü aphuaphunü küpkhuk jih.

ISAIA 3:5

Mihtsürübo mihbüm abande püpürünü tüsho mihbüm abande yamhingrünü junobah; athunurünü azothsürü ki, tüsho akheamkhirünü wüntre larü ki mükhemükimbah.

ISAIA 9:21

Manasenü Ephraim tsüh, Ephraimnü Manase tsüh, tüsho rukhühnü arünü Juda azhih. Tümüde ha alala thsungkheaknü api bukakhiukkhi rholode mutso; api khah kheakü khiungde chungkih-a lah.

JEREMIA 46:12

Trükshihbonü nü achihkhi sodo tüsho nünü azhikhinü alomi milah; tümüde thirithsürünü thirithsürü kheak jing mükhedo; ane chido rüpde lungdo.

JEREMIA 51:46

Lomi ching arhunganimkhi sobah mulong dünini yungsho trede düla–kam khülang ching arhunganim khülang arüchoh, ashikampü püpü arüchoh, lomi ching athsümünim düsheak tüsho yakzanshuhrünü yakzanshuhrü azhihkhi lah.

EZEKIEL 38:21

Inü I wungbo alala kheak Gog azhihde nukshang jihbah, Atungpuh Thrünpuhnü thachoh; mihbüm aban thsühnuknü khülangnü khülang azhihbah.

ZEKARIA 8:10

Tümüde akhuhlim a mihtsürü yungsho shiwüh mihkhah tümü mülakheah, tüsho sheshe nihbuh riri chingnü khümkhita mülakheah. Inü mihtsürübo khülangnü khülang azhihde lashih.

MATHI 10:21

Kheakü keoniorünü keoniorü tüsho buhrünü tsührü ashepü ching jihbah; tsührübonü berübuhrü azhihde wusubah tüsho arü asheshihbah.

MATHI 10:36

Tüsho mihtsürü riribo ju nihbuh betsührü thsübah.

MATHI 12:25

Jisunü arü lümkhi mükheah tüsho arü ki tha, “Nihbuh azhihde achamnakkhi kiulongthsü aban thsümünimbah, tüsho nihbuh azhihde achamnakkhi kiuto yungsho yamkhün aban müzhipkhuk.

MATHI 24:7

Tümütüsho trükshihnü trükshih, tüsho kiulongthsünü kiulongthsü azhihde wusubah. Tüsho dangpung aban ching khümzung, arüm, tüsho muliuyuk labah.

MARK 3:24

Kiulongthsü khülangnü ju azhihde chamnaksho, ju kiulongthsü müzhipkhuk.

MAHKHAPRÜ 7:22

Küyimki 300nü hulipungpung mütkhea, Atungpuhnü mihtsürübo nukshang ju nihbuh müyamrü kheak dünkihachihshih. Arünü Tabbath phüni Abel kiuto Mehola khiungde, Beth-shitta khiungde Zarethan lim alihde tso.

MAHKHAPRÜ 9:23

Tüsho Thrünpuhnü Abimelek le Shekem mihtsürübo dükeak amütsü me khülang yüshih; tüsho Shekem mihtsürübonü Abimelek kheak mülapyukde rhimo;

1 SAMUEL 14:16

Benjamin lomi ching lakhi Gibea chingnü Saul mihtsürübonü Filistiarübo nanachihde atsokhi ngü.

1 SAMUEL 14:20

Judüki Saul tüsho api lung lakhi mihtsürü alala shomukhung tüsho keochih ching yü; tüsho nukshangbo ju khülangnü khülang kheak dünkihbah alakheah, junangde khide tode ayingyingkhi lakheah.