ISAIA 19:19 - AMÜSÜH HÜM CL Bible (BSI)

¹⁹ Ju nimung Ijip lomi phulung ching Atungpuh kingaün sadam khülang labah, tüsho aredung kheak Atungpuh lung-dungjing khülang labah.

ISAIA 19:19 Iomraidhean Croise

THRÜNTAN 12:7

Judüki Atungpuhnü Abram ki akhiuk tüsho tha, “Nü tsühsoniusobo ki inü ha lo jihbah.” Tüsho apinü ju ching api ki akhiukbuh Atungpuh kilim kingaün sadam khülang thsü.

THRÜNTAN 28:18

Judüki Jakobnü yapsu mükikde asürü, tüsho api ku mükhamkhi lung ju lubah mümih-lung thsüde khima zo, tüsho ju ku kheak müdangke bukkih.

MUNGSHIKHÜN 68:31

Limberübo Ijip chingnü akhiukbah; Ethiopianü nahde anihbe khahbo Thrünpuh kilim chungkihbah.

ABEKHIT 24:4

Mosanü ATUNGPUH yu alala thrüt. Tüsho apinü yapsu mükikde asürübah müzüng jing kheak kingaün sadam khülang thsü, tüsho Israel trük thürükheak mahne ayannü dungjing thürükheak mahne khim.

ISAIA 56:7

harü inü I yo amüsüh wung ching bedarübah, tüsho I tamkhüntamnü yam ching arü asühde kamshihbah; arünü taka kingaünkhi tüsho arünü shuhmülanga jihkhibo I kingaün sadam kheak leangkhibah; tümüde I yam ju trükshih mihtsürü alala thsungkheak tamkhüntamnü yam de ajibah.

ISAIA 60:7

Kedar mihnu boto alala nü ki mukhungbah, Nebaioth namfimihnupungbonü nü tankihbah; arübo I kingaün sadam kheak aleangkhikhukbe labah. Tüsho inü I müretahkhi yam müretahshihbah.

ISAIA 66:23

Khinu aso tüsho amunimung aban, mihtsürü alalanü I miki kingaünpü arübah, Atungpuhnü thachoh.

JEREMIA 46:2

Ijip kiulongthsüpuh Pharao Neko bonungrü azhihde, Ijip dünkheak, küpü Euphra ayung ki Karkemish ching lakhea tüsho küpü Josia tsührü Juda kiulongthsüpuh Jehoiakim kam phüyipü ching Babilon kiulongthsüpuh Nebukednezarnü akukkhea:

EZEKIEL 29:1

Kam thürü, khinu thürü, nimung thürükheak mahne nipü, Atungpuh yu I ki arü:

EZEKIEL 30:1

Atungpuh yu I ki arü:

EZEKIEL 31:1

Kam thürükheak khülang ching, khinu asampü, akhuhbe nimung, Atungpuh yu I ki arü:

EZEKIEL 32:1

Kam thürükheak mahne, khinu thürükheak mahne ching, akhuhbe nimung, Atungpuh yu I ki arü:

ZEKARIA 6:15

Sherübo limshude lanü arübah tüsho Atungpuh yam thsüpü rungbah; tüsho Wuto Atungpuhnü I ju nü kilim thiyikheah de nünü amükheahbah. Nünü düshihde Atungpuh nü Thrünpuh yu anisho ha adünjibah.

IBRI 13:10

Arüngkhimyam ching tankihrünü ju kheaknü atsühpü alim mülakhi isa kingaün sadam khülang lah.

JIHUSUA 22:10

Küyimki Reuben, Gad tüsho Manase trük chamkhüh Kanan mükeak ching lakhi Jordan ke yean arükheanü arünü sadam ato khülang thsü.

JIHUSUA 22:26

Jumonü isanü kingaünpü yungsho laksah-a kingaünpü thsungkheak thsükhi yung,

JIHUSUA 22:27

tüshe ha isanü she Atungpuh amüsüh kingaünpung ki taka kingaünde, laksah-a kingaünde tüsho mungtsü kingaünde laa lah de isa le nüsa tüsho dunglim tsührübo dükeak thiyumütsan lang ah. Junangde nüsa tsührübonü isa tsührübo ki, nüsa Atungpuh miki tümü shihcham müla de arübe kim ching müthashihpü thsungkheak ah.

JIHUSUA 22:28

Isa lümkhi ju dünjisho arübe ching tsühsoniusonü athabah, ‘ Kheahang! Atungpuh kingaün sadam kiphahde isa jipürünü she thsüa lah. Ha taka kingaünpü yungsho laksah-a kingaünpü thsungkheak yung, tüshe nüsa tüsho isa mihtsürü dükeak thiyumütsan khülang ah.’

JIHUSUA 22:34

Tüsho Reuben le Gadrünü kingaün sadam mung ha ji: Atungpuh ju Thrünpuh de isa dükeak thiyumütsan khülang ah.