ISAIA 19:14 - AMÜSÜH HÜM CL Bible (BSI)

¹⁴ Atungpuhnü arü kheak ayingying me dungyukjihdo; tüsho amüshangrünü mülümde ayingyingkhi ruk arünü Ijip rhimo alala ching yingyingshihdo.

ISAIA 19:14 Iomraidhean Croise

2 KIUTHSÜYUKHEAN 18:22

Jumonü nünü kheahang, Atungpuhnü akeangyu me harü nü yo wukihrübo mün ching yukjihdo; Atungpuhnü nü thsungkheak thsümütsü thiyukhüm jihdo.”

JOB HU H T ANYU 12:16

Api kheak sühmüh tüsho lümlung lah; mülapyuka larü tüsho mülapyukjihrü chido api yo ah.

JOB HU H T ANYU 12:25

Arübo ayin mülade amiting ching ajamchoh; apinü arübo amüshangrü nangde yingying lungde tsahshihchoh.

MÜCHITMUDU 12:8

Mihtsürü ju api lümlung ayannü shijihchoh, tüshe lüm amütsü mihtsürü a khenoabahchoh.

ISAIA 19:2

Inü Ijiprü azhihde Ijiprü thsurangmusubah, tüsho arü khülangnü püpürü azhihde, yamhingrünü yamhingrü azhihde, kiutonü kiuto azhihde, kiulongthsünü kiulongthsü azhihde keochihbah;

ISAIA 24:20

Alomi ju amüshangrü nangde yingyinglah, yünshim nangde laplapchoh; amülim-rhimokhi ju kheak mülangde ajaplah, tüsho lungchoh tüsho alode masürü.

ISAIA 29:14

jumonü ha mihtsürü kheak niuknimde amüyinsahbe rhimobah. Arü lümlung larü lümkhi dükheakbah, tüsho lümlung anikhitpü lakhi ramabahbah.

ISAIA 3:12

I mihtsürübo–azürübo arü junorü ah, tüsho azoberünü arü kurungkheak yakzan shuhchoh. O I mihtsürübo, nüsa limberübonü nüsa bemüchihchoh, tüsho nüsa limro yingyingshihchoh.

ISAIA 9:16

tümüde sherünü ha mihtsürübo bekheanü arübo bephülapdo, tüsho sherübo arünü abekheanü yingyingde zojih.

JEREMIA 25:27

Judüki nünü arü ki thabah, Wuto Atungpuh , Israel Thrünpuhnü ha thachoh: Inü nüsa bolung nukshang arüshihkhi hode yungang, müshangang tüsho mülümang, lungang tüsho dasürülo.

JEREMIA 48:26

Moab müshangshang, tümütüsho apinü Atungpuh azhihde müretahdo; anihbuhnü mülümkhi ching Moab awuhshang; api she münedung kambah.

MATHI 17:17

Jisunü alo, “O akin mülakhi tüsho lakshi lün, külokhüh I nüsa lung laba? Tüsho inü nüsa lung külokhüh arümkheamba? Api I kilim ha ching bede arang.”

2 TESALONIKA 2:11

Jumonü tümü arükchih lanü arünü akinshihpü Thrünpuhnü arü kheak amülim wu yüshih,

MAHKHAPRÜ 9:23

Tüsho Thrünpuhnü Abimelek le Shekem mihtsürübo dükeak amütsü me khülang yüshih; tüsho Shekem mihtsürübonü Abimelek kheak mülapyukde rhimo;