ISAIA 19:13 - AMÜSÜH HÜM CL Bible (BSI)

¹³ Zoan yakzanshuhrübo makharü kamdo, tüsho Memphis yakzanshuhrübo mülapyuka lah; sherübo trükshih yo amühit lungbo lakheanü arünü Ijip bephülapdo.

ISAIA 19:13 Iomraidhean Croise

ISAIA 19:11

Zoan limberübo shahde makhalah; lümlung larü Pharao lümthiyan-jihrünü azhazha lümkhi jihchoh. Küde thsah nünü Pharao ki thakhukpü, “ I lümlung larü khülang, adüso kiulongthsürü tsühsoniuso ah”?

JEREMIA 2:16

Ju lang yung, Memphis tüsho Tapanhes mihtsürübonü nü kuro yihrüpdo.

JEREMIA 44:1

Jihudarü Ijip lomi ching larü, Migdol ching, Tapanhes ching, Memphis tüsho Pathros ching larü alala thsungkheak Jeremia kilim thiyu arü,

JEREMIA 46:14

Ijip ching thaang, tüsho Migdol ching zhiyukjang; Memphis tüsho Tapanhes ching zhiyukjang; Thaang, “ Nüsa zhippung mükühang tüsho thsakhamang, tümüde nüsa mükamde nukshangnü amuyubah.”

JEREMIA 46:19

Ramtso thsungkheaknü hah thsang, nüsa Ijip ching larübo! Tümüde Memphis ju abahkhi, athsümünim, mihtsürü mülade akambah.

EZEKIEL 30:13

Atungpuh Thrünpuhnü ha thachoh: Inü sangthsübo thsümünimbah tüsho Memphis ching mejakbo kheamshihbah; Ijip lomi ching yakzanshuhrü mülalo; junangde inü Ijip lomi ching atrepü yukjihbah.

EZEKIEL 30:14

Inü Pathros azhik khülang kamshihbah, tüsho Zoan kheak mo takkihbah, tüsho Thebes kheak mahkhapbah.

EZEKIEL 30:16

Inü Ijip kheak mo takkihbah; Pelusium ju thsünü ato ching labah; Thebes lakashungbah tüsho animung Memphisnü azhih-rithsü shorubah.

HOSEA 9:6

Arünü athsümünim chingnü tsokhikhi she, Ijipnü arü bemukhungbah; Memphisnü arü kiuyuka bahbah. Khingphunü arü shotoyinchi kukrukbo mükühbah; ayangbo arü khimyambo ching labah.

ZEKARIA 10:4

Arü bolung chingnü amühit-lung arübah, arü bolungnü khimyam ashungdung labah, arü bolungnü keochih sanglüh labah, arü bolungnü limthorü labah.

WÜHKHE 24:17

Inü api ngüchoh, tüshe kheakü yung; inü api kheahchoh, tüshe müphüni– Jakob kheaknü chining khülang akhiukbah; shoto tso khülang Israel bolungnü asürübah; apinü Moab aredungbo zünakbah tüsho Seth tsührübo alala keamshihbah.

ROMRÜ KILIM PAULNÜ ATHRÜTKHI KIHÜM HUHTANYU 1:22

Lümlung lah de athakhinü, arü makharü kam,

1 PETER 2:7

Jumonü nüsa akinrübo ki api ju shoto ah, tüshe amükinrü thsungkheak, “Thüyam-thsürünü abahyukkhi lung thsü amühit-lung adungtobe kamdo,”

1 SAMUEL 14:38

Saulnü tha, “Nüsa mihtsürü limberübo, ha kheak arang; tüsho ha neak küde thsah khihni akhiukchonü isanü yimkhitanü.