ISAIA 19:1 - AMÜSÜH HÜM CL Bible (BSI)

¹ Ijip dünkheak müchityu. Kheahang, Atungpuh ju ashankhi amo kheak binlah tüsho Ijip lim arüchoh; Ijip sangthsübo api miki ajanbah, tüsho arü bolung Ijiprü mulong niuthünakbah.

ISAIA 19:1 Iomraidhean Croise

MUNGSHIKHÜN 104:3

tüsho kebo kumung nü yam thsü. Nünü amobo nü khora-lolungbe thsü, tüsho apung ghidükeangbo kheak bin.

MUNGSHIKHÜN 104:34

I tamkhüntamnü-lüm api ki niungde kamshang; inü Atungpuh lung asühbah.

MUNGSHIKHÜN 18:9

Apinü thüning yakrüpbah aki; amo amitingbo ajing khüp lakheah.

MUNGSHIKHÜN 68:4

Thrünpuh ki api mung müshikhi khün thsang; shepü amobo kumung tsahchonü api ki achangnü khün thsang; api mung ju Atungpuh , tüsho api miki asühachihang.

ABEKHIT 12:12

Tümütüsho ju tsüngre I Ijip lomi hode ayübah tüsho Ijip lomi ching adüjirü, mihtsürü tüsho shiwüh chido laksahbah; tüsho Ijip thrünpuhbo alala azhihde inü mahkhapbah: I Atungpuh ah.

ISAIA 13:1

Amoz tsührü Isaianü Babilon dünkheak ngükhi müchityu.

ISAIA 13:7

Jumonü khah alala keahkhibah tüsho mihtsürü aban mulong niubah,

ISAIA 19:16

Ju nimung Ijiprü ju azoberü nangde alabah, tüsho Wuto A TU N GPU H khah arü azhihde ashuhkihkhi müngüh ajande atripbah.

ISAIA 21:9

Kheahang, ju ching arü arüchoh, khoraberübo, khoraberü mahnene!” Tüsho apinü thalo, “Babilon lungdo, lungdo; tüsho anihbe sangthsü thrünpuhbo alala alo kheak keamthünaka yaplah.”

JEREMIA 25:19

Ijip kiulongthsüpuh Pharao, api yamlarübo, atorübo, tüsho api mihtsürü alala;

JEREMIA 4:13

Kheahang! Api amobo nangde akihchoh, api khora-lolungbe chitmühean nangde; api khorabo müleang kheaknü athribe–isa are, tümüde isa thsümünima lah!

JEREMIA 44:8

Tümüde nüsa lapü arükhi Ijip ching nüsa khahnü arhimokhi püpürü thrünpuhbo ki kingaünkhinü I bukakhiukshihcho? Nüsa thsümünimba de tüsho lomi trükshih alala bolung muthrumünean tüsho münedung kamba de?

JEREMIA 50:2

Trükshih bolung thaang tüsho zhiyukang, riphin khimang tüsho zhiyukang, ha düram, thaang: Babilon dümdo, Bel achih ngüdo, Merodak mulong ninido. Anihbe mejak achih ngüdo, anihbe sangthsü mulong ninido.

JEREMIA 51:44

Inü Babilon thrünpuh Bel thsümüchibah, tüsho apinü amuyukhi mülümkhitshihbah. Trükshihbonü kheaküa api ki shode müyü; Babilon chipi keamdo.

EZEKIEL 30:13

Atungpuh Thrünpuhnü ha thachoh: Inü sangthsübo thsümünimbah tüsho Memphis ching mejakbo kheamshihbah; Ijip lomi ching yakzanshuhrü mülalo; junangde inü Ijip lomi ching atrepü yukjihbah.

JOEL 3:19

Juda mihtsürü ki arü lomi ching arünü amülim-mülarü thiyih bukde amütsü rhimokhi hode Ijip ju azhikkhi kambah tüsho Edom a abahkhi sunglo kambah.

NAHUM 1:1

Nineve dünkheak müchityu. Elkoshrü Nahum michih hüm.

NAHUM 1:3

Atungpuhnü arünnü bukakhiukchoh tüshe wu ching ato, tüsho Atungpuhnü küdüdüshe amülimrü müthsümüchidüa mülachoh. Api limro ju chinthrüm tüsho tsüngpungtsüngpung ching lah, tüsho amobo ju api jing yo asungthulung ah.

ZEKARIA 10:11

Arünü lümthsünü keto tsahhobah, tüsho keto abükkhibo kingkheambah tüsho Nile asükbo alala ngahbah. Asiria kükheangkhi abobe kambah tüsho Ijip tso chamde atsobah.

ZEKARIA 14:18

Tüsho Ijiprünü wutubah shihcham mulusho arü kilim tsüng marüshih; arüngkhimyam thünio mungpü muwutukhi trükshihbo kheak Atungpuhnü thsümüchikhi arüm-tukthsü arü kheak labah.

WÜHKHE 33:4

Judüki Ijiprübo arü tsührü adüjirü Atungpuhnü alaksahkhi kiuyuka bahde alakheah; kheaküshe arü thrünpuhbo kheak Atungpuhnü mahkhapkhi rhimo handarü.

YUZÜNGTHALO 33:26

“O Jeshurun, Thrünpuh nangde sheshe müla, shepünü nüsa rungpü achang yinmi hode, tüsho api kiulongthsü thüning hode arücho.

JIHUSUA 2:11

Ju soakede isa khide tre, nüsa dünkheaknü isa mulong tokhi alala dükheakabahdo. Atungpuh nüsa Thrünpuh ju akube yinmi ching tüsho ha lomi kheak Thrünpuh ah.

JIHUSUA 2:24

Anenü tha, “Atungpuhnü lomi athrünkhi isa jihdo de tsükjide thakhuklah, tümüde ju lomi ching larübo alalanü isa khide trechoh.”

JIHUSUA 2:9

tüsho ane ki tha, “Atungpuhnü ha lo nüsa kilim jihdo de inü mükheahlah tüsho nüsa trekhi isa kheak akihdo, tüsho lomi athrünkhi chingnü nüsa trechoh.

AMIKHEAKAKHIUKKHI 1:7

Kheahang, api amobo chingnü arüchoh, tüsho mihbüm aban, api chinkhitshihkhi müknü api ngübah; tüsho alomi trükbo alalanü api dünkheak tüzhobah. Junangde alabah. Amen.