ISAIA 18:4 - AMÜSÜH HÜM CL Bible (BSI)

⁴ Tümüde Atungpuhnü I ki ha thado: Inü I lapung chingnü, ani thsükhi ching müsürido atakkhi nangde, yimlu kim atak ching ayinke-amo nangde malande akheahbah.

ISAIA 18:4 Iomraidhean Croise

2 SAMUEL 23:4

ju yapsu ayin nangde, amo mülakhi yapsu ani akhiukkhi tsüng arü dunglim alo ching lakhi rimkiu kheak ayin tahkihkhi nangde lah.

2 KIUTHSÜYUKHEAN 6:21

Tüsho nü yamlarü le nü mihtsürü Israelnü ha dangpung lim tamkhüntamnüchoki arünü mushukhi nü lapung yinmi chingnü sojang; sojang tüsho neak bahjang.

MUNGSHIKHÜN 72:6

api ju arhipkhi rimkiu kheak akikhi tsüng, alo pangkhi tsüngshimshim nangde alabah.

MÜCHITMUDU 19:12

Kiulongthsüpuh bukakhiukkhi ju kekhüzü arungkhi nangde lah, tüshe api muzho a rim kheak ayinke nangde lah.

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

ISAIA 14:32

Trükshih yunithsürü ki shenü tümü aloba? Atungpuhnü Zion thsükhitdo, tüsho api mihtsürü bolung küpkhukrü ju ching tsoyukbah.

ISAIA 18:7

Ju kim ching Wuto Atungpuh kilim, mihtsürü ashang tüsho küpshahshah, trede alakhi mihtsürü aphüni tüsho limshu, wulakhi tüsho akuk ngükhi trükshih, ayungbonü chamnakbah alakhi lomi ching larünü Wuto Atungpuh mung lapung Zion Müzüng ching thsambahbo handarübah.

ISAIA 26:19

Isa mihtsürü shea larü arhang kamlobah, arü mibo asürübah. O asungthulung ching larübo, asürang tüsho asühachihkhi khün thsang! Tümüde nü yo ayinke ju yapsu ayinke nangde lah, tüsho alominü shea larü yankhitbah.

ISAIA 26:21

Kheahang, alomi ching larübo arü amülim dün thsümüchipü Atungpuh api lapung chingnü akhiukchoh; alominü nihbe kheak thiyih bukkhi yihkhita huhbah, tüsho kheaküa alaksahkhi mülüpdo.

ISAIA 31:9

Atrekhinü apinü nihbuh chipi bahbah atsobah, tüsho api torübonü riphin ngübah ajande atsobah, Atungpuhnü thachoh, shepü mo Zion ching la, tüsho shepü motru Jirusalem ching la.

ISAIA 46:13

Inü abekhitpü phünide handarüchoh, limshude yung, tüsho I akhümkhit mülakma; inü Zion ching akhümkhit yukbah, Israel thsungkheak müretahkhi labah.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

HOSEA 14:5

I ju Israel ki ayinke nangde alabah; api thrilung sangbün nangde abungbah, Lebanon murungbo nangde api aying chinyukbah.

HOSEA 5:15

Arünü arü mülimkhi muhuhyi khiungde, inü I mihtsürü bahyukbah. Tüsho arünü I miro yimbah; arü thsünükhi ching arünü mushude I yimbah.

JOEL 3:17

Junangde I Atungpuh nüsa Thrünpuh, I yo müzüng amüsüh, Zion ching lah de nüsanü mükheahbah. Tüsho Jirusalem amüsüh labah, tüsho hanrünü küyimkishe hanü mütsahholo.

AMOS 3:7

Tsükjide Atungpuh Thrünpuhnü api yamlarü wukihrübo ki rama lakhi alümkhi muhuhdüa tümü she müthsü.