ISAIA 17:8 - AMÜSÜH HÜM CL Bible (BSI)

⁸ arünü arü khahnü athsükhi kingaün sadambo mükheah, tüsho arünü arü yingkhingbonü athsükhi, Ashera sangthsü yungsho rhümthüneabe kingaün sadam wüntre müjih.

ISAIA 17:8 Iomraidhean Croise

2 SAMUEL 22:42

Arübonü abina kheah, tüshe arü khümkhitpü she mülade alakheah; arünü Atungpuh ki zhi, tüshe apinü arü ki malojih.

2 KIUTHSÜYUKHEAN 14:5

Apinü Juda kiutobo alala chingnü achang dangpungbo tüsho rhümthüneabe kingaün sadambo yihkhita bah. Tüsho api bukkhüp kiulongthsü mungtsü lakheah.

2 KIUTHSÜYUKHEAN 31:1

Kheakü küyimki ha alala bankhea, bede alarü Israel alala Juda kiutobo ching wukhiuk tüsho dungjingbo yihshak, Ashera sangthsübo kiukheam, tüsho arünü alala müthsümünimyi khiungde Juda tüsho Benjamin, Ephraim tüsho Manase alala ching achang dangpungbo thokheam. Jushu Israel mihtsürü alala arü kiutobo, arü nihbuh yamalo kukruk lim rholo.

2 KIUTHSÜYUKHEAN 34:4

Api mikinü arünü Baal kingaün sadambo lukkheam; apinü jurü mikheak yo rhümthüneabe kingaün sadambo thsümünim. Apinü Ashera sangthsübo tüsho asümkhi le azünkhi sangthsübo thsümünim; apinü jurü asungthulung kamshih tüsho arü kingaünrübo kiuyukbo kheak suka bah.

ABEKHIT 34:13

Arü kingaün sadam lukkheamjang, amüsüh dungjing kingkheamang, tüsho sangthsübo kiukheamang.

ISAIA 1:29

Tümüde nünü kingaünkhi thülamdung dünkheak nü achih ngübah; tüsho nünü amokhitkhi ayündo dünkheak mi zhinbah.

ISAIA 10:20

Ju nimung aningkhi Israel tüsho Jakob yamkhün rhangdung larübonü kheaküa arü shikrü kheak düthsün mangükih, tüshe Israel yo thiyuro Amüsühbuh kheak angükihbah.

ISAIA 17:9

Ju nimung sühmüh lakhi arü kiutobo Hiv tüsho Amorrü lapung Israel tsührü hode abahkhitkhi nangde alabah, tüsho ju ching zhikrangkhündo alabah.

ISAIA 2:8

Arü lomi sangthsünü mide lah; arünü arü khahnü athsükhi, arü yingkhingbonü athsükhi ki khukningchoh.

ISAIA 27:9

Jumonü hanü Jakob amülim dün shaklobah tüsho ha api neak yihkhita bahkhi sangaso labah: Küyimki apinü lung kingaün sadambo alala athrütbe-lung nangde adütre kamde züthünakbanü, Ashera sangthsü yungsho rhümthüneabe kingaün sadambo tümü aninga müzhip.

ISAIA 30:22

Judüki nüsanü shotoyinchinü alüpdokhi sangthsübo tüsho sunanü alüpdokhi sangthsübo müneanbah. Thiyih müneankhi khim nangde nüsanü hiumüzüta bahbah; nüsanü arü ki thabah, “Tsoabahang!”

ISAIA 37:19

tüsho arü thrünpuhbo mo ching takdo, arübo ju thrünpuhbo yunga lalashe mihtsürü khahnü athsükhi–sang tüsho lung–junangde arübo thsümünimdo.

ISAIA 41:29

Yung, arü alala akeangkeang; arü rhimo tümü müla; harü sangthsübo ha akeangkeang pung tüsho ayingying lah.

ISAIA 44:15

Jushu mihtsürünü mokhih thsüpü kuklah. Ha chingnü apinü lubah nihbuh thüyüpchoh; apinü mo takkihchoh tüsho yikhap damchoh. Jushu apinü thrünpuh thsüchoh tüsho kingaünchoh, sangthsü khülang thsüchoh tüsho ju miki khukningchoh.

JEREMIA 17:2

arü tsührübonü she arü kingaün sadam tüsho Ashera sangthsübo lümkhitchoh, sangdung phüyak aban ki tüsho awung achangbo kheak,

EZEKIEL 36:25

Inü nü kheak ke amüsüh rhakkihbah, tüsho mümüsühkhibo chingnü nü müsühbah, tüsho nü sangthsübo alala chingnü inü nü müsühbah.

HOSEA 14:8

O Ephraim, inü nü sangthsübo kheak tümü thsüba? Nü ki alorü tüsho nü kümrü ju I ah. I a lünnü aphüyak sang nangde lah; nü thülünde alapü I kilimnü arüchoh.”

HOSEA 14:9

Sherü lümlung lanü harü anikhitchoh; sherünü kheahkhitlanü jurü mükheahlah. Tümüde Atungpuh limrobo ju alungki, tüsho thiyurolungkirünü jurü ching tsahchoh, tüshe alakmihrünü jurü ching jing mükhechoh.

ZEPHANIA 1:3

Inü mihtsürübo tüsho shiwühbo phüta bahbah; inü thüning wuhnubo tüsho keto ngühbo phüta bahbah. Inü mihbukmuyuk jing mükheshihbah. Inü mihtsürübo alomi chingnü akheamshihbah, Atungpuhnü thachoh.

ZEKARIA 13:2

Wuto Atungpuhnü thachoh, ju nimung inü lomi chingnü sangthsübo mung dükheakshihbah, junangde kheaküa arü mülümkhit; tüsho inü lomi chingnü wukihrübo le mümüsühkhi me yihkhitbah.

YUZÜNGTHALO 7:5

Tüshe ha ruk nüsanü arü ki rhimoang: nüsanü arü yo kingaün sadam khapkheamjang, dungjingbo kingkheamjang, Ashera dungjingbo kiukheamjang, tüsho sangthsübo monü takabahjang.