ISAIA 17:5 - AMÜSÜH HÜM CL Bible (BSI)

⁵ Tüsho ju yimlurünü dubuh kheaknü buhmukhungkhi tüsho hi ye yimlukhi kim nangde alabah, tüsho khürünü Rephaim jindükhün ching hi ye tsüka lukhi kim nangde alabah.

ISAIA 17:5 Iomraidhean Croise

2 SAMUEL 5:18

Kheakü Filistiarü arü tüsho Rephaim jindükhün ching sukkhi.

2 SAMUEL 5:22

Kheaküshe Filistiarü atu, tüsho Rephaim jindükhün ching sukkhi.

MÜCHITMUDU 27:25

Küyimki rim rhipkhi luba tüsho aso akhiukloba tüsho awungbo chingnü rim hanmukhungbanü,

ISAIA 17:11

nüsanü akhimkhi nimungnü jurü chinkihshihshih she, tüsho nüsanü mükheankhi yapsunü pungkhitshihshih she, tütüshe mulong tukthsü tüsho müthsüngube thsünükhi nimung khülang ching yimlupü mülade akambah.

JEREMIA 51:33

Tümüde Wuto Atungpuh , Israel Thrünpuhnü ha thachoh: Tsührübe Babilon a hinitpung ching nitkhi nangde lah, anihbe yimlupü kim nahde arübah.

JEREMIA 9:22

Asukang! Atungpuhnü ha thachoh: Mükeak ching bahyakkhi nangde, yimlurü dunglim hi bahkhi nangde, mihtsürü ashemibo keambah tüsho shenü arü mühanmukhung.

HOSEA 6:11

O Juda, inü I mihtsürü ramtso chingnü belode arüchoki, nü thsungkheak yimlupü akhukhita lah.

JOEL 3:13

Hirhüpbe yukang, tümüde yimlupü khiunga lah. Yüzahang, nitang, tümüde yukhu nitpung milah. Pangjiphühbo zhikhiuklah, tümüde arü mihbukmuyuk tolah.

MATHI 13:30

Yimlupü khiungde ane rukhüh asürüshang, tüsho yimlupü kim ching inü yimlurübo ki thabah, “Akhuhde muthsuaberimbo hanmukhungang tüsho mo ching takpü athsün athsün thsang, tüshe hi a I jakam ching hanmukhungang.”’”

JIHUSUA 15:8

aredung ju Hinnom tsührü jindükhün ching Jebusrü lapung düjinglim lodüpheak (ju Jirusalem) lim wutulah; tüsho aredung ju aniyüzahlim Rephaim jindükhün dukulim achinkheam lim Hinnom jindükhün kumung awung lim wutulah.

JIHUSUA 18:16

Ju kheaknü achinkheam dukulim Rephaim jindükhün ching Hinnom tsührü jindükhün chinzhina kheahpung wung khiunglah. Kheaküshe düjinglim Hinnom jindükhün hode abolim Jebusrü lo düpheak Engrogel thrip yükilah.