ISAIA 17:4 - AMÜSÜH HÜM CL Bible (BSI)

⁴ Ju nimung Jakob müretahkhi abobe kamshihbah, tüsho shih kihkhi trukabahbah.

ISAIA 17:4 Iomraidhean Croise

THRÜNTAN 41:3

Judüki püpü moshi thüne trukkhita ashih-mükihde ayung chingnü akhiuk, tüsho ayung yean püpü moshibo ki zhip.

2 KIULONG THSÜRÜ 17:3

Asiria kiulongthsüpuh Shalmanesernü api azhihde atu; Hoshea api bukkhüp laabah, tüsho api kilim ruk jih.

2 KIULONG THSÜRÜ 17:6

Hoshea kam tukupü ching Asiria kiulongthsüpuhnü Samaria yankhit; apinü Israelrü bebah Asiria ching yü. Apinü arübo Hala, Gozan ching lakhi Habor ayung, tüsho Midia kiutobo ching binshih.

ISAIA 10:16

Jumonü Wuto Atungpuhnü athrih tukthsü adüküng thirithsürübo kilim yüshihbah, tüsho api müretahkhi bukkhüp mo takkhi nangde atakpü takkihbah.

ISAIA 10:3

Thsümüchi nimung ching, limshunü arüpü lakhi thsümütsü ching nünü tümü rhimoba? Shepü ki arung thsungkheak nü shande ayüba, tüsho nü lakhit kükheak bahba?

ISAIA 10:4

Nüsa keochih ching laksahbah yungsho aramrü nangde thobah ayübah. Ha alala thsungkheak api bukakhiukkhi rholode mutso; api khah kheakü khiungde chungkih-a lah.

ISAIA 17:3

Ephraim chingnü chipi dükheakbah tüsho Damaska chingnü kiulongthsü dükheakbah; tüsho Siria aningkhi ju Israel tsührü müretahkhi nangde alabah, Wuto Atungpuhnü thachoh.

ISAIA 24:13

Tümüde ha ruk alomi kheak tüsho trükshih bolung, oliv sangdung aniungkhi nangde, kurungaso yimlubah momukhungkhi nangde alabah.

ISAIA 24:16

Alomi akheam chingnü isanü mungshikhünbo, Thiyuro-labuh Khülang müretahkhi shikhün isanü sochoh. Tüshe inü thachoh, I mülatsan, I mülatsan, I are! Mülapmüjirünü mülapmüjichoh, atsütsü mülapmüjirünü khide mülapmüjide rhimodo.

ISAIA 9:21

Manasenü Ephraim tsüh, Ephraimnü Manase tsüh, tüsho rukhühnü arünü Juda azhih. Tümüde ha alala thsungkheaknü api bukakhiukkhi rholode mutso; api khah kheakü khiungde chungkih-a lah.

ISAIA 9:8

Atungpuhnü Jakob azhihde thiyu khülang yüshih, tüsho ju Israel kheak yükih;

EZEKIEL 34:20

Jumonü, Atungpuh Thrünpuhnü arü ki ha thachoh: Inü amüdangkhi tüsho akukruk namfimihnu dükeak mahkhapbah.

AMOS 3:12

Atungpuhnü ha thachoh: Namfimihnu neakrü jing mahne yungsho nuku khülang kekhüzü mün chingnü ayankhikhi nangde, Samaria ching lakhi Israel mihtsürü dükhüm-binkiu mungkhüh tüsho yapkiu shihchamkhüh kheak binrü khümkhitbah.

ZEPHANIA 2:11

Atungpuh mihtrebe thsüde arü azhihbah; apinü lomi thrünpuhbo alala thsümünimbah, tüsho keyeanlobo tüsho kekung-lo trükshihbo alalanü nihbuh dangpung chingnü api ki kingaünbah.