ISAIA 17:3 - AMÜSÜH HÜM CL Bible (BSI)

³ Ephraim chingnü chipi dükheakbah tüsho Damaska chingnü kiulongthsü dükheakbah; tüsho Siria aningkhi ju Israel tsührü müretahkhi nangde alabah, Wuto Atungpuhnü thachoh.

ISAIA 17:3 Iomraidhean Croise

2 KIULONG THSÜRÜ 16:9

Asiria kiulongthsüpuhnü api ki ani; Asiria kiulongthsüpuhnü Damaska azhihde wutu tüsho ju lubah mihtsürübo Kir ching rama lubah yü; jushu apinü Rezin laksah.

2 KIULONG THSÜRÜ 17:6

Hoshea kam tukupü ching Asiria kiulongthsüpuhnü Samaria yankhit; apinü Israelrü bebah Asiria ching yü. Apinü arübo Hala, Gozan ching lakhi Habor ayung, tüsho Midia kiutobo ching binshih.

ISAIA 10:9

Kalno ju Karkemish ruk yung de? Hamath ju Arpod ruk yung de? Samaria ju Damaska ruk yung de?

ISAIA 16:14

Tüshe kheakü Atungpuhnü thachoh, Muloa-rhimoshihrü kambo nangde kam mahsam dükeak chingnü mih hihde lalashe Moab müretahkhi ju abahyukkhi kambah; tüsho sherü aninga labanü khide anükbah tüsho arü reangmüzahde alabah.

ISAIA 17:4

Ju nimung Jakob müretahkhi abobe kamshihbah, tüsho shih kihkhi trukabahbah.

ISAIA 25:2

Tümüde nünü kiuto amujung kamshihdo, chipi ayünkhi kiuto thsümünimdo; khiungkerü yo kiulongthsürü yambo lakhi kiuto kheaküa müla, ha küyimkishe müthsülo.

ISAIA 7:16

Tümüde azübuhnü amütsü reanglopü tüsho atsü mokhitpü mümükheahyide, nünü kiulongthsürü mahne trede alakhi lomi zhikrangkhündo akambah.

ISAIA 7:8

Tümüde Siria ku ju Damaska, tüsho Damaska ku ju Rezin. (Kam rukrükheak phüngü dükeak chingnü Ephraim niukmüzütbah, junangde mihtsürü mükhede akambah.)

ISAIA 8:4

tümüde khungarünü “Abuh” yungsho “Aba” de ajipü mümükheahyide Damaska lakhit tüsho Samaria ching yankhikhi kukrukbo Asiria kiulongthsüpuhnü lude atsobah.

HOSEA 1:4

Tüsho Atungpuhnü api ki tha, “Api mung Jezreel jiang; tümüde anükhüh labah Jezreel thiyih dünkheaknü Jehu yamkhün thsümüchibah, tüsho inü Israel kiulongthsü akheam thsüshihbah.

HOSEA 1:6

Alibe mübünkeanglode kam tüsho tsührü aliberü khülang zübejih. Judüki Atungpuhnü api ki tha, “Alibe mung Lo-ruhama de jiang, tümüde kheaküa inü Israel yamkhün mümuzho yungsho arü neak mübahjih.

HOSEA 10:14

jumonü nü mihtsürü azhihde thirithsü düsheak labah, tüsho nü chipi alala thsümünimbah, Shalman nü thirithsü nimung Beth-arbel thsümünimde, berübo lung tsührübo bebah adütre kamde zünakkhi nangde alabah.

HOSEA 3:4

Hanangde Israel mihtsürünü kim ashang kiulongthsürü yungsho limberü mülade, shuhmülanga kingaünkhi yungsho amüsüh lung dungjingbo mülade, sangthsübo yungsho müchitpü mejakbo mülade alabah.

HOSEA 8:8

Israel a muyuabah-a lah; kheakü arü akeangkeang kukruk nangde trükshih bolung lah.

HOSEA 9:11

Ephraim müretah ju wuhnu nangde phinde atsobah–müzübe, mihmüla, khungarü müla!

AMOS 8:14

Sherünü Samaria, Dan tüsho Beersheba sangthsübo kingaünbanü arübo alungbah, tüsho küyimkishe masürülo.